طرياك

طرياك

طرياك

طرياك قولي وناظري بعد ماشاف
وش عاد لو عاد النظر شاف شوفه
وش عاد لوشفت الشفايف والاوصاف
ماكان يكفيني الشعر في صنوفه
الشعر عاجز ماوصل حد الانصا ف
خارت قوافيه وحارت صروفه
ياجوهرة تاج النواميس الانياف
ياذوق فطري ماانكسب بالكلوفه
مزن المطر ذي معتلي فوق الاقناف
وورد مزهر من هما يل قنوفه
ياعرف تاخذ به مقاليد الاعراف
يافيلسوفه بالسجيه رؤوفه
ياساحره لك سحر من عدة اطياف
يسحر بيانك والطلاسم حروفه
بنت الاجاويد المطاليق الاشراف
المجد بيديهم مجرد سيوفه
فيهم كرم عاده تضيف وتنضاف
الرجل همه في حفاوة ضيوفه
ذا قول ابورامي و لك يكتب القاف
من طيب خاطر لك ونفسه شغوفه
له هاجسن يمسي في الفكر طواف
وله خافقن ولهان في وسط جوفه
يخشى من اهمالك على طول خواف
يطلب امانك لجل ينحاش خوفه
ماهي مروه لاولا شرع الاسلاف
تنساه ماحتى لمابه تروفه

أجمل مافي الحب حين يحاول الشاعر أن يرسل رسالة ما
لمحبوبته شعرا ليصف لها شعور ما أو يصفها أو يصف مكانتها عنده

هنا يحاول أن يتفوق على نفسه لكي يوصل المطلوب وينال رضاها



أحسنت شاعرنا أبو رامي ما أقول غير صح الله لسأنك
أبيات جميلة جدا

لك تحياتي وتقديري ،،

ياساحره لك سحر من عدة اطياف
يسحر بيانك والطلاسم حروفه
بنت الاجاويد المطاليق الاشراف
المجد بيديهم مجرد سيوفه

الله عليك الله

وش عاد لو عاد النظر شاف شوفه

وصف جميل من شاعر قدير ومتمكن

يمتلك عذوبة مشاعر وصدق أحساس

ناهيك عن القافية الرائعة التي

اكسبت الابيات لحن موسيقي جميل

يجعل من يقرأها يدندنها بينه وبين نفسه

ابدعت ياقدير لاتحرمنا جمال بوحك وعذوبة

كلماتك دمت بخير 🌹🍃

كاتبنآ ألرآئع " أبو رآمي "

وكأني أرى في متصفحك فراشات مضيئه
ترسم لنآ قناديل العشق الأبدي 🌷

روج السراب مرحب والفين اهلا
وهمس الايام اهلا وزيده سهلا
واقول حيا مرحبا يا هلا نوتيلا
حياكم الله منورين بكم قصيدي يحلا