لفات الدرج

آفات , الجرح

لفات الدرج

ها-كيف من مطلاع لفات الدرج&
اذا صارت القاعه في اقدامي غرى&
لابيض الله وجه ان جينا انزعج &
وان شاف شي ملزوم عنانا ابترى
اماالذي طبعه بزيناته نهج &
بالفراسه قد عرف ماقد جرى &
قدجات منه حاليه مابه سمج&
كنه لافكاري وماعندي قرا&
مااستوى الصافي كما مثل الخمج &
به فرق مابين الثريا والثرى
هذا الذي حاز احترامي والحنج
خلوه يدري ثم يدري من درى

بعض الامور تهدنا فيها حرج
وبعض الامور تطول والبخت احترى
وشي لاتحسب حسابه قدنفج
ماعاد له بايع ولا شاري شرى



لاخير في بعض المعاذر والحجج
ولاخير في كثر المهاتر والمرى
ولاخير من فيه التشنج والعوج
ومن اوله طيبه وبعدين افترى
يالله خراجك من مطبات الهمج
ومن تنقال المساكن والقرى
ومن كثرة الغاغه ومن كثر الهرج
والليل اذا طول وساري ماسرى
يالله بساعات المخارج والفرج
بارك لنا فيما امتلكنا والثرا
يخلص سواد الليل والصبح ابتلج
ولكل وقت احكام والطاري طرى
طوبى لمن بالأستقامه قد نهج
ماسك في الوثقى تخير في العرا

كلمات موزونه ماشاءالله

شكرا ايتها الشريرا الكلمات موزونه وانتي وزنك اكبر في القلوب