قصيدة للشاعر / محمد صالح باسرده

للشاعر , أحمد , باسرده , صالح , قصيدة

قصيدة للشاعر / محمد صالح باسرده

الشاعر : محمد صالح باسرده
----------------------------------------

يقول بو ناصر لقينا سعيد في غرفه قديمه
والكساء والماء ومصروفه على الرب الكريم

وان تعب يخرج مع البصار والدنيا نسيمه
يخرج البصار لاهزت نسانيس النسيم

بايحصل نور قدّامه وبي يحصل حليمه
موزهم واجد وفي صندوقهم عنبا وليم

ذا غريم الدهر قولوا بخت من حصّل غريمه
كل من حصّل غريمه لا يفلّت للغريم

من قده شاطر معد يلقي معه ثاني قسيمه
وان لقاء ثاني قسيمه يامسّلم ياسليم

ياشريم اقطع شع الرجال ما يقطع شريمه
كلم الحداد قله يقلب الشفره شريم

كلم الحداد دي جانا مسافر من تريمه
أش معه في الكيس ذي جابه معصّب من تريم

شي معه لله با يمّده لنا من غير قيمه
او معه حاجه لها معنى ويعطيها بقيم

شي دواء بي داوي المخلوق دي نفسه سقيمه
شي دواء ولا وداعه خير يالقلب السقيم

كلمتي من بايفسرها وهي كلمه عظيمه
واسمع الكلمه من المسكين ياالرب العظيم

كلمة مّحمد لها معنى صحيحه مستقيمه
تنكتب في البوك تبقى للصراط المستقيم

(واخبروني من خمع بالعود في راس اليتيمة
مات أبوها واندفن في القبر ياخاب اليتيم)

واخبروني من سرح يعمل حجل من غير شيمه
كل من قد شلّ حق الناس ماواه الجحيم

ليه يالمسكين تبغى النار والجنّه نعيمه
غمّض العينين لاقصدك بجنات النعيم

كل من ساعد مع المسكين قالوا له جريمه
يحبسه لوّل وتالي ركبوا له سين جيم

هاجسي يحكم بحكم الله واقواله حكيمه
وايش باتقولون فيما قال لقمان الحكيم

صح لسان الشاعر
وسلمت يمين الناقل كثير الاسفار وياهلا كثير ياكثير ,,

صح الله لسان الشاعر
وتسلم يمناك على النقل
منور يعطيك العافيه