منتدى الآصالةوالتاريخ حريب بيحان
ينتهي : 30-04-2025
عدد مرات النقر : 1,255
عدد  مرات الظهور : 28,086,464

عدد مرات النقر : 4,101
عدد  مرات الظهور : 72,106,821
عدد  مرات الظهور : 67,822,790
قناة حريب بيحان " يوتيوب "
عدد مرات النقر : 2,281
عدد  مرات الظهور : 72,107,623مركز تحميل منتديات حريب بيحان
ينتهي : 19-12-2025
عدد مرات النقر : 3,929
عدد  مرات الظهور : 68,323,550
آخر 10 مشاركات
صـبـــاحكم سكــر // مســـاؤكم ورد معطر (الكاتـب : - المشاركات : 2380 - المشاهدات : 165307 - الوقت: 02:40 AM - التاريخ: 03-29-2024)           »          ورد يومي صفحه من القرآن الكريم (الكاتـب : - المشاركات : 93 - المشاهدات : 798 - الوقت: 06:53 AM - التاريخ: 03-23-2024)           »          شهرمبارك كل عام وأنتم بخير (الكاتـب : - آخر مشاركة : - المشاركات : 3 - المشاهدات : 44 - الوقت: 04:06 AM - التاريخ: 03-18-2024)           »          تدمير دبابة ميركافا الإسرائيلية (الكاتـب : - آخر مشاركة : - المشاركات : 2 - المشاهدات : 106 - الوقت: 06:53 AM - التاريخ: 03-17-2024)           »          قراءة في سورة البقرة (الكاتـب : - المشاركات : 0 - المشاهدات : 27 - الوقت: 06:45 AM - التاريخ: 03-17-2024)           »          بقايا الذكريات (الكاتـب : - آخر مشاركة : - المشاركات : 18 - المشاهدات : 460 - الوقت: 06:13 AM - التاريخ: 03-10-2024)           »          بيت شعر تهديه لمن يعز عليك (( (الكاتـب : - آخر مشاركة : - المشاركات : 1316 - المشاهدات : 110040 - الوقت: 02:18 AM - التاريخ: 03-04-2024)           »          سجل حضورك بأجمل بيت شعر يروق لك (الكاتـب : - آخر مشاركة : - المشاركات : 1602 - المشاهدات : 161902 - الوقت: 02:15 AM - التاريخ: 03-04-2024)           »          الحمدلله عدنا والعود أحمد بعد غياب طويل (الكاتـب : - آخر مشاركة : - المشاركات : 1 - المشاهدات : 74 - الوقت: 04:35 AM - التاريخ: 02-26-2024)           »          التصعيد في المنطقه (الكاتـب : - المشاركات : 0 - المشاهدات : 75 - الوقت: 12:05 PM - التاريخ: 02-24-2024)


الإهداءات



حريب بيحان الترفيه للمواضيع الترفيهية والفكاهه


البدوي والضيف...

للمواضيع الترفيهية والفكاهه


البدوي والضيف...

نزل أحدهم على بدوي ضيفاً يريد الزواج من ابنته فقال له البدوي : أنا عندي لك يا ضيفنا العزيز أسئلة إذا عرفتها زوجتك البنت , أنت مستعد ؟ الضيف

الرد على الموضوع
 
LinkBack خيارات الموضوع
قديم 01-28-2015, 11:45 AM   #1


الصورة الشخصية لـ قحطان
قحطان غير متصل

بيانات اضافيه [ + ]
 رقم العضوية : 2090
 تاريخ التسجيل :  Jul 2013
 أخر زيارة : 01-31-2021 (04:48 PM)
 المشاركات : 4,680 [ + ]
 تقييم العضوية :  2675
 مشاهدة أوسمتي
لوني المفضل : Cadetblue
شكراً: 125
تم شكره 149 مرة في 100 مشاركة
الإفتراضي البدوي والضيف...







نزل أحدهم على بدوي ضيفاً يريد الزواج من ابنته فقال له البدوي :
أنا عندي لك يا ضيفنا العزيز أسئلة إذا عرفتها زوجتك البنت , أنت مستعد ؟

الضيف / تفضل .

البدوي / وش الشيء اللي يضرك إذا أرتفع وإذا أنخفض ؟

الضيف / هذا الله يجيرني وإياك والعروس ... مرض السكر والضغط .

البدوي / ما لك لوا ... هذا سعر البترول .
طـيـب ... من هو اللي يصلي النافلة ويترك الفرض ؟

الضيف /هههه أكيد هذا المجنون

البدوي / صدقت ... هذي الموظفة اللي تخدم الناس وتضيع زوجها وأولادها وبيتها طيب ...
البدوي / من هو الملك اللي نزل من عرشه وضيع شعبه وأشتغل سوّاق ؟

الضيف / أمممم ..ما أدري بس هذا سؤال صعب !

البدوي / أبداً هذا بسيط للي يعرف الواقع ... هذي الحرمة اللي تهرب من بيتها وتطالب بسواقة السيارات

البدوي / وش الدولة اللي فيها رئيسين ؟

الضيف / هههه ما فيه يا عمي حتى الملعب وهو ملعب ما فيه إلا حكم واحد وعنده مساعدين..

البدوي / شفت إنك ما أنت داري بشي ... هذي بيوت اللي ينادون بمساواة المرأة بالرجل.
طيب ... إذا بغيت معنى كلمة عربية وين تدور عليها ؟


الضيف /أكيييد في لسان العرب أو القاموس المحيط .

البدوي / ما عندك سالفة ... تذكر بوش على الذمة ما تشوف كيف فسر لنا كلمة " إرهاب " وكل العالم وافقوه عليها..

