خلف بن دعيجا و سعداء

بن , خلف , دعيجا , سعداء

خلف بن دعيجا و سعداء

قصتنا الفارس خلف بن دعيجا وسعداء
هذي قصة جرت بين فتاه اسمها سعداء والفارس والكريم المشهور
خلف بن دعيجا(مهودي على روس الفطر) ,من شيوخ قبيلة الشرارات .
وسعدى تسمع عن غزوات خلف وبطولاته , فأحبته من صيته ,
والأذن تعشق قبل العين احيانا ..

وتمكنت من شوفه وعرفته واعجبتها هيئته وشكله زياده على فروسيته
رغم كثرة الغزواته , لكنه ماشافها ولايدري عن غلاها له .
وغزى خلف بن دعيجا , على قبيلة البنت ,
المهم , حصروهم الأعداء , و خلف ابن دعيجا اسر بدون منع!
والأسر بدون منع يحق للآسر في هذه الحاله اما القتل او العفو .. او
طلب فديه , كلن وشيمته!
وكان خلف دايم يغزي عليهم وياخذ منهم , ويريدون الخلاص منه ,
لـكنهم يوم طرحوه , مايعرفون شكله!؟
وناويين اذا كان خلف انهم يذبحونه لأنهم ولوه بدون منع!
واذا هو من عرض هالناس يتركونه .. لأنهم قبل يكرهون بسبب شراسته في القتال ,
وعلشان كذا قتالهم كر وفر .
وشكوا انه خلف لأنهم شافوا منه فعل عظيم قبل الأسر , لكنه أنكر انه
خلف بعد ماتمكنوا منه.
واحتاروا بأمره , ويدرون ان سعدى تعرف شكله , بس مايدرون انها تحبه!
قالوا نسأل سعداء لأنها هي الوحيده اللي شافته؟!
ويوم جتهم قالوا لها هذا خلف؟
وهي عرفت انهم يبون يذبحونه.وهو عارف ان مصيره القتل اذا قالت هذا خلف!
والرجال محاوطينه يبون ياخذون راسه
وهو وجهه اسمر من كثر المغازي ..
ضحكت وقالت : تحسبون هذا خلف! . لالالا هذا عبد من عبيده؟!
قالوا : خلوا هالعبد يولي ...
قال على الفور لا واجاب بهذه االابيات :
سن ٍ بدالي ذوق سكر ولا ذيق
وعين قزت من عقب ماهي قبالي
أبدت علي بمبسم به زواويج
وفي مفرق القذله سواة الهلالي
استغفري يا بنت يا أم العشاشيق
عن قولك إني من عبيد الموالي
أنا خلف عز الابكار الصعافيج
حمايهن لو طب ابهن اجفالي
انا خلف يابنت ون يبست الريق
اثني قفى ربعي ولاني مبالي
أنا خلف زبن العيال المشافيق
ومن دورن يلقان عتد التوالي
حنا عبيد الرب سيد المخاليق
ومما جرى يا بنت هذي فعالي
ابوك حماي النضا ساعة الضيق
شيخ تخضع له سباع الرجالي
وشيخكم يسن حربته لتشاريق
يدور النفل من طيبات المفالي
أنتم خزايزكم طوال السماحيق
وخزايزي شمط اللحى والعيالي
أمر جرى يا بنت حسب التوافيق
ولا يجهل العراف دور المحالي
اهل السعى يا بنت ما نقبل الضيق
ونثني قفا مع نبسات الشمالي

فلماسمعوا قصيدته عرفوا بانه (خلف) فاعجبتهم شجاعته واطلقوا
ســراحه وخــرج منهم معززا

قصة غبراء دبراء ولا بشكرك ولاشيء يا سهير هههههههههههههههه

في ذمتك محواه ملواه ان ترجع تشكرني هههههههههههه كذا تجيب لي الاحباط

أنا أشكرك لأنها قصة تدل على الشجاعة والقوة..

ويعطيك العافية سهير الطرف..

ايش يعني محواه ملواه

هههههههههههههههههههههههههههههه
هذه العباره لاتوجد الا في مناطقنا قطعياً
واعرف معناها تماما
ولو السؤال لي لشرحت معناها

جاوب ابورامي ههههههه شموخ سألت وسؤالها عام ماخصصت

وانا عرفت ليش بيحان قال غبراء دبراء ولابايشكر سهير هههه

يعطيك العافيه ع طرح القصه

إقتباس من مشاركة طاش

جاوب ابورامي ههههههه شموخ سألت وسؤالها عام ماخصصت

وانا عرفت ليش بيحان قال غبراء دبراء ولابايشكر سهير هههه

ههههه سعداء.. يا طاش
هذا لي فهمته من معرفتك لرد بيحان

إقتباس من مشاركة شموخ

أنا أشكرك لأنها قصة تدل على الشجاعة والقوة..

ويعطيك العافية سهير الطرف..

الله يسعدك شموخ
اسعدني نبشك


يعطيك العافيه