روح الوفاء ..!

..! , الوفاء , روح

روح الوفاء ..!

السلام عليكم .,
كتبت قصيده ولااعلم لماذا اعشقها ..!
اقول فيها

الحزن يدعي وعوج ضلوعنا لبّـت
داعيه والجرح تـوّه ما بعد دمّـل

اخطيت من قبل ما في الامر تتثبـّت
وطعنت روح الوفا والجرح ما سمّـل

وبعد الذي صار روح فراقنا دبّـت
الحب .. ما عاد للزلات يتحمّــل

الله كتبها لنا .. وامر الله مثبّـت
روّح مجمّـل وانا با اروح ومجمّـل

حتى ولو نار بعدك في الحشا شبّـت
والدمع من محجر العينين قد همّـل

اول خطاوي الرجل في دربها طبّـت
مالي امل فيك وبعد اليوم لا تمّــل

ايامنا .. ما درينا وش لنا خبّـت
يالله بعونك ليا صبر الفتى كمّـل

ما فيه حيله ولا به حول لا هبّت
ريح الفراق وعيون الحب تتأمّـل

وختامها والله ان الروح ما حبّـت
مخلوق غيرك وقلبي للقا صمّـل

لكن نفسي ما عاشت ولا تربّــت
على الغبينه ولا في يوم تتحـمّـل

بروح والحب زرعه في الحشا نبّت
واكبر دليل القصيده جات تتـرمّـل

وسلامتكم .,

وختامها والله ان الروح ما حبّـت
مخلوق غيرك وقلبي للقا صمّـل

لكن نفسي ما عاشت ولا تربّــت
على الغبينه ولا في يوم تتحـمّـل

بروح والحب زرعه في الحشا نبّت
واكبر دليل القصيده جات تتـرمّـل

ابيات جميلة رغم الألم والحزن فيها

كالعاده مبدع صح لسانك وعلى شانك

إقتباس:
إقتباس من مشاركة همس الآيام
وختامها والله ان الروح ما حبّـت
مخلوق غيرك وقلبي للقا صمّـل

لكن نفسي ما عاشت ولا تربّــت
على الغبينه ولا في يوم تتحـمّـل

بروح والحب زرعه في الحشا نبّت
واكبر دليل القصيده جات تتـرمّـل

ابيات جميلة رغم الألم والحزن فيها

كالعاده مبدع صح لسانك وعلى شانك






الاجمل هو وجودك وحضورك الاولي
ممتن لهذا الحضور الجميل ولشخصك اكثر
ياهلا

عسى تجي همس وتحللها لنا عشان نفهم هههه الله جابها تفهم الخبلان هههه


قصيده جميله ومؤثرة رغم ملامستي للألم الكبير فيها

ايامنا .. ما درينا وش لنا خبّـت
يالله بعونك ليا صبر الفتى كمّـل

إقتباس:
إقتباس من مشاركة قلب شبوه
عسى تجي همس وتحللها لنا عشان نفهم هههه الله جابها تفهم الخبلان هههه


قصيده جميله ومؤثرة رغم ملامستي للألم الكبير فيها

ايامنا .. ما درينا وش لنا خبّـت
يالله بعونك ليا صبر الفتى كمّـل



هلا ومرحبا بذا الحضور يا قلب
لي الشرف بتجليلات همس الايام
ممتن لحضورش واكثر لشخصش
ياهلا

اول خطاوي الرجل في دربها طبّـت
مالي امل فيك وبعد اليوم لا تمّــل


صح لسانك وكل وجدانك
قصيدة جزلة من راس جزل

من أجمل ما قرأت من قصائد لمراويح السحاب
صح لسانك وأعلى الله شاءنك

إقتباس:
إقتباس من مشاركة مخاوي البر
اول خطاوي الرجل في دربها طبّـت
مالي امل فيك وبعد اليوم لا تمّــل


صح لسانك وكل وجدانك
قصيدة جزلة من راس جزل



صحت ابدانك يالخلاوي .. وصح قلبك
الجزاله في حضورك لا هنت ولا شنت
ممتن لحضورك واكثر لشخصك
ياهلا

إقتباس:
إقتباس من مشاركة أبو علي
من أجمل ما قرأت من قصائد لمراويح السحاب
صح لسانك وأعلى الله شاءنك




صحت ابدانك وكل كلك يابوعلي
بس حرام عليك ظلمت قصائد مراويح السحاب
ربما تكون جميله هذه القصيده ولكن ليست الاجمل
وفي النهايه تبقى الاذواق مختلفه في تحديد الجماليات
ولكنك شرفتني طال عمرك بتواجدك واعجابك بالقصيده
ممتن لحضورك كثيرا ولشخصك الحبيب اكثر
ياهلا

إقتباس:
إقتباس من مشاركة أبو علي
من أجمل ما قرأت من قصائد لمراويح السحاب
صح لسانك وأعلى الله شاءنك




صخت ابدانك وكل كلك يا سعادة المدير
ولكن ظلمت بقية القصائد .. ربما تكون هذه جميله ولكن ليست الاجمل
وتبقى في النهايه معايير الجماليه اذواق مختلفه بين الناس .. اقدر واحترم
ما قلت عن هذه الابيات وهو وسام شرف طال عمرك
ممتن لحضورك كثيرا ولشخصك اكثر
ياهلا