كل المشاعر في غيابك حزينه

المشاعر , حزينه , غيابك , في , كل

كل المشاعر في غيابك حزينه

ياصاحبـي منك البطى ماهقينا
ألدار بعدك ضاق من ساكنينه

لاتحسبنا عـن هواكـم سلينا
كل المشاعر في غيابك حزينه

ذِكـراك مـازالـت بعـد تحتوينا
وأُسمك على صدر الورق كاتبينه

عامين واكثر ياالغضي ماألتقينا
غبينـةٍ(ن) مابعـدها من غبينـه

أتعبنـي التفكيـر لو ما حكينا
وصبرت وجروحي بقلبي دفينه

تدري بعد غيبتك وش صار فينا
صاحِبك والله ماهنى النوم عينه

على صدودك والهجر مارضينا
وصدري على فرقاك بيّح كنينه

غالـي ولـو طوّل غيابك علينا
الـودّ باقـي والعــلاقـه متينه

وفيك ماأسمع هرجت العاذلينا
وإللـي يهينك جعـل ربي يهينه

لك الغـلا ياصاحبـي ماحيينا
قدرك كبير ومانحن مرخصينه

على الوفأ والطيب حِنا إبتدينا
وراعي الثمينه له نُقدم ثمينـه

بصبر وبتحراك وش في يدينا
مادام حدتك ألظروف اللعيــنه

الطيب والمعروف مزروع فينا
أموت ماأحمل لك بقلبي ضغينه

وأهل المثايل من قديم ألسنينا
قالو من أجل العين تُكرم مدينه

بقلم/ابو خالد

الله الله
صح لسان الشاعر..
كلمات تلامس الوجدان حقيقة..
كل الشكر أم هتان على ذوقك الراقي على الدوام..

ابيات روعة مضمونها الوفاء

يعطيك العافية ام هتان

شموخ .. يمني
ويعافيكم يارب
نورتو
لاخلا ولا عدم

انتقاء جميل وراقي
وابيات وجدانية مميزة
الله يعطيك العافية ام هتان
على الاختيار المميز.

الاجمل متابعتك الكريمه
اخوي الكمكازي
ويعافيك يارب

احنا نخلنا الشعر لك وانتقينا
واقوى القصايد ننتقي كل زينه
وكل معنى جزل فيه اعتنينا
قلنا لك المكنون حلوه وشينه

صح لسان ابو خلد
وشكر مرصل للي نقلتو لنا ام هتان

جدا راقيه وروعه