راسي يماني

حلاني , راشد

راسي يماني

قصيده بعنوان
راسي يماني

مــانـي فـــي الـدنـيا ولا فــي سـوفـها
عـايـش بـهـا مـرتـاح والـخاطر رغـيب

الـحمد لـه مـاعرفت شـي مـن خـوفها
ولا مــن تـجـارتها مـعـي اكـبر نـصيب

حـسـرتي والـعـبره تـضـل فـي جـوفها
لـو جـارت الـدنيا على الراس الصليب

مــن بـردهـا الـقـارس صـنـعنا صـوفها
وضـروفـها الـصعبه لـها صـبري طـبيب

قـــــوة عــزايـمـنـا تـــوطــي نــوفــهـا
وطـمـوحـنا والـجـهد فـيـها مـايـخيب

رغـــم الـصـعـايب ع الـقـدم بـاطـوفها
لــمـا شـبـاب الـعـمر يـرحـل لـلـمشيب

وان حــد شـكـاء قـلنا صـبر ع عـوفها
ومــن الـعنب يـكفيك لـلحقت الـزبيب

راســـي يـمـانـي كـــل حــجـه لـوفـهـا
والمبعد العالي يضل عندي قريب

احـــنــا الــعــروبه اهــلــهـا وحـلـوفـهـا
وحـنـا الــذي ع الارض جـاهلنا اديـب

كــل نـفـس نـعـطيها جــزاء مـعـروفها
ونميز المسكين والـضيف الـغريب

ذلا الــسـيـاسـه الــقـاتـلـه وضــروفـهـا
حجبت شعاع الشمس من قبل المغيب

طـمـسـت مـعـالـم ارضــنـا ووصـوفـها
وتـلـحفت ثــوب الـجـداعه والـقطيب

بـلـغصب يـبـغوني قـنـع مــن شـوفـها
ونـقول فـيها الـعيش عـمره مـايطيب

ولـــعــاد قـــبــل راســـهــا وكــفـوفـهـا
ونـذمـهـا ع وضـــع مـــن الله تـعـيـب

حـسـرتي مــن غـيـمه قـلـيل انـفـوفها
مـامـنها لـلـبدو شــي مـاطـر خـصـيب

يالله عـسـاء عـارض يـصب ع حـوفها
ويـصـب ع شـبـوه وعـبـدالله غـريـب

سالم بن فلح العوبثاني

صح الله لسان الشاعر ويسلمك أخي شامخ
على هذا النقل الجميل
قصيدة جزلة وتستحق أن نقرأها مرة ومرات


لك تحياتي وتقديري ،،