أواه

06-21-2020, 12:35 PM

اواه و اواه ويل حالي مزين قصيدك صح لسانك

06-25-2020, 06:13 AM

إقتباس:

إقتباس من مشاركة معشي الذيب

اواه و اواه ويل حالي مزين قصيدك صح لسانك

صح بدنك
يامرحبا بك وقافي قال لك ارحب
تعشي الذيب وانته في الفعال اذيب

02-23-2021, 06:25 AM

أواه

أواه في شعر المتيم استهلًت مطلعه
تنبع من اعماق الصميم تبهذله وتجعجعه
اواه ونًه في الفؤاد خُلت به النبض اربعه
تطرد من النفس السلا من الخواطرتنزعه
أواه نغمتها ألم تعزف من اللحن اشوعه
من عاشق اضناه الهوى ولا لقي شي ينفعه
اواه صجًت مسمعي تضج فيه القربعه
طال الصدى منها سما فكري وهزه وافزعه
أواه بعلا صوت يامن لصوتي يسمعه
اواه له من جوف لاهب والكبد متلوعه
ساهر مع طرفي وقد فاضت على الرمش أدمعه
والفكر سارح في الخيال لحن المحبه يسجعه
قد لي ليالي طايله وايام كم لي اتبعه
صابر على قهر النوى مر الفراق اتجرعه
ياكم سنه تتبع سنه وشهور لي قصه معه
والقلب راغب في هواه مهما نياره تلسعه
ذاهن اساري الليل مايهنا رقادي مضجعه
اتنهد آهاتي وامًول شعر حرفه يوجعه
الوجد قد الحال هد الحيل شقه فرقعه
لعثم لسانه واعتجم ولا سوى اشر بصبعه
اربط خيوطي بالأمل مهما الوقايع تقطعه
تجتاحني الاشواق وانظم له من الشعرابدعه
اتخيله واتصوره واركب من الشوق اسرعه
واصبح انتفس هواه وافطر بحبه وارضعه
امضي نهاري في الغرام اسلك طريقه واجزعه
اسرح اقص خطاه وابحث في ثراه ومرتعه
اعشق مكان يحل فيه واعشق سماه ومنبعه
انصت الى الأصوات ادور صوت منها اسفعه
اسمع الى صوت الحبيب يحيي الفؤاد وينفعه
وضحكةً يضحك لها العالم وتطرب مسمعه
بنيت من الاحلام لوهام المتيم صومعه
ماكان يحسبها تحيل ولا تميل وتخدعه
--
هذا الذي اشكيه ماادري هل شكايه يقنعه
ويش الذي يرضيه ماالواجب علي ان اصنعه
يرفق يخلي الجور كم ذالي وكم لي اتمنعه
واخشى على حبي اذا طال التمادي يودًعه
الا اذا شي له ضمير يأنب عليه ويردعه
يحس بي ويحط حبي في مواطن موضعه
ماالقيت له شي اعذار يتحجج بها او تمنعه
يحسب حسابي بالوفاء ويلملمه ويجمعه
ان كان مثلي في الهوى عاشق ونفسه مولعه
مثلي يبادلني الغرام يبذر هواي ويزرعه
وان كان لا فالفين لا بنتف جذوره واقلعه
جعله تشله ريح الى من حيث ماعاد ترجعه
اذا اظهر صدوده والجفاء فالحب ذي له بخلعه
با ارد قلبي الى حماه واسكنه في اضلعه
نفسي اقدس قدرها ان هانها الحب اصفعه
والحب اذا هو من طرف واحد يلاقي مصرعه
في العز نفسي ترتعي وتعيش فيه وترفعه
وتقول هين كل شي وعاد في الضيق السعه
لا خير في بعض الهوى وانتماه وموقعه
من رام للخافق وله يختار منه اروعه
يعطي لعقله راي يتقًبًل من الشور ابرعه
رباه مااقسى الفراق وماأمرًه واشنعه
احذر وعادك في الطرف لاتنجرف في المعمعه
(ابورامي الرملي )

02-23-2021, 11:18 PM

أواه من عشق سرى في القلب سكن واتوضعه

ويش الذي يمحيه ماالواجب علي أن أصنعه

صح لسانك وعلا شانك أبو رامي
كلمات في قمة العذوبة والجمال
لاعدمنا إبداعك الراقي