بيت شعر تهديه لمن يعز عليك ((

02-08-2018, 10:39 AM

لو تدري أنك غاليٍ ما تغليت
ولو تدري أنك خافقي ما كويته
ولو تدري أني من فراقك تعنيت
كان العتاب اللي كتبته محيته

02-09-2018, 09:58 PM

راجع وانا قلبي من العام مجروح
راجع تبي نسيان ما فات وياك

راجع وعينك تذرف الدمع بسفوح
وفر دموعك ما بقى غير ذكراك

ان جيت والا رحت ما اشوف مصلوح
ريح ضميرك وابتعد ما فقدناك

ابعد وباب ٍ للغلا كان مفتوح
بيديك هديت الغلا من سواياك

02-11-2018, 06:58 PM

عوّدتني غير " قلبك " ما يسلّيني
وعلّمتني مهما شفت الهَم ما أحكي
تطمّن ، بخير " عايش " يا معنّيني
نفسي عزيزه لغير اللـه ما أشكي

02-13-2018, 09:53 PM

عزك وحبك في فؤادي له قصور..وغلاك في قصر المعزه رفعناه
زمودتك في عالي القصر كالنور..مثل القمرلاغاب ليله فقدناه
حتى ولوغبت عنا اسابيع وشهور..حبك على صفحة فؤادي ختمناه ..

02-15-2018, 08:44 PM

بسألك ليه الهوى منك وفيك
ليه المشاعر ما تعيش إلا بساعة شوفتك
ليه المحبة والوفا وأبيات شعري تهتويك
ليه أنت وبس اللي أموت ببسمتك
تدري لو مرة أقول إني كرهتك ما أبيك
يرجع علي صوت الصدا يقول
الله ما أكبر كذبتك

02-19-2018, 08:21 PM

ذبحني قلبي الساكت ! ... متى قلبي عليه يبوح ؟؟؟
أحبه وماعرف إني أحبـه , وأعشق وصاله

كتمت , وهذا من طبعي , وتمنيت " الغلا " مفضوح
ببيِّن له ولا أقدر !! مع إنِّي جالس قباله..!

02-20-2018, 01:21 AM

ياحلو طعم الحكي لاجاك من غالي
كنك تذوق الحروف من قبل تسمعها

بالخص اللي لهم في القلب منزالي
ودك يدوم الحكي طول المسا معها

02-20-2018, 02:38 AM

درسنا هواكم عادكم في الهواء غرين
ويشهد علينا خالق الكون سبحانه

02-20-2018, 01:28 PM

ياعديل الروح في داركم صرت معروف
استحي ياناعس الطرف من كثر المجي
المحبه ثابته والمجي حسب الضروف
ان وقع لي جيت وان ماوقع لي كيف اجي

02-24-2018, 07:20 PM

‏الغريب اللي رمى روحه بـ صدري
طق بيباان الاحااسيس وسكنهم

قلت : احبك قال: ليه وقلت : مدري
م ذبحني غيرك وش ميّزك عنهم"

Currently Active Users Viewing This Thread: 1 (0 members and 1 guests)

الإهداءات