الليلة ليلة الجن

مجلة , الليلة , الجو

الليلة ليلة الجن

.

قبل ساعه ..بعد مارجعنا من خبر الواتس

سمعت صوت جرس باب..قمت قلت

اشوف من هو يدق الجرس.

اتفرجت من العين حق الباب .شفت هدا

الكيس بين بابي وباب جارنا اللي قدامنا

الا يا ام الجن وش هذا..

رحت اتصل بالجار اساله..هدا ايش اللي

قدام الباب..

قال مافيش.قلت له الا في روح شوف

قلت صاحبي بايفتح الباب وبايشوف وبايجيب

لي الخبر.

طلع اشطر مني .اتفرج من عين الباب وقده

يتصل بي.

ايوه في كيس الله اعلم ايش فيه

قلت له طيب افتحه اتاكد شوف ايش فيه

يمكن حطه بابا نويل وفيه حاجه مليحه

انا شفني تعبان شوي ماعد بي طافه اقوم اشوف

قال انا اشوفه من عين الباب .هو قريب من بابك

شوف ايش فيه.. بس انتبه احتمال يكون عبوة ناسفه..

انتبه تفتح الباب لاتكون مربوطه بالباب..

نسفوا راسك ايش من ناسفه..

عاده الا جاب لنا ام الجن..قلت له والحل؟

قال قبورها ضبورها..

خاف يجي واحد جازع ويخارجنا منها..

طلعت البلكونه سمعت جاري يتصل بواحد يقول

له جيب حبل طول عشرين متر .حبل متين..

قلت له توصي حبال تشتي تقفزو من البلكونه.

قال لا لا انابس اشتيهم ع شان حاجه ثاني

طيب ياثاني قل لصاحبك يخليهم اربعين متر

انا برضه اشتيهم لحاجه ثاني..

قال :الماء عندكم اليوم مقطوع ؟

احييييييييييييييييييييييييييييييييييييييييييييييه ..

تذكرت ..طلع الكيس فيه الشفاط حق الماء

اللي غيرناه اليوم..حطيته جنب الباب

لاتاكل بصل ولاثوم عند النوم
وانت نايم لاتحلم
انت عندك هلوسه جب لك طبق بيض واغليه وبعدها قشره وحطه في حافظه وهاته لا عندي ....زهلته
في الصبح تسخن لك ما وتحط عليه بسباس وبعدها تغسل به وجهك
ان شاء بعدها تشوف الخير

صح اسمع كلام باوزير
الأكل الكثير يجيب كابوس
وحالتي انت الحالة أصعب وانت صاحي

صح اسمع كلام باوزير
الأكل الكثير يجيب كابوس
وحالتك انت الحالة أصعب وانت صاحي

صح اسمع كلام باوزير
الأكل الكثير يجيب كابوس
وحالتك انت الحالة أصعب وانت صاحي تشوف كوابيس

مزحة جميلة بأسلوب جميل ...


شكرا لك ...

هههههههه،
وش من عبوه ناسفه نسفو نخرتك
اثرك خواف حتى في الحلوم الهايمه
يامحقق حلوم الناس حقق حلومي

هذا واشكرك اخي الكريم ع الطرح الراقي
وتقبل مني خالص تحياتي

إقتباس من مشاركة باوزير العباسي

لاتاكل بصل ولاثوم عند النوم
وانت نايم لاتحلم
انت عندك هلوسه جب لك طبق بيض واغليه وبعدها قشره وحطه في حافظه وهاته لا عندي ....زهلته
في الصبح تسخن لك ما وتحط عليه بسباس وبعدها تغسل به وجهك
ان شاء بعدها تشوف الخير

يعافيك ربي لاعندي هلوسه ولا بغبسه
وانا افزع الجن ما افزع منها والبيض بايحلبك
ياباوزير وعادك تباني قشره قشرو راسك
هههههههه شاكر مرورك الرائع والكريم

إقتباس من مشاركة روح السراب

صح اسمع كلام باوزير
الأكل الكثير يجيب كابوس
وحالتي انت الحالة أصعب وانت صاحي

يعافيك ربي تري هذا الخبر حصل في المنصورة
مو عندنا لاننا نفزع الجن اصلا والجن ماتفزع من الجن
والاكل انا ما اكل كثير شاكر مرورك الرائع

إقتباس من مشاركة الروح

مزحة جميلة بأسلوب جميل ...


شكرا لك ...

لا خافو اهل عدن ههههههههههه
ما لحنا قدنا اخوان والجن شاكر مرورك الكريم