آخر 10 مشاركات |
الإهداءات | |
حريب بيحان الترفيه للمواضيع الترفيهية والفكاهه |
| LinkBack | خيارات الموضوع |
02-07-2015, 08:12 PM | #1 |
| ديك جاري... آآآآآه ثم آآآآه ياجماعة الخير.. ذبحني هالديك اللي مربيه جاري إزعاج ما بعده إزعاج يا ليت عيني حارة ,وأعطيه صاروخ ,كان موتت هذا الديك من زمان أجل فيه ديك يأذن مليون مرة من الساعة (12) إلى الفجر يمكن تظنون إني أسكن قرية أو في مزرعة.. لا أسكن في العين دار الزين وحي نموذجي وليس في وسط زرايب أكيد بتقولون طيب وش المشكلة؟؟ المشكلة ليست بي,, المشكلة في طفلين عندي هبَّل فيهم هالديك وختهم الكبيرة بعد ماتقصر تخوّفهم زياده يوم يبدأ الديك بصياحه ...عقدتهم كل ما ناموا قاموا خائفين,ومن صوته بااكيين حاولنا نعملهم إن هذا ديك مثل اللي يطلع في التلفزيون وإن صوته ما يخوف وإنه مثل ذاك اللي يقول بيب بيب في الرسوم المتحركة بس وش أسوي أطفال؟؟ وهذا الكلام ما ينفع معهم بعض الأوقات لا ومن زين الطبع مربي جاري حمام بعد بصراحة كرهت اسم هديل لأنه يذكرني بهديل الحمام يعني صوت الحمام – لا يكون معنا في المنتدى بنت اسمها هديل وتزعل علينا – بس هذي الحقيقة ما أقدر أجاملها على حساب نفسي طبعاً بتقولون هد شوي لا تعصب ترى ما لنا علاقة طيب أنا آسف بس مقهور من الديك والحمام ومقهور من جاري بعد أجل أقول له ترى أزعجنا ديككم – اعذروني إن كانت كتابة كلمة ديككم خطأ لأن كلها ((كاف في كاف في كاف))– ما علينا أقول لجاري ذاك اليوم,أزعجني ديككم يقول والله ما أزعج إلا الشياطين اللي في راسك والا صوت الديك أحد ينزعج منه ويكون في معلومك يا قحيط - يقصد اسم الدلع لاسم قحطان ؟!! - الديك ما يأذن إلا إذا شاف الملائكة قلت :ما قلنا شي بس عيالي يخافون من صوته قال ياي ياي من عيال اليوم!!! يعني عمرهم ما شافوا ديك وذا الدجاح اللي تاكلونه كبسه ورى كبسه كل يوم مش من عيال الديك وتراني أمس شام ريحة شوي دجاج طالعة من بيتكم لا تنكر ترى عندي شهود قلت :لنفسي يا رجال خلني منه بيحرق أعصابي وأخاف أتهور وأتوطى في بطنه وياشينها يرموني في السجن عشان شو؟؟ عشان ...ديك وإن شكيته في المحكمة فضيحة بصير نكته عند الموظفين جا أبو ديك وراح أبو ديك وعط أبو ديك موعد ووش عندك يا أبو ديك وما خلصتوا أبو ديك وإن ذبحت جاري مشكلة تطير رقبتي عشان ديك وعلى ذكر الديك أذكر إني قريت قصة بنت بدوية كانت تغازل وحاطه نفسها بنت عز وإنها عايشه في قصر فاللي يغازلها بالتيلفون: سمع صوت الديك اللي في حوش بيتهم وقال: وش ذا ؟؟؟ فالمسكينة ارتبكت وما عرفت وش تقول قالت :هذا صوت جرس الباب أبوي ما يحب يسمع الموسيقى أقول: زين ما سمع اللي يغازلكِ صوت بقرتكم كان وشلون مشيتيها لا وما شاء الله على أبوكِ, صاير ديك قول وفعل بس وش فيه تاركش تغازلين لأن اللي أعرفه إن الديك ما يحب أحد يقرب من دجاجاته وبناته لا تزعلون يا يا بنات حطيناكم من فصيلة الدجاج بس كله بسبة جاري وإلا أنا ما لي ذنب وترى الدجاجة أفيد من الديك يا الله انبسطن يا بنات ما علينا نرجع للديك أنا أشوف إنه ما بقى لي إلا إني أسوي مثل ذاك الرجال إللي أزعجه صوت الديك ويوم أصبح راح للديك وربط منقاره بشريط لاصق حتى يسكت وبعد كم يوم مات الديك من الجوع وصارت مشكلة لأن الديك من النوع الغالي مش من طقة أبوثلاثين درهم بس وشلون أوصل للديك أخاف يلبسوني قضية سطو مسلح بالقفز على عشة الفراخ على قولة المصريين بتاعة جاري وأصير آخر عمري حرامي دجاج ومع إني مرتاح شوي في العين بس بعض الاحيان أتمنى إني عايش في سويسرا بتقولون كلكم ليش ؟؟وشو علاقة سويسرا بديك جارك أقول :حتى استفيد من القضاء السويسري اللي أمر بحبس ديك سويسري في غرفة فيها عوازل للصوت يوم اشتكى الجيران من انزعاجه لهم وقت نومهم وأزيدكم من الشعر بيتين السويسريين شرطوا على راعي الديك إن الطبقة العازلة في الغرفة لازم تكووون سماكتها ثمانية سنتيمتر على الأقل أما ربعنا فبعد مواعيد وموااعيد كان قالوا لي على اعتبار إني سويسري.. لاعبه في الشمس أو رب الك عشرة ديوك بدال الواحد اللي عنده وضيق صدره عشر مرات مثل ما هو مضيق صدرك بس المشكلة إني حبيت يوم استاجرت بيتي شفت في سطحي عشة حمام مدري دجاج قلت لا لا يمكن أربي حمام ولا دجاج على قولة: الدكتورة مريم نور إللي نصحت كل واحد يربي في بيته دجاج وحمام و غنم وبقر حتى ياكلون من بيضهم ولحمهم ويشربون من حليبهم حتى يكون أكلهم وشربهم طبيعي في طبيعي فأنا المسيكين قمت على طول ونظفت السطح ورتبته وكنت زعلان من إللي ساكن قبلي أقول ما يستحي على وجهه عايش في وسط العين ويربي دجاج وحمام أثر الرجال معذور ما لقى إلا ذا الحل بس أنا بديت أشك إنها دعوة دعاااها علي صاحبي: سعد أبو عبيد بتقولون ومن هو بعد سعد أبو عبيد؟؟ بقووولكم من هو سعد أبوعبيد
]d; [hvd>>> d]; |
|
02-07-2015, 08:16 PM | #2 |
| رد : ديك جاري... هذا كان ساااكن معنا أول أياام الحواري القديمة وكان فيه شخص عنده ديك مؤذي جدا,بشكل ماتتصورونه,منقااارة شغّال في الأرض وفي رؤس خلق الله ورقااابهم وظهورهم واذا لحق واااحد مايتركه أبد الا وهو مااسكه من قفاااه والقفا هي آخر شعر الرأس وأول الرقبة وللمثقفين القفا هي التي في منطقة المخيخ,وليس المخ ياشين الفلسفة اذا زادت عن حدّها واذا حد فلت من ذااك الديك,مايفلت الا وهو مجروح بالجروووح في سيقانه وذلك الديك مايحب أحد يقوووله (( ديه ديه ديه أو كش كش )) أبد.. ومن قااالها الله يعينه,وراااه وراااه ومااايرده شي!!! فأنا قلت لصاااحبي سعيد أبوعبيد قلّ لهذا الديك..(( ديه ديه...واذا ماتعرف قله كش كش )) وسبحااان الله على طول يأذن,أذا قلت له ديه ديه وكأن الديك يعرف عربي فصدقنا صاااحبي سعيد ابوعبيد بوبغبغ فقاال صاحبي للديك((ديه ديه))وأنا كنت مستعد للشردة ورااافع ثوبي وصاااحبي يوم شاف الديك هاجم عليه,ويبى يشرد لكن ما أمداااه يشرد وينحاش,لا ومن رداءة الحظ يوم شرد صاحبي صدم في خشبه حطها قريبي حتى يظلل فيها الحوش من الشمس وهااات يااافرصة للديك عندما رأى سعيد ابوعبيد بوبغبغ طايح على الأرض بفعل الصدمة الخشبية نعم فرصة لذلك الديك أي ألعب فيه ياااديك,وبدأ بنقف سعيد ابوعبيد في رقبته وفي وجهه وفي سيقااانه بالأضافة الى بغبغه الظاااهر للاعيان وفي كل مكان من جسمه وقد سلّم الله عيونه والا لكان سعيد أبوعبيد أعمى الآن بس عجبني سعد ابوعبيد ماترك ذلك الديك...يقووول لي كل يوم أدعي الله على الديك,كل يوم,أدعي الله ياااخذه لأنه ديك ظالم ومؤذي... وقد أستجاب الله لدعائه,ويهجم بعد كم أسبوع على الدجاج أبو الحصيني(الثعلب) والديك المؤذي حاط نفسه ذكي يترك دجاجاته الخمس لعبه يلعب فيهن ابو حصيني أهااا اثر ماعندك أحد أجل وين الشجاااعة ذيك كلها راااحت وينط فوق الجدااار,ومادرى نفسه اللا وهو طايح في حفرة قديمة مافيها ماء وعمقها يوصل الى عشرة أمتااار وأظن تكسرت رجول الديك,اللي دعى عليه صاحبي سعد ابوعبيد,لأن رجوله هي اللي لعبت في ظهر صاااحبي بالمسامير اللي فيها ويوم ويومين والديك يصيح ويأذن وكنه يقووول سااااعدوني ياناااس,أصلااا من بيساااعدك يااامؤذي,ولا أحد سلم منك ومن مسااميرك ومنقااارك حتى الغنم لعب في ظهووورهن وماكمل ثلاثة أيام الا وأبوالشباب مودع الدنيا وان كنت شاك لليوم ان سعد ابوعبيد له دور في موته من دعواااته أو يمكن رمى في القليب أكل مسموم للديك أو رمى عليه حجااارة,,بس من حق سعيد ابوعبيد يخاااف لعاد يسلم الديك ويطلع من الحفرة وأن صدق ظني فاصاحبي فيه حقد علي,حتى بعد كل هالسنين اللي مرت وماوده يقول لي انه يدعي علي ليل نهار ياااليتني ماقلت له قل للديك ديه ديه ديه مع أني طيب وحبوب ولا أخوّف أحد..
|
|
02-07-2015, 08:31 PM | #3 |
| رد : ديك جاري... هههههههههههه الله يقلع ابليسك بلا رجعة وكما عودتنا اسلوب يأسر القارئ يجد لذته ومتعتة على لسانة... شكرا وسلمت يداك ياقحيط وكما ندعو الله ان يخلصك من عقدة الدوااااااجن ههههههههه تحيااااتي ابوسلطااان
|
|
02-07-2015, 08:54 PM | #4 |
| رد : ديك جاري... هههههه خلاص تعال بوظبي أحلى من العين حبيت تعريف كلمه من قفاه هههه بالنسبه لي معروفه انت ديك ماصبرت عليه وفزعكم كيف لو كلاب بوليسية هع ياعيب الشوم انا في بسم تفزعني كل ما نزلت اطبخ نطت لي عند الدريشه مياااااو فجاءه تقطب قلبي لكن أجازيها افتح تونه واقهرها بها هههه عشان تتوب تفزعني فجاءه اما يوم اللخم عشيرة بسم عند الدريشه ههههه بسم جو من حضرموت ههه
|
|
02-07-2015, 08:56 PM | #5 | |
| رد : ديك جاري... هههههههههههههه ما في حل للديك الی منطاب من حقنا ذيك الاوله تترقب له وفلا غرد ومط رقبته كرشح له لما تقصعها ولامن شاف ولا من دري ههه شكرا قحطان قصه مؤلمه
| |
|
02-07-2015, 09:20 PM | #6 |
| رد : ديك جاري... أبوسلطان كل الشكر لك والله يسلمك عزيزي سعيد بتواااجدك العاااطر البااااسم... هلا قلب لا العين أفضل من زحمة بوظبي,وحلوووة منش حق البسه,وقهرها بالتووونه بس مره ثااانية قفلي الدريشه عشااان لا تنط لش هالقطوة وماعليش لا كلب بوليسي ولا ديك,فقط حبينا نغير جو شوي فكرة حلوة منك يالزناد الصاامت يبغاله منطاااب,يترقد ثلااثة أياام في المستشفى,وان رجع نشحنه ثاني مره بالمنطااب اقوولك تعال أستضيفك عندي في البيت باين عندك خبره بالمنطاااب ومط رقبته على قولتك,بس الله يعينك على جاري وعيااله,ترااه من وزن العمااليق والدينوصوراات المنقرضه ولازال عاايش تسلم اخي ...
|
|
02-07-2015, 09:47 PM | #7 | |
| رد : ديك جاري... | |
|
02-07-2015, 11:32 PM | #8 |
| رد : ديك جاري... هذا وأنت مزعجك ديك فكيف مني وأنا محاط باثنين واحد عن يمين وواحد عن شمال ههههههههه ويبدؤا الزامل والصياح منذ الساعة الواحدة وحتى أذان الفجر كاتبنا الكبير تسلم على روحك المرحة وبلاغتك النادرة وقصصك الجميلة والشيقة خالص ودي وتقديري لشخصك الكريم
|
|
02-08-2015, 11:59 AM | #10 | |
| رد : ديك جاري... مدري كيف أرد بصراحة استمتعت بقرأة القصة تدرون ليش كل هذا الحقد علينا وتشبهنا بالدجاج لأنه ماهزمتك الا دجاجة ههههههههههههههههه كل ما أشعر بالملل أروح أشوف قحطان والدجاجة اتفرج واضحك واستمتع كان حد غيري عمله شوف أنا سألت ديك جاركم ليش مشاغب وطول الليل يصيح قال لأنك شخيرك ما يخليه ينام يا أخي عيب عليك روح لطبيب حط شئ على أنفك أزعجت الديك وجاي تشتكي ضربني وبكا وسبقني بالشكا ههههههههههههه سلام | |
آخر تعديل بواسطة روح السراب ، 02-08-2015 الساعة 05:24 PM |
Bookmarks |
الكلمات الدلالية (Tags) |
جاري... , يدك |
Currently Active Users Viewing This Thread: 1 (0 members and 1 guests) | |
خيارات الموضوع | |
| |
مواضيع مشابهة | ||||
الموضوع | الكاتب | المنتدى | المشاركات | آخر مشاركة |
عاجل من خارج عمران | راعي الاوله | أخبار اليمن السعيد | 2 | 06-03-2014 08:33 PM |
--- جاري ارسال الرساله - - - - - | حسين شقران العقيلي | حريب بيحان الشعر والموروث الشعبي | 35 | 04-20-2014 09:05 PM |
دمشق خارج زمن الثورة | وشاح الذكريات | الأخبار العربية والعالمية | 0 | 04-18-2012 03:00 PM |
قصة مثل .. ذي مش داري يقول بلسن | قلم رصاص | التراث والاجداد | 0 | 04-03-2012 05:31 PM |