نعمه البصر

البشر , نعمه

نعمه البصر

​يقول الدكتور "عبدالمحسن الأحمد" ألقيت محآضره في معهد آلنور ب آلريآض ..

فجآء بعض الإخوه المكفوفين ودآر بيني وبينهم حوآر ,
وآحد منهم إسمه هيثم عمره 26 سنه قآل :
يآشيخ والله العظيم إحنآ مآنروح ألعزآيم !!
يقول زواج إختي قبل إسبوعين مارحت
وسألته : ليش ماتحضر زوآج إختك هذآ صلة رحم ؟!
قآل : يا أخي انتم ماتدرون
يقول : انآ إذآ وضعوا السفره وقالوا تفضلوا , تجلسون كلكم إلا أنا احتآج قائد يوديني ويجلسني
إنت إذآ وُضعت السفره أمامك تعرف إن هذآ رز وهذي سلطه وهذآ خبز
وهذا مرق حار ما تدخل يدك فيه
لكن والله أنا ما أعرف والناس ما هُم مكلفين فيني , كل ماجيت قدّمت يدي خذوها
و ودوها ما يعرفون وش أشتهي أنا !!
يقول : هذي تهون ..
المشكلة اللي فيهآ إحرآج و والله اني أصاب بإكتئاب وبحاله نفسية مايعلمهآ إلا الله
إذآ إحتجت دورة مياه "أعزكم الله" .. أقول لهم إني أريد دورة المياه فيأخذوني إليهآ
فأدخل وأغلق البآب فأستدير بعد ما أقفل الباب ثم تبدأ الرحله أبدآ في دوامه مدري الحمام
هذا شبر في شر ، متر في متر ، والا غيره
يقول : أبدا أدور في المرحاض
وأقسم بالله كم مره وأنا أدوّر يكون في ميآه على سطح الحمام فتزلق رجلّي وتدخل دآخل المرحاض
و والله أنّي أطلعها وأغسلها وما أقول لاحد
وأحيانا إذا كنت خايف والله اني أحبي في الحمام محد يدري عنّي
أحبي زي الاطفال وأدور على الحمام ولازم اتلمس الأرض لين يدي تلقى المرحاض

يقول :-
قسماً بالله لو حصلّي إنّي لأدفع مالي ومال أبوي وجدي على أن يفتح الله لي عين وحدة


وقفه : فاتّعظوا أيهآ المبصرون [ إنّ السّمْع وَالْبَصَر وَالْفُؤَادَ كُلُّ أُولَٰئِكَ كَانَ عَنْهُ مَسْئُولًا ]

ياربي لك الحمد على كل شيء :""

وتذكر ان الله اعطاك نعمة البصر لتشكره ,
فانظر لمن سلبهم ربهم نعمة البصر لتعرف رحمة ربك بك !


يقشعر لهآ آلبدن, آللهُم اعف عنآ