الضيف / أجل , الله يستر لا يجي اليوم اللي غيره يفسر لنا فيه معنى التوحيد والإسلام

البدوي / طيب ... وش الوردة اللي ما تستخدمها إلا إذا ذبلت ؟

الضيف / أصلاً إذا ذبلت , ما عاد يصير لها قيمة ياعمّ !

البدوي / صحيح ... هذول بنات هالأيام , البنت ما تتزوج فيهن إلا بعد ما تكبر ويروح شبابها وهي تطرد ورى هالسراب اللي يسمونه المستقبل!!

البدوي / طيب ... منهم الأبرياء اللي يجوز قتلهم ؟

الضيف / ما فيه .

البدوي / هذول ... المسلمين ، ما تشوف لما قتلتهم أمريكا في أفغانستان ، والعراق قالت حنا ما يمكن نقضي على الإرهاب إلا بقتلهم ، وافقهم العالم كلّه حتى المسلمين ، .
إييييه ... الظاهر يا ضيفنا العزيز إن ما لك نصيب في البنت لأن ما عندك (( فقه بالواقع ))

وبعدين البنت باقي تدرس وعمرها لا زال 35 سنة وباقي توها صغيرة على الزواج!!
ووووووووو
الضعيف راحت عليه العروس ...


hgf],d ,hgqdt>>>



 


الرد باقتباس
قديم 01-28-2015, 12:09 PM   #2


الصورة الشخصية لـ قحطان
قحطان غير متصل

بيانات اضافيه [ + ]
 رقم العضوية : 2090
 تاريخ التسجيل :  Jul 2013
 أخر زيارة : 01-31-2021 (04:48 PM)
 المشاركات : 4,680 [ + ]
 تقييم العضوية :  2675
لوني المفضل : Cadetblue
شكراً: 125
تم شكره 149 مرة في 100 مشاركة
الإفتراضي رد : البدوي والضيف...



البدوي والبطااالة...



نزل ضيفاً عليه



الضيف / السلام عليكم ورحمة الله .




البدوي / وعليكم السلام ورحمة الله وبركاته , يا هلا ويا مسهلا ... تفضل .


وفي أثناء مدة الضيافة دار بينهما الحديث التالي :




الضيف / أقول , ورى شارع المطار مزحوم ؟




البدوي / ما خبرت هالشارع تجي فيه زحمة , إلا إذا كان رجال المرور ينظمون الحركة .




الضيف / بعدين السواقه عندكم خطيرة , ركبت من المطار مع ليموزين وقام يسوق بسرعة ويوم سألته ويش بلاك تسرع ؟


قال : أنا لي ثلاث أيام مريض ولازم أعوض الكفيل لأنه ياخذ منّي 200 ريال يومياً .


قلت : ويش هاللي معلقه في المراية ؟


قال : هذي مغذية أكمل العلاج لأن ما عندي وقت .




البدوي / عزّ الله إنك صدقت أنا مره شفت حادث فوق كبري بين سيارتين , لقينا سيارة والثانية ما لقيناها إلا بعد يومين , لقيناها داخله في الدور الثاني في عمارة جنب الكبري , ويوم حققوا مع السواق لقوه توّه مأمن على السيارة , صارت شركات التأمين شر علينا فوق حرمتها , وصرنا نشوف الشباب يفحطون بسياراتهم تقول ما هي لهم .




الضيف / المهم .... قلت للسواق عطني اسم الكفيل علشان أشتكيه ؟


قال : الكفيل عنده 10 آلاف فيزه سواق .


ويوم شفت اسم الكفيل تذكرت المثل إللي يقول إذا كان خصمك القاضي فمن تقاضي .




البدوي / يا خوي ما أدري هو ما كفّاهم هالبترول إللي نسمع به ولا نشوفه , ضايقوا الناس في كل شيء , هالعشرة آلاف فيزه لو تركوها للشباب كان فتحوا فيها 10 آلاف بيت لكنهم فوق هذا ضيعوا الشباب بالكورة والفضائيات وصرنا نشوف مشاكل وجرايم غريبة ما كنا نعرفها قبل .




الضيف / أنا معك إن الفضائيات أفسدتهم بس الكوره ما فيها شي متعه ورياضة .




البدوي / أي رياضه أي خراط حتى أنت ضحكوا عليك ... 20 لاعب يلعبون وإللي يتفرجون عليهم بالملايين وتقول رياضه , ضياع وقت وهمجية في الشوارع وإفساد في .....




الضيف / ويش سالفة إللي صار عندكم بعد عيد الفطر , صحيح إللي سووه الشباب ؟




البدوي / صحيح .... ما تشوفني ما عاد أمشي بسيارتي إلا والرشاش معي خصوصاً إذا فيه مباريات وإلا احتفالات أعياد , لأن المسؤولين الله يهديهم ما يفزعون إلا إذا سمعوا إن فيه قتل .




الضيف / ما يقدرون يسوون شيء مع هالشباب الطايش .




البدوي / صدقني لو تصرفوا معهم مثل ما صار في الجوف أيام الإنتفاضه كان وقفوهم عند حدهم .



الضيف / أذكر فيه بيان صدر من الداخلية .



البدوي / ههههه حبر على ورق ..... لو طبقوه مثل قرار ربط الحزام - إللي فايدته محدوده على السواق - كان أنتهت مشاكلنا , البدوي عندنا صار ما يروح من طعس للثاني إلا وهو رابط الحزام , وصار رجال المرور عندنا ما لهم همّ إلا ربط الحزام وخطوط المشاه , مثل عمال البلدية يمرون على القمامة يلقطون قواطي الببسي منها ويتركونها مكانها .



الضيف / لكن مع هذا إحنا شعب مسالم , بس ودّك المسؤولين يخففون عنّا شوي لأني سمعت إن الطرق السريعة والكباري بتصير بفلوس




البدوي / واحد من المسؤولين طبق هالقرار على أحد الكباري وحط رسوم 50 ريال على كل سياره , يبغى يشوف ردّة الفعل عند الناس .


وبعد أيام لقى الناس يجهزون الـ 50 ريال قبل يوصلون البوابه , قال للموظفين خذوا منهم بدل الخمسين مية ريال , وبعد أيام لقى الناس متجاوبين وما عندهم اعتراض , قام وزوّد عليهم مع الفلوس تفله في وجه السوّاق , وبعدها لقى الناس يجهزون الـ 100 ريال ويفتحون الدرايش علشان التفله .


المهم ... أجتمع مع بعضهم وسألهم :


ويش رايكم في القرار وهل فيه أحد منكم عنده إعتراض ؟


قالوا كلهم هذا قرار حكيم وتوجيه سليم , وما عندنا أي إعتراض .


قام واحد منهم وحرّك يده يبي يهش الذباب , قال له المسؤول نعم.... أنت عندك إعتراض ؟


قال / أبد طال عمرك ..... بس أشوف الزحمة زادت عند البوابه وأقترح طال عمرك لو تكثرون المتفلين !




الضيف / عساهم يتذكرون المثل إللي يقول إذا كان حبيبك عسل لا تلحسه كله !




البدوي / بس ... أبشرك فيه خبراء أكتشفوا قبل أيام إن الشعب عنده إحساس وشعور .




الضيف / الله يبشرك !!.... هم لو يدورون العالم ما يلاقون شعب مثلنا , بس مثل ما أنت عارف مشاكل الشباب واجد ورعاية الشباب ما قصرت معهم .




البدوي / الله يذكرك بالشهاده , ذكرتني رعاية الشباب أنا ودي قبل ما أموت يسلموني إياها , أول شي أسويه أحط رسوم على كل لاعب محترف وإلا متطوع وآخذ عليه تعهد إن وظيفته أو دراسته ما تتأثر .




الضيف / طيب ويش بتسوي بالفلوس وهالميزانيه الخيالية ؟




البدوي / أحولها على رعاية الشباب الحقيقية .




الضيف / ما فهمت ؟




البدوي / الشباب إللي أنهوا دراستهم وقدّموا على وظايف , أعطيهم رواتب منها حتى يلاقون وظايف وإللي لقوا وظايف أقل من مستواهم أصرف لهم رواتب بالفرق .




الضيف / بس أنت كذا بتضيّع الجماهير وتحرمهم من المتعة .




البدوي / أصل الجماهير ضايعين ضايعين , لكن ودّك تاخذهم وتحملهم في تريلات وتوديهم للربع الخالي وتشوف أكبر طعس هناك وتعطي كل واحد زنبيل وتخليهم ينقلونه من مكانه , لأن يا خوي هاللي تشوفه واقف ينطط ويصايح في المدرجات 3 ساعات وأكثر وما يتعب ؛ إذا جات الصلاة وكان من أهلها تشوفه ينافخ ويراوح بين رجوله تقول على ظهره كيس سمنت .




الضيف / طيب ... وين تبيهم ينقلون هالرمل ؟




البدوي / يردمون فيه هالمستنقعات إللي تشوفها دايم في الشوارع بعد كل مطر , وياخذون حقهم من المسؤولين ... منها رياضه ومنها فايدة للبلد .




الضيف / طيب ... إذا حليت مشاكل الشباب , من يحل مشاكل البنات ؟




البدوي / أنا أشوف إنهم يوقفون وظايف البنات لأنه صار عندنا نقص حاد في تخصص مهم , ودّك يركزون عليه حتى يكتفي البلد , .



الضيف / أي تخصص ؟




البدوي / ربات البيوت , لأن أكثر الموجود مستورد , والأمر الثاني التدريس .




الضيف / ليش والتخصصات الثانية ؟




البدوي / ياخوي إحنا ناقصين مصايب ..... الشباب ما هم لاقين وظايف , أقوم أفتح وظايف للبنات ما تصلح إلا للشباب , وخذ مني هالمعادله واحفظها :


بنت + وظيفة غير التعليم = شاب عاطل جديد .


أنا أقول لازم مع السعودة من ترجيل الوظايف , ليش هالمستشفيات والشركات ما يوظفون الشباب بدل البنات .


أنا جيتكم مرة في الشرقية ورحت لشركة أرامكو أبغي أزور واحد من الربع , ويوم دخلت قمت أفتش جيوبي أدور على الجواز , لا يكون دخلت دولة ثانيه وأنا ما أدري .




الضيف / ليش ؟




البدوي / قام الناس يناظروني علشان هالثوب والغتره , وشفت حريم يسوقن السيارات وتشوفهن في المكاتب الحرمة جنب الرجّال ما بينهم حاجز ما بقى إلا تجلس في حضنه وأكثرهن ناسين ملابسهن في البيت , ما تقول إلا دولة داخل دولة , والمصيبه يوم خرجت مع البوابة شفت أكوام سود على يميني وشمالي أثاريهن عبايات وغطاوي بناتنا الله يهديهن .


وهالعماله كل يوم في إزدياد والناس صاروا يتفاخرون بكثرة العمال , تسأل الواحد كم عامل عندك ؟


قال : عندي حوالي ميتين ... ما يعرف عددهم من كثرهم !




الضيف / ليش أنت ما عندك أحد ؟




البدوي / عندي حوالي اثنين , واحد قهوجي والثاني راعي .



الضيف / طيب ليش ما تسعودهم ؟





البدوي / شباب هالأيام ما تأمن الواحد منهم على عنز , ولو جبته يصب القهوه فشلك بالضيوف وجاب لك مشكلة ما يعرف يركب كلمتين مع بعض , والله ياخوي يوم أشوف المقابلات مع هالاعبين إني أخجل وأنا مكاني .




الضيف / إييه ... أشوف إن الشباب يترزقون الله ويفتحون مطاعم ومغاسل أصرف لهم , وفيها ربح كثير .




البدوي / أمّا في هذي صدقت , كان الواحد منّا زمان إذا بغى يوصّف لأحد مكان أعطاه اسم شارع أو حيّ أما هالحين يعطيه إسم أقرب مطعم أو مغسله ملابس , تدري ليش ؟




الضيف / لا .




البدوي / لأن أكثر الحريم ما عاد فيهن خير راحت تطرد ورى القرش وضيعت بيتها , كانت البنت زمان جاهزه تنتظر الشاب يجي يخطبها , والحين صار بالعكس الشاب هو إللي ينتظر حضرتها تكمل الدراسة وإلا تأمن لها وظيفة وضاع مستقبلها الحقيقي , ما تشوف كثر الفساد , وصرت تسمع بالعنوسة وتسمع باللي قامت تحرّج على شهادتها وتدور لها على نصف وإلا حتى ربع زوج , وهذا إللي وصّل العوانس عندنا إلى مليون ونصف عانس .




الضيف / أظن الحاجه هي إللي ....




البدوي / لا والله ياخوي هذا الترف , وتساهل المسؤولين في هالموضوع صارت البنت تلاقي الوظيفة أسرع من الشاب خصوصا إذا كانت تتعارض مع دينها وحياها.




الضيف / والله إنك صادق , و بيني وبينك أنا بناتي توظفوا وكل ما كمل واحد من أولادي دراسته , خليت أخته تتنازل له عن الوظيفة .




البدوي / إيييه .... أنت سمعت عن وأد البنات إللي كان في الجاهلية ؟




الضيف / نعم سمعت عنه ...... الله لا يعيده .




البدوي / إذا أستمر الوضع على ما هو عليه بتسمع عن وأد جديد اسمه وأد الأولاد !



 

آخر تعديل بواسطة قحطان ، 01-28-2015 الساعة 12:13 PM

الرد باقتباس
قديم 01-28-2015, 01:36 PM   #3


الصورة الشخصية لـ قحطان
قحطان غير متصل

بيانات اضافيه [ + ]
 رقم العضوية : 2090
 تاريخ التسجيل :  Jul 2013
 أخر زيارة : 01-31-2021 (04:48 PM)
 المشاركات : 4,680 [ + ]
 تقييم العضوية :  2675
لوني المفضل : Cadetblue
شكراً: 125
تم شكره 149 مرة في 100 مشاركة
الإفتراضي رد : البدوي والضيف...



البدوي والجوال..والجمعيات النسائية....




البدوي / السلام عليكم ورحمة الله




المضيّف / وعليكم السلام ورحمة الله وبركاته , يا هلا ويا مسهلا عسى ما شر وراك تأخرت ؟




البدوي / يا خوي مطاركم صار بعيد من البلد , بعدين ضيعت ما لقيت شارع بن خلدون وهو إللي أخرني !!





المضيّف / غيّروا اسمه وخلّوه على اسم صاحب المطار .




البدوي / وش سالفتهم على هالتغيير , يا خوي الأسم ما يتغير أبد إلا إذا كان شين , عند غيرنا أسامي لها آلاف السنين ما تغيرت , ياخوي الله يستر لا يشير عليهم واحد ويغيرون أسامي الشهور ما بقي إلا هي , والمصيبة الثانية هالتخلف الجديد إللي أشوفه على لوحات المحلات التجارية .




المضيّف / أي تخلف ؟




البدوي / يكتبون اسم المحل والفندق والمطعم بالعربي ثم يترجمون معناه يالأنقليزي , ويوم سألت جدتي قالت هذا تخلف وعقوق للعربية .




المضيّف / هذا علشان إللي ما يعرف عربي ...




البدوي / شوف جاري سعيد إللي تعرفه صار يرطن أنقليزي على خفيف , وصار إذا شاف الخواجه كأنه شاف أبوه , سأله مره خواجة عن أسمه قال أسمي Happy ..... !! ويش رايك ؟




المضيّف / لا ... هذا غلط .




البدوي / ترى ترجمة أسامي المحلات مثلها .






المضيّف / بس يقولون : من تعلّم لغة قوم أمن مكرهم(1) !





البدوي / وأنا أقول من تعلّم لغة قوم سافر لهم , ما عليك من الكلام ... وبعض الناس عندكم تعرف كلامهم وتفهمه ولا تامن مكرهم .







المضيّف / والله إنّك صادق .... أقول دقيت عليك الجوال الأسبوع الماضي وما ردّيت عسى ما شر ؟






البدوي / ما تقول ... جاتني الفاتورة فيها 5000 ريال , وبعد حبّ الخشوم وافقوا أحوّل لهم راتب الضمان واتفقت مع مصنع أعطيه حليب الخلفات لمدة سنه وهو يتقبّل الهاتف , و يوم شفت الفاتورة تدري وش طلعت المكالمات ؟





المضيّف / أكيد مشاريع !






البدوي / أبد , كلها أتصالات بام العيال , وش تبون من السوق ؟ قالت : خبز ولبن وزيت وحفايظ .


قمت بعدها , أجيب هالأغراض كل يوم من دون طلب ... وتصدق طلعت قيمتها عشر الفاتورة !


تذكر يوم رحت البحرين ؟ ...... جاني واحد وقال لي : صحيح إنكم أرخص ناس في العالم في سعر المكالمات ؟


قلت : ليش كم سعرها عندكم ؟


قال :الجوال ... الدقيقه ونصف بـ30 فلس (هلله) والهاتف الثابت بـ 25 فلس (هلله) .


قلت : صحيح إحنا أرخص ناس في العالم ... وأنا أقصد بالأرخص ( الشعب ) لأن بيني وبينك ما ودّي أكسّر كلام المسؤولين .





المضيّف / والجوال وش سويت به ؟




البدوي / رحت للهاتف أبغاهم يشيلون الصفر ... رفضوا , قمت ودقّيت الصفر بمسمار صلب حتى طلع من الجهه الثانيه , وأبشرك هالحين يستقبل ولا يرسل , ويوم سمعت بالإتصال على الأقمار... طلعت في راسي فكره , رحت وأشتركت معهم , وخليت الجوال على الهزاز ثم ربطته في رقبة البعير العود , وصرت أرعى البعارين وأنا في البيت .. دقّه وحده تسرّح البعارين والثانيه تردّها علينا .


والظاهر يا خوي ما عاد يستفيد عندنا من هالخدمات غير الحيوانات , عطوها محميات وحدايق والحسد ياخوي شين وإلا كان حسدناها , وإذا قلت شي قالوا الثروة الحيوانية , طيب والثروة الإنسانيه ؟


والغريب يا خوي يوم جاها المتصدع والقلاعية أعدموا المريضة علشان مصلحة السليمه , وقاموا ورشّوا المنطقة بالمبيدات .




المضيّف / ويش تبغاهم يسوون ؟




البدوي / أبغاهم يعدمون هالمرضى الموجودين بيننا , إللي عنده إيدز في عقيدته (العلمانيين) وإللي عنده سل في أخلاقه (اهل الأهواء) وإللي عنده طاعون في صلاته , لأن ضررهم أشد من المتصدع والقلاعيه , وبعدين نبغاهم يرشون بالمبيدات على هالدشوش والمخدرات إللي أفسدت الشعب .





المضيّف / يارجّال ما هم مقصرين , كل أسبوع وأنت تسمع ماسكين مهرّب ومعدمينه .





البدوي / لو يمسكون كل المهربين إللي في العالم ما تنتهي المشكله حتى يعدمون إللي يغريهم ويستقبلهم عندنا !!!.... وعلى فكره ورى مويتكم مالحه ؟





المضّيف / مالحه , وبفلوس ... سريت البارحه على مواصير التحلية إللي رايحه لكم ونقبت في واحد منها وشبكت لي ماصوره للبيت , ومثل ما يقول راعي المثل ( إذا كان حلال أبوك منهوب أنت أولى به ) .





البدوي / أجل , لازم أتعاطف معك وأوقّف من اليوم غسيل السيارة والرصيف , حتى يجيكم الفرج .





المضيّف / جزاك الله خير , ما قلت لي ويش عندك من مشاريع جديده ؟






البدوي / العام بغيت أسجل البنات في مدرسة تحفيظ القرآن لقيت العدد محدود ويوم حاولت مع المديره قالت : صدقني لو أقبل طالبة زيادة يفصلوني من وظيفتي (ذكرَتني بكلام المسلمين أيام الاتحاد السوفيتي) المهم سمعت بعدها بالباب المفتوح , قلت ياولد ورى ما تفتح لك مدرسة تحفيظ وتفرج عن الناس هالمحنة , قمت وأخذت إجازة شهرين علشان أقدم على المسؤولين .






المضيّف / طيب ليش الدولة ما تبني مدارس وتوسعها ؟





البدوي / المسؤولين أشغلتهم التجارة نافسوا الناس حتى في بيع المساويك , بس ما قصروا فتحوا أبواب الخير للناس لأنهم يبغون لهم الأجر , ما تشوف ما عاد يبني المدارس والمساجد إلا المواطنين .





المضيّف / صدقت ! أنا مرة رحت أبغى رخصة أوسّع المقبرة القديمة , ويوم قابلت المسؤول قال : على شرط أشاركك بالنصف , قلت : هذي طال عمرك ما فيها ربح مالي ...ما فيها إلا أجر , وعساك تفتتحها لنا !!!






البدوي / الله يسمع منك ويجعله أول زبون , أنا أعرف واحد من هالنوعيته سمع إن فصايل الدم تختلف , تدري وش سوّى ؟





المضيّف / أكيد تبرع بدمّه .






البدوي / ما لك لوا , راح وغيّر دمّه من الفصيلة إللي تاخذ ولا تعطي !






المضيّف / طيب , وعسى طلعت بنتيجة مع الباب المفتوح ؟





البدوي / إيييه ... بعد ما تعبت من باص في الثاني ومن غرفة تفتيش إلى غرفة تحقيق لقيت كل الأبواب مقفّله وعليها حرس , المهم يوم وصلت وجيت أقدم المعروض لقيت صف طويل ما تشوف آخره .... ويوم قرّبت منهم , الله يوريك خير ... تقول شبكت فيني كهرب 220 قامت اركبي ورجولي تتنافض وقلت الحمد لله إن المعروض مكتوب , ما عاد أقدر أركّب كلمتين على بعض ويوم سلّمت عليه ... وأعطيته المعروض , خزّني بعيونه .. وإنها تنتقض طهارتي !!






المضيّف / أجل أنا أشجع منك بس المشكله يوم وصلت البيت لقيت المعروض باقي في جيبي !





البدوي / لكن إللي هوّنها عندي إنّي يوم جيت طالع من عندهم شفت الباب المفتوح إللي يقصدون !





المضيّف / طيب ... وعسى وافقوا على المشروع ؟





البدوي / بغيت أروح وطي بس ربك كريم ..... سبقني واحد وقال لهم أبغى أفتح مدرسة تحفيظ , ويوم سمع المسؤول كلمة تحفيظ قرآن ... كأنك لطمته على وجهه , وقام يصارخ في وجهه ويقول أنت إللي بتحفظ القرآن ... القرآن محفوظ !! وبعدين البلد في حاجة لمشاريع أهم , نحتاج معاهد نسائيه لتعليم الإنجليزي والفرنسي وأندية للرياضية والفروسية ... يالله أذلف لا عاد أشوفك !


ويوم سألني قلت : المشروع طال عمرك جمعية القرآن الخيرية النسائية .


قال / القرآن مرة ثانيه ؟


قلت / أبد طال عمرك هذا مجرد أسم مثل جمعية الوفا وفتاة الخليج والجنوب .


قال / عطني نبذه عن المشروع ؟


قمت وعطيته ورقه مكتوب فيها : من أعمال الجمعية ... تعليم السواقة والسباحة وركوب الهجن وتعليم جميع اللغات غير العربية وبخط صغير ما يقدر يقراه كتبت وتحفيظ القرآن .


قال / ممتاز هذا إللي نبغاه , رح وخذ التصريح وأنت واقف .


بعدها قدّمت على مدير البلدية طلب منحة .





المضيّف / وش بيده مسكين ما عنده شي .





البدوي / كنت أقول مثلك , جيته وقلت أبغي أرض لمشروع خيري .


قال / ما لك سنع ما عندنا مخططات جاهزه , راجعنا بعد سنه .بعدها قام يعاطس ودور على مناديل ما لقى , قام وطلع من جيبه صك وتمسّح فيه ورماه في الزباله , وما لقيت فرصة إلا يوم أتصل فيه واحد ونط من الكرسي ما تقول إلا مقروص , وبديت أسمع سمّ طال عمرك وأنت تامر أمر وأنا خدامك ..... بعدها دريت إن ما هو حولي , قمت وخذيت الصك وطلع كيلو في كيلو !





المضيّف / وش بتسوّي بهالأرض الكبيره ؟





البدوي / بنيت في طرفها مدرسة وسويت في الباقي مشروع ناجح ميه في الميه .





المضيّف / أكيد مصنع !!





البدوي / هاهه ..... وين شايف نفسك في اليابان وإلا الصين ...... قسمت الباقي ملاعب كورة للتأجير راسمالي هالأعمده الشبوك ومن يوم فتحناها ما تلاقي فيها ملعب فاضي .





المضيّف / والمدرسة عسى عليها إقبال ؟





البدوي / أنكبوا علينا الحريم تقول ما قعد في البيوت أحد , إللي تسأل عن السواقه وإللي عن السباحة وإللي يبون التحفيظ ,و حسّيت بعدها إني ورطّت نفسي !


لكن ربك كريم ... تصدّق لقيت مجموعة حريم باقي يستحون , والوحده إذا تكلمت يا الله تسمع كلامها , وباقي يلبسون العبايات على روسهن , قمت وكلفت وحده منهن فيها خير تمسك الجمعية , قالت : أبشر .


قامت وقبلت أهل التحفيظ وأعلنت إنّ فيه إختبار قبول للباقيات ... تدري وش سوّت ... وزعت عليهن كتاب (حراسة الفضيلة) لبكر بو زيد وبعد أسبوع أبشرك نجح أكثرهن وقبلناهن في التحفيظ وقالوا : كنا مخدوعات , وإللي ما نجحت في الإختبار قررت لها حجامة وإلا كوي في الراس حسب الحالة , وأبشرك ما بقي إلا 3 حريم ما لقينا لهن علاج , حولناهن على شهار في الطايف .





المضيّف / أنا العام الأول دخّلت أم العيال في محو الأميّة , ويوم شفتها ما مشت فيها قلت أدخلها في الجمعية النسائية عساها تجيب لو الماجستير وإلا الدكتوراه أحسن من قعدتها في البيت , وإللي أخرها ما لقت موضوع جديد للرساله .





البدوي / فيه موضوع مناسب ومهم جداً .





المضيّف / تكفى أسعفني به ما خلّيت مكان ؟





البدوي / الموضوع الأول : عزوف الدجاج عن التفريخ وكثرة هروبها من القنّ (2) , والموضوع الثانية : موت الغيرة عند الديك .





المضيّف / بس تصدّق ياخوي إني لقيت في هالجمعيات منفعة , شرد علينا مرّه واحد من البعارين ورحت أنا وأم العيال ندوّر عليه قالت : لو فرضنا إن الزايده التهبت عليك كيف بتتصرّف ؟ ...وأفحمتني , طيب ... لو أنت مكاني وش بترد عليها ؟





البدوي / أقول لها : تلتهب وتنفجر وأموت ولا تسوقين السيارة , وعلشان ترتاحين من بكره أروح المستشفى وأشيلها .






المضيّف / تقول لي : إن السواقة بتوفر علينا كثير , أول شي : نستغني عن هالعمالة ومنها تساعد الحرمه زوجها تشتري المقاضي من السوق وتوصل البزورة للمدرسة و....





البدوي / يا خوي الحرمة لو جلست تشتغل في بيتها , كان وفرت علينا رواتب هالشغالات والخدامات والسواقين , أما المقاضي والبزورة فهذي شغلة الرجّال , والظاهر إنها خرمة سواقة وبس .


وأنا أشوف ما دام هالحريم ما عاد يبغون الشغل في البيوت , ومضايقهن وجود العمالة , ومعزمين على السواقة , ليش ما نسلمهن سيارات البلدية ينظفون الشوارع قبل الفجر , منها نستغني عن هالعمالة ومنها نطيّب خطرهن بالسواقة .


والفايدة الثانية من سواقتهن : إنّك بتشوف شبابنا يتسابقون على فتح محلات البناشر وغيار الزيوت .





المضيّف / ولو فيه فوايد ثانيه , علموها السباحه وصارت تعرف تسبح ... تدري ليش ؟ لأنه قبل 50 سنه فيه حرمه غرق ولدها في البحر ويوم جات تبي تنقذه ماتت معه .





البدوي / ياخوي أنت شايفنا عايشين على ظهر سفينه , وإلا بانين بيوتنا في وسط البحر , ياخوي لا ينضحك عليك !





المضيّف / إيييه ... نسيت أقول لك ..... أعطوهن دروس في الإعجاز والتوجيه , ويعلمونهن الكنس .





البدوي / أول مره أسمع هالكلام , وأنت بتخليني أحسن الظن فيهن , بعدين الكنس ما يبغاله تعليم .





المضيّف / والله إنك صادق , لأني ما أشوفها تاخذ المخمّه معها , وبعدين ما عندهم بزوره في الجمعية , وإللي مضايقني إنها ما تجي إلا مع الفجر , أشوفها تتمتم بكلام وتهز وسطها وأظنّه يا خوي من زود العلم إللي يعطونها .






البدوي / أوووه .... عرفت السالفه حرمتك أتعلّم الرقص يسمونه دنس والدروس إللي تقول عنها هذي أنواع الرقص يسمونه : الجاز والديجيه . .....أقول إن كانك رجّال وتبي حرمتك طلعها من هالوكر وأنتبه تضربها , لأن جاري العام ضرب حرمته ولا لحقها إلا في حيّ السفارات , عند السفارة الأمريكية .





المضيّف / وش معنى السفارة الأمريكيه ؟





البدوي / لأن الطفل إذا ضربه أحد ما يروح يشتكي إلا عند أمّه .





المضيّف / ولو يا خوي هم يعلمونها كيف أتزيّن لزوجها , وكيف تاكل وتشرب و....





البدوي / ذكرتني بجمعية الجنوب نزلوا مرّة لتهامة علشان يثقفون الحريم وينشرون الوعي عندهن , تصدق جاوهم والوحده ما تعرف تقرا الفاتحه , وما خذوا أسبوع إلا وهي تعرف تاكل بالشوكة والسكين , وجوهم مرّه ثانيه وجلسوا معهم شهر علشان يسوون لهم ريجيم , وتصدق أختفى أكثر الحريم ما تشوف إلا ملابسهم أتحرّك .





المضيّف / ليش وعندهم جوع ؟





البدوي / أنت ما قريت موسوعة جينز , أنا لقيت أهل تهامه مذكورين فيها مرتين , مره تحت أسم (أبوه تاجر ومات من الجوع ) ومره تحت أسم (مولود في بيت علم وما يعرف الدين ) .





المضيّف / طيب وين أهل العلم والخير عنهم ؟





البدوي / أنا رحت قبل سنوات مع الإغاثة للصومال نودّي لهم إعانه ويوم وزعنا عليهم الأكل والملابس , لقيناهم واقفين يبكون ومعهم صور , طلعت صور ناس من أهل تهامه والساحل وقرى مكة , قام كبيرهم وقال حنّا بعد ماشفنا هالصور عرفنا أنّا لا زلنا في خير , قاموا وتبرعوا بالإعانة لهم .... يا خوي الناس باقي عندهم نخوه وشهامه , لا وأبشرك إن المتصدع صدّع الجدار إللي بينّا وبينهم , وصاروا المسؤولين يروحون لهم ويزورونهم .





المضيّف / والله ياخوي إنك كدّرتني بأخبار هالجمعية لكن ما أقدر أسوّي شي مع الحرمة خصوصاً بعد ما تعلمت الكراتيه , إذا زعلت وما عجبها كلامي ما أشوف إلا وعرقوبها ضاربن في راسي , وأنا متحيّر مدري وش أسوّي معها ؟






البدوي / أنا سمعت في الغرب إن فيه رجّال ركبوا له رحم ونجحت العمليه وصار يحمل , وأشير عليك علشان دعوى المساواة إنك تركب واحد وتقعد في البيت بدلها ويصير الحمل فيك سنه وفيها سنه !!!!!!!!



 

آخر تعديل بواسطة قحطان ، 01-28-2015 الساعة 01:43 PM

الرد باقتباس
قديم 01-28-2015, 02:56 PM   #4


الصورة الشخصية لـ يمني
يمني غير متصل

بيانات اضافيه [ + ]
 رقم العضوية : 767
 تاريخ التسجيل :  Jul 2012
 أخر زيارة : 02-09-2024 (11:34 PM)
 المشاركات : 8,145 [ + ]
 تقييم العضوية :  18574
لوني المفضل : Cadetblue
شكراً: 847
تم شكره 1,703 مرة في 1,115 مشاركة
الإفتراضي رد : البدوي والضيف...



هذا البدوي مو سهل عنده كلام واقعي ،، ليت الناس يفهمون

شكرا لك قحطان على العمل الكوميدي الذي أظهر حقائق ،لكي تصل الى القارئ بتشوق

كم عهدناك مبدع وسيدالقلم ، ربنا يعطيك العافية



 
  مـواضـيـعـي


الرد باقتباس
قديم 01-28-2015, 09:36 PM   #5


الصورة الشخصية لـ قحطان
قحطان غير متصل

بيانات اضافيه [ + ]
 رقم العضوية : 2090
 تاريخ التسجيل :  Jul 2013
 أخر زيارة : 01-31-2021 (04:48 PM)
 المشاركات : 4,680 [ + ]
 تقييم العضوية :  2675
لوني المفضل : Cadetblue
شكراً: 125
تم شكره 149 مرة في 100 مشاركة
الإفتراضي رد : البدوي والضيف...




كل الشكر موصووول لك اخي يمني والله يعاافيك
يسلم لي هالمرووور الرااائع..



 


الرد باقتباس
قديم 01-28-2015, 09:59 PM   #6
مشرف الاقسام الأدبيه


أمين النصيري غير متصل

بيانات اضافيه [ + ]
 رقم العضوية : 2874
 تاريخ التسجيل :  Aug 2014
 أخر زيارة : 04-02-2015 (07:09 PM)
 المشاركات : 1,996 [ + ]
 تقييم العضوية :  33
لوني المفضل : Cadetblue
شكراً: 0
تم شكره مرة واحدة في مشاركة واحدة
الإفتراضي رد : البدوي والضيف...





 


الرد باقتباس
قديم 01-28-2015, 10:39 PM   #7


الصورة الشخصية لـ النعيمي
النعيمي غير متصل

بيانات اضافيه [ + ]
 رقم العضوية : 487
 تاريخ التسجيل :  Apr 2012
 أخر زيارة : 05-05-2023 (04:36 PM)
 المشاركات : 7,049 [ + ]
 تقييم العضوية :  1515
لوني المفضل : Cadetblue
شكراً: 196
تم شكره 149 مرة في 70 مشاركة
الإفتراضي رد : البدوي والضيف...



رررائع بكل ماتعنيه الكلمه
سيناريو وحوار جميل عن تجربة وواقع معاش
صراحه اعجز عن ماذا اقول في حقك
خيال واسع وهندسة الحروف والكلمات بقوالب جميله نتابعها دون ان نشعر بمرور الوقت ونقول هل من مزيد
يعطيك العافيه والصحه اخول الغالي والقلم المبدع قحطان



 


الرد باقتباس
قديم 01-29-2015, 10:33 AM   #8


الصورة الشخصية لـ قحطان
قحطان غير متصل

بيانات اضافيه [ + ]
 رقم العضوية : 2090
 تاريخ التسجيل :  Jul 2013
 أخر زيارة : 01-31-2021 (04:48 PM)
 المشاركات : 4,680 [ + ]
 تقييم العضوية :  2675
لوني المفضل : Cadetblue
شكراً: 125
تم شكره 149 مرة في 100 مشاركة
الإفتراضي رد : البدوي والضيف...



أمين النصيري
الروووعه في مرووورك الكريم,تسلم أخي..



 


الرد باقتباس
قديم 01-29-2015, 10:34 AM   #9


الصورة الشخصية لـ قحطان
قحطان غير متصل

بيانات اضافيه [ + ]
 رقم العضوية : 2090
 تاريخ التسجيل :  Jul 2013
 أخر زيارة : 01-31-2021 (04:48 PM)
 المشاركات : 4,680 [ + ]
 تقييم العضوية :  2675
لوني المفضل : Cadetblue
شكراً: 125
تم شكره 149 مرة في 100 مشاركة
الإفتراضي رد : البدوي والضيف...




الله يعاافيك اخي النعيمي ويلبسك تااجاً من الصحه والعاافية
تسلم عزيزي
وكل الشكر لك...



 


الرد باقتباس
قديم 01-30-2015, 06:36 AM   #10



الصورة الشخصية لـ اليمامه
اليمامه غير متصل

بيانات اضافيه [ + ]
 رقم العضوية : 1093
 تاريخ التسجيل :  Oct 2012
 أخر زيارة : 02-02-2024 (04:08 AM)
 المشاركات : 13,748 [ + ]
 تقييم العضوية :  6179
لوني المفضل : Cadetblue
شكراً: 158
تم شكره 482 مرة في 369 مشاركة
الإفتراضي رد : البدوي والضيف...



مشكور ع طرح لاهنت


 


الرد باقتباس
الرد على الموضوع

Bookmarks

الكلمات الدلالية (Tags)
البدوي , والضيف...


Currently Active Users Viewing This Thread: 1 (0 members and 1 guests)
 
خيارات الموضوع

قوانين المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاح
كود [IMG] متاح
كود HTML مغلق
Trackbacks are متاح
Pingbacks are متاح
Refbacks are متاح


مواضيع مشابهة
الموضوع الكاتب المنتدى المشاركات آخر مشاركة
صورة نادرة للجيش البدوي في محافظة شبوة بيحان التراث والاجداد 0 07-27-2012 01:20 AM
فيديو .. كاميرا خفية تقلب بجد والضيف السعودى يطلع المسدس ! بيحان النقاش العام والمواضيع العامة 0 04-26-2012 02:05 AM

تصميم وتوزيع وتركيب  &الجنوبيه&♥ طموح ديزاين♥


جميع الأوقات GMT +3. الساعة الآن 04:42 PM.


.
new notificatio by 9adq_ala7sas
HêĽм √ 3.1 BY: ! ωαнαм ! © 2010
Ads Organizer 3.0.3 by Analytics - Distance Education
.

Search Engine Friendly URLs by vBSEO