الناس غير الناس والوقت نفسه

الناس , غير , والوقت , نفسه

الناس غير الناس والوقت نفسه

الناس غير الناس والوقت نفسه "
وانا درست الناس والوقت مدروس =

شاعر ومن بعض العرب ضاع حسه "
بعض العرب دربه عن الناس معكوس =

لا يخدعك بالشخص نطقه ولبسه "
ترا اختبار الشخص في فعل ملموس =

بعض العرب حيا بشوفه ونخسه "
اللي يشد الباس لا دق ناقوس =

المعرفه به مال مافيه نكسه "
كسب الرجال ابرك بها ترفع الروس =

والبعض لا قد غاب عن عينك انسه "
بعض الرجال اللي لهم طبع ميؤوس =

دايم يشوف الناس في خط عكسه "
واسمه غدا محذوف من كل قاموس =

وش لي بذكر الوقت يومه وأمسه "
واذكر مواجع تجرح ابلغ من الموس =

وين انت يا اللي حي شوفه وهمسه "
يامن معي موجود في كل هاجوس =

والقاه في صحوي وفي كل نعسه "
والقلب في حبسه غدا اليوم محبوس =

ودي معه حتى في العمر جلسه "
وانعش بها حبن في القلب مغروس !

هلا بك والله

مرت علي هذه القصيدة من قبل
صح الله لسانك شاعر ذرب

صح الله لسانك ع قوه طرحك وابداع الكلمات

يعطيك الاف عافية حبيب المنتدى على هذه الكلمات القوية والمعبرة

ولابد ما يعلمنا الوقت اسرار البشر
كلنا في الزمان دارس ومدروس



تحياتي ،،

روووعه ومعبره. وحساسه
صح لسانك
استمتعنا بقافيتك الجميله
ومنطوق هاجسك ونظمه
خالص تقديري

بعض العرب حيا بشوفه ونخسه "
اللي يشد الباس لا دق ناقوس =

المعرفه به مال مافيه نكسه "
كسب الرجال ابرك بها ترفع الروس =


صح لسانك حبيب دائما
تعطينا من اجمل الابيات يعطيك العافيه

صح لسانك
مانعدم حرفك يا حبيب

مخاوي البر
اليمامه
روح السراب
النعيمي
قلم رصاص
صح ابدانكم بنيابه
وتسلموعلى طلتكم الطيبه

اخي حبيب المنتدى

تذكرتك انت الشاعر المعروف

تشرفنا بتواجدك هنا ووين الغيبه يا رجال ؟ اشتقنا لحروفك والله

قصيدة حلوة

وش لي بذكر الوقت يومه وأمسه "
واذكر مواجع تجرح ابلغ من الموس =


هل هي من قصيدتك أم منقولة

الرجاء الرد حتى ننقلها للقسم المناسب