اخذي الوعد دام الوعد دين الاحرار

الاحرار , الوعد , اخذي , جاء , دين

اخذي الوعد دام الوعد دين الاحرار

إخذي الوعد دام الوعد دين الاحرار
والله لأسقيك الهوى من يديني
.
لولاك ما صار العمر مثل ما صار
ولولاك ما تبكي من البُعد عيني
،
حبك حياه ،، وعشقك سيول وأمطار
ووصلك غذا للروح لا تهجريني
،
في ذمتي ما زادني عزم وإصرار
وأحيى الهشيم اللي جنى في سنيني
،
وأطفأ بقبلي من لواهيب الأقدار
ألاً غرامٍ عاش بينك وبيني
،
يـا غايتي يـا فرحتي شمعة الدار
يااللي سكنتي حُب في مُقلتيني
،
ياروح عاشق كان ميّت ومنهار
يادنيتي يـا أم الغلا والحنيني
،
أنا هويتك ،، والهوى فيك جبّار
وطيفك يداعبني بالأشواق فيني
،
في صحوتي طير المحبة ليا طار
يروح يتبع موطنك ما يجيني
،
وفي نومتي ما غاب حسنك بالأنظار
مع كل غمضة عين ما تتركيني
،
إي والله أحبك وأنا العاشق البار
ياللي مكلتي كل ما يحتويني
،
وإخذي الوعد دام الوعد دين الاحرار
والله لأسقيك الهوى من يديني
،
،
،
فواز البلاهدي الحارثي