04-11-2014, 04:05 AM
| #21 | |
 |  رد : ديوان الشاعر محمد سالم الأحمدي العولقي يوميات امراه في جحيم الانتظار ((عودة الروح)) مرت ليالي عام من يوم السفر عديتها=وكل ليلة من ليالي هجر خلي ما هنيت ايامها تعذيب لحظات الفرح مارايتها=من يوم سافر نور عيني غير همي مارايت ماطاب ليه عيش ساعاتي نكد قضيتها=بين الامل واليأس والتذكار ساعاتي قضيت ماعاد ليه نفس عطر الورد لو شميتها=غثيث حتى من مساحيقي وحاجاتي غثيث حتى ثيابي ذي مليحه في الكبت لفيتها=واجمل مفارش عالقعاده تحتها بعده طويت وكل لذه بعدما سافر علي قزيتها=حتى الفرح لو شفت بعض الناس في فرحة بكيت وغرفتي آهات بهموم الغثاء كسيتها=وكل شئ بالبيت من همي واهاتي كسيت صارت حياتي مالها معنى انا مليتها=والقهر يؤكل من ضلوعي مثلما ظلي مسيت لمن شبابي؟ كم سنه عدت ولا رديتها=والنار مابين الحنايا تشتعل وانته نأيت لمن جمالي؟ للمرايه لا وقفت اديتها=واحيان بسألها لمن هذا المفاتن مادريت! واليوم نفسي بعدما بالوصل قد منيتها=ترقص فرح للخل ذي قد قال ع الرجعه نويت وقال عديلي ثمان ايام في تاليتها= باجي وبسعد كل لحظه في حياتك يوم جيت يامهجتي قلبي احييته والكبد داويتها=والروح عادت في عروقي والفرح والله حييت واليوم اخر يوم سبع ايام قد مضيتها=والصبح روح الروح بايرجع لخطواته فديت رتبت لجله كل حاجه والفرش مديتها=من بعدما غسلت حتى قاع بيتي عاد بيت واخرجت عطري والمكاحل ذي زمن خبيتها=وكل شئ من بعدما سافر بدولابي خبيت واعطيت احلى درع (أوبل) جارتي اعطيتها=بتخيطه والبوس خمس امخاد للغرفه خذيت وقلت لامي تشتري لي غسل وتحريتها=اصلي بغيت ارزع على وجهي من الحر اشتويت وجبت احلى عود واحلى مبخره نصيتها=بخرت بدلاته عليهن اية الكرسي قريت ورحت للتجار اشياء واجده شليتها=شئ منها اضهرته وشئ عن ذي معي كانو اخفيت اصل المره تحتاج اشياء واجده في بيتها=وبعض اشياء خاصه عمي اذا رائها استحيت وجبت كم ورده على راس السرير القيتها=وجبت طراحه بلون الورد من فوقه لقيت واختي لذي تنقش كفوفي امس قد وصيتها=ونقشت لما كتافي وابدعت لم اكتفيت وكل حاجه لجل عين الخل قد سويتها=حتى شعر راسي مليته طيب وفروعه كويت يالليل جاثم مكسلك حتى النجوم احصيتها=ريت ان فجرك لا دعيته يسمتعني لا دعيت قديت قلبي في مقامك و الكبد قديتها=والنوم صادرته حرام النوم ساعه ماغفيت لو كان شئ لك قلب ناري كانك حسيتها=حتى ببعض النار لو حسيت في ساعه سريت او كان باترثي لدمعي ذي مطر شنيتها=من شوق في قلبي يمين الله لو ذقته جريت ليله وانا بصبر عليها بعد ما هميتها=ما القابله عندي حبيبي من جروحي قد شفيت هذه خيوط الصبح لاحت فرحتي شبيتها=ساعات وايداتي على خصره من الفرحه لويت يادفتري باودعك حاجه بقت وانسيتها=بالحق حبيبي قبل يوصل بخر المجلس نسيت بانلتقي لا قال خلي عالسفر شديتها=والعفو منك لا هجرتك لا تقول اني قسيت
| |
 |
|
04-11-2014, 04:47 AM
| #22 | |
| رد : ديوان الشاعر محمد سالم الأحمدي العولقي انا وأمي واحلام ورديه لي ثمان اسنين راسي شاب من ليه لليه=بعد ستعشر سنه بين الكتب والجامعات لا دعاء امي جاب لي فيده ولا شهاده معيه=يشهد الله مغلقه لبواب من كل الجهات ما تعلمته بستعشر سنه فكري نسيه=ملت ادروبي خطى اقدامي وقدهن داميات من اداره لا اداره كنني طالب خطيه=يسخروا مني وتتكرر جميع المفردات رح..تعال..ألصبح جي..لا لاتجي..ارجع عشيه=يلعبوا بي لعبت الاولاد ثعلب فات فات والنتيجه لا وظيفه لي سوى روحه وجيه=والالم والقهر مابين الكُبيده والريات نصف ذي كانوا معي بالسوق صاروا عربجيه=والوظائف تنتظر في الدرج اولاد الذوات كنت قول الجامعه من بعدها الدنياء هنيه=الوظيفه والمره والكامري زين الصفات كانت الاحلام مثل الورد في صدري نديه=والاماني تحت عوج الصدر يمسن مزهرات التخرج عدها ساعات بترقب مجيه=قلت لا جاء باتجي بعده ليالي نيرات ريت لاشفته ولاجاني ولاجتني خطيه=بعدما جاء مالقيت ألا مكاوي حاميات كانت امي ما معاها الا انا له مرتجيه=والرجاء بي داسته سود السنين الحالكات من فرحها يوم ماتخرجت جت تخطب تقيه=بنت عمي قالت احجزها وهي ست البنات وانطوت لعوام رجلي حافيه وايدي خليه=وابتدا عمي كان الجمر تحته لاهبات قال بنتي عجزت وانته دروبك ملتويه=والصبايا كلهن ذي مثلها متزوجات قلت بفسخها ونار القلب تلهب مصتليه=قالت امي منيتي تبقى معك طول الحياة قلت ياامه ماتقولي أمنيه في حسن نيه=بس لاتجدي امانينا ولا حسن النيات صبرها كمل ولابالومها تصبر عليه=بعد خمس اسنين تنظرني وانا واقف ثبات شلها بن عمتي محمود من اسره غنيه=ماعرف تعليم شغله في أواني باليات في طسوس اصحون هيييييْ!! محمود.. ذا صاير قضيه=في المدينه قد معه فله وسياره فيات مافتح دفتر ولايعرف حروف الابجديه=بس من عمره ثمان اسنين تاجر خردوات ريت ربي قد هدى امي مثل عمتنا صفيه=كاني تاجر ولافكرت في هبت وجات وانطوى عهد الهوى وامي طواها الحق طيه=راحت امي والليالي السود ترزح باقيات سامحيني فدو قبر يضم جثمانك بطيه=لوبايدي كنت حقق لك جميع الامنيات بس جار الوقت بدروبي مصايب محتبيه=كن ربي ماخلق مثلي سوى للمبكيات ذا زمن ملعون وعمى عيون ذه دنياء دنيه=حد شرب حالي وحد ما يشرب الا القيرات كم سيوف الوقت تطعني وتطحني لحيه=بس ماخاب الامل بالله يالله بالثبات يا ولي الامر نظرة عين منك لرعيه=لاتخلي شي عيون الغير عنك ناظرات عينك اصدق من ذنك لاتستمع مليون ريه=من قلال الخير اصحاب الكروش المحشيات ذي يقولوا تم يافندم وهيْ كندم رديه=لو يقع لكروشهم تبلع شوامخ راسيات لو بكينا او شكينا والوجع جاب الشكيه=التهم قدها لنا بدراجهم متجهزات عمرو شوعي انفصالي..زيد حوثي له اذيه=باحسن رجعي وارهابي ثيابه قاصرات لايغشونك عليم الله هم شر البريه=هم مع الراعي رعوا وامسوا مع اذياب الفلات الرعيه كلها تلتف من حولك سريه= باتسوق ا روحها لجل الوطن للمهلكات لابرق براق ما تلقى سواها محتجيه=والجماعه شارده صوب السفن والطايرات قلت ماقلته ولابي خوف من هذا وذيه=عولقي راسي قوي ينطح شوامخ عاليات عزوتي شمخ جبال الكور دايم معتليه=مانحنت في يوم لضالم قممها نايفات حلها غلمان لاجاء الموت او دلا دليه=تحسب ان الموت بين انيابها سكر نبات والمدد شبوه بها فرسان تنجح كل كيه=من علا عزان لا بيحان مافيهم فوات
| |
|
|
04-12-2014, 12:33 AM
| #23 | |
| رد : ديوان الشاعر محمد سالم الأحمدي العولقي البدع من الاخ محمد سالم لحمدي قـال بــو مــروان ليلـي طـال وادروبـي عجيه ،،،، ،،،، رد يابــو سيــف بشكــي لــك بصدري مبكيات ونتـي ونيتهــا مــن قلــب نـــــاره مصتــليــه ،،،، ،،،، نار حمراء راشنــه مابيــن كبــدي والريـات شفــت شبــوه شيبــت والشمــس عنها مختبيه ،،،، ،،،،يشهــد الله في مفاصلهــا الوهــن ضـلا وبات ليه ضاع العقـل في شبـــوه وصــارت مبتليه ،،،، ،،،،بالعمى وعيالهــا يتناحـــرو فــي الهـاويــات مابقى فيها سوى قاتل..قتل..وش ذا البليـــه ،،،، ،،،،شفت فيها الموت واقف بين خذ مني وهــات في طـرقها المـوت يتسلطن وقد ثبت خطيه ،،،، ،،،،والالم والحــزن والاهـات مـن كـل الجهـات خذ بثارك..هـات ثـاري..لعنبـوك أنتــخ كليه ،،،، ،،،،في مجـالسها معــد بـاقي سـوى ذا المفردات رملــت نســوان مثــل الـورد طلعتهـن بهيـه ،،،، ،،،،وايتمت اطفال في عمـر الـزهور اليانعــات والمحبــه روحــت والحقـــد قـــد دلا دليــه ،،،، ،،،،والنكــد والجــوع ســن انيــاب تلمـع حادات في جهنـــم تحتـــرق شبـــان تصبح محتجيه ،،،، ،،،،في المتـارس والمـدارس يشهـد الله خاويات عاد حــد مخلــوق فـي ذا القـوم بايذكر نبيه ،،،، ،،،،رد يابـو سيـف في صـدري ميـافي والعـات وين اهل الفكر وين ارجال تخلـص كل نيه ،،،، ،،،،وين عقــال البلــد واهل العقــول النيــــرات وهذا جواب اخوكم سيف ال ديان الله اللـي عنـده اسـراراً خفـيـه ،،،، ،،،، عالم الاسرارعالم باالسرار المخفيات خالـق الانسـان عالـم ماصلـيـه ،،،، ،،،، هـو ذي يجعـل امـور ساريـات الف يا حيـا الحـروف الابجديـه ،،،، ،،،، عد مايقرون فـي موجـز وشـات خط مترابـط علـى تـاك النحيـه ،،،، ،،،، خـط بومـروان ذي لـه نحويـات بعـد ماقـد قلـت ويـن الصيدليـه ،،،، ،،،، لجل لصرف لك دوا في الصيدلات داء وصاب الخو وصطابـت كليـه ،،،، ،،،، صاب شبـوه والجبـال الراسيـات والشباب اصطاب من بعـد الهنيـه ،،،، ،،،، كـان متماسـك وتاليتـه شـتـات صاب حذاق البلـد صـاب البنيـه ،،،، ،،،، صابنـا صـاب الذيـاب العاديـات والرجال اللي لهـم روحـه وجيـه ،،،، ،،،، اكثريتهـم قضـا نحبـه ومــات شـبـوه التـاريـخ بيدالمافـيـيـه ،،،، ،،،، رجعونا عودونا لدروب المخلفـات وانطفي نور الحضـاره راح ضيـه ،،،، ،،،، انطفـت شبـوه قراهـا طافـيـات طاحـت الاوراق وغصانـاً رويـه ،،،، ،،،، ليش نقطف هالغصـون الراويـات العـرب بعـلا شوامـخ محتمـيـه ،،،، ،،،، رتبـو باعـلا شوامـخ عالـيـات لجل يضرب مـن عيـار البندقيـه ،،،، ،،،، والبلاوي روحت منا وجـاااااااااات كلهـا نـعـره ونـعـره دنيـويـه ،،،، ،،،، دنيويت شخص صاب الشخصيـات قالـو ا لثـارت نظـرات ابدويـه ،،،، ،،،، نظـرة الثـارات خلتـنـا فـيـات والبـداوه هـي بعينـي مختلـيـه ،،،، ،،،، مختليـه فـى الخبـوت الخاليـات الشعـوب اتحظـرت ميـه بمـيـه ،،،، ،،،، بـا العلـوم النافعـه والشرعيـات وهـل شبـوه عادهـم ليـه بلـيـه ،،،، ،،،، با التناحـر والـدروب الموبقـات اح ثـم يـا اح بيