شــاعــر وعـنـدي للـطواهـش مـبـيـدات

للـطواهـش , مـبـيـدات , شــاعــر , وعـنـدي

شــاعــر وعـنـدي للـطواهـش مـبـيـدات

الجيد يصنع في المواقف مقامه
يبدي بوجهه في الأمور الصعيبات

هو اللي يحدد قيمته واحترامه
يضفر بتاج العز عند الملمات

ويبين من هرجه ومنطق كلامه
ما يقرب الهين وسوق الملامات

والرجل يتحدى ظروفه و زامه
ويحذر من اشوار الغوى والمتاهات

انه يبا انه صقر ولا حـمامـه
والفرق شاسع بينهم في المسافات

أما تبع خط العتب والـملامـة
ولاطلع روس الشموخ الطويلات

ولا كل من يدرس ظفر بالعلامة
عاد الشهادة تنوزن بالعلامات

و خوك يعرف في حضوره وزامه
لا اشتد حر القايله لك مظلات

يبدل همومك لا فرح وابتسامه
مثل المطر يسقي العروق الظميات

ما اللي حياته مثل طير النعامة
يدس رأسه في الجحور الغريقات

خله ورا ظهرك يكبر رزامه
ماله ثمن بين العرب حي وأن مات

باتظهر الشاشات بصمة بهامة
فيها الخطوط العوج والمستقيمات

أبيات من هاجس تعب من صيامه
سجلتها بالرقم وسط الملفات

وأنا لها الخيال وأطلق لجامه
وأخذ من الميدان كأس البطولات

وبندقي لا ثار قدله علامة
يرمي بها حبه وحبه وصليات

يقولها أخو ناجيه واليمامة
شاعر وعندي للطواهش مبيدات

تحياتي / محمد حسين الشريف

صح لسانك شاعرنا القدير أبو حسين
أبيات أكثر من رائعة صيغت بشموخ وعزة
والله وانا أشهد بمكانك واحترام وتقدير الجميع لك
مكانتك عالية فوق هام الرؤس وعساكم بالقمة دوم
الله يحفظك ويعطيك طول العمر

تحياتي ،،

ونعم بك يشهدالله صح الله لسانك واعلاشانك

إقتباس من مشاركة روح السراب

صح لسانك شاعرنا القدير أبو حسين
أبيات أكثر من رائعة صيغت بشموخ وعزة
والله وانا أشهد بمكانك واحترام وتقدير الجميع لك
مكانتك عالية فوق هام الرؤس وعساكم بالقمة دوم
الله يحفظك ويعطيك طول العمر

تحياتي ،،

الاروع مرورك العذب اخت روح السراب
ويشهد لك الطيب
وصح الله بدنك

اسعدني مرورك وتعليقك يعطيك العافيه
ولك مني اجمل تحيه وتقدير

إقتباس من مشاركة شامخ منيف

ونعم بك يشهدالله صح الله لسانك واعلاشانك

ونعم بحالك اخوي صالح
وصح الله بدنك

اسعدني مرورك يعطيك العافيه
ولك تحياتي