مأكل رجال رجال قصيدة للشاعر ثابت عوض اليهري

للشاعر , ملكم , اليهري , ثابت , رجال , عوض , قصيدة

مأكل رجال رجال قصيدة للشاعر ثابت عوض اليهري

مأكل رجال رجال
كلمات الشاعر ثابت عوض اليهري

قال ثابت عوض ما كل رجال رجال
عاد في فرق مابين الرجل والرجوله.

عاد في فرق مابين الجناتل وﻻنذال
عادفي فرق بين انصافهم والفحوله

عاد في فرق ما بين الرجاجيل اﻻبطال
عاد في فرق بين البلطجه والبطوله

عاد في فرق مابين الرياده واﻻذيال
مثل ذي يطعنك بالظهر من خلف جوله

يعرضك عرطت الكاذب ومن دون دﻻل
بايبيعك ﻻعدائك وياخذ عموله.

عاد في فرق مابين القزامى ولطوال.
عاد في فرق مابين الخمد والسبوله.

القزم هوه قزم ون افترضنا وان طال.
مايساوي مع العمﻻق مخة رجوله.

عاد في فرق مابين الفﻻسف وجهال
عاد في فرق بين الناضجه والطفوله

عاد في فرق بين انسان كاذب ودجال.
والرجل ذي على امتانك يشلك حموله.

عاد في فرق بين اخول وذي ما معه خال
بايقول العنب حامض وما اقدر يطوله.

عاد في فرق مابين الرعيه ولبتال
البتول هوه بتول ولكل رعوي بتوله.

عاد في فرق بين الوقيه وﻻرطال.
الوقيه تساوي وزن قشرة نخوله.

عاد في فرق مابين الضباعه ولوعال .
عاد في فرق من سبع الليالي وفوله.

عاد في فرقيه مابين لجراء ولشبال
احذر الجرو اما الشبل ساري ليوله.

عاد في فرقيه بين المكافح وطبال.
في النهايه بيرجع كل شي ﻻ اصوله.

مش كما بعضهم ذي ويش لك منه اقوال.
كم يقولك وﻻ يصدق معك في مقوله.

الرجل هوه بافعاله وماهوه بالقوال
كلمته قيمته ما قيمته بالسيوله.

السيوله وسخ بوسخ اهله وكمال
والذي هوه بعقله ماتساوي نعوله.

بعضهم بيحسب انه بيشري الناس بالمال
له يصيب الهدف والناس بيصفقوله.

ما درى ان حاجتهم من الزرع سبال
ساعة الساع مايلقي لديهم قبوله.

كلمة الحق حق ماشي بها شي تجمال.
كلمة الحق ترضي الله وترضي رسوله.

مادرى ان ذي بيصفقوله هم اعوال
حين يحتاجهم كلن يشمر ذيوله

من يريد العلى بايسهر ايام وليال
العلئ من يباها ماتجي بالسهوله.

يدرس الناس يتعرف بطيب وبطال.
والزمن يرشدك من صفوته من نذوله.

اسمعوني وقولو قال ثابت عوض قال
اننا في زمن بيشرعونه نذوله

واسمعو للمثل مثله مثل كل لمثال.
يخلو الرمش من سحره بلية كحوله.

واذكر المصطفى المختار والصحب واﻻل
سيد المرسلين اختاره الله رسوله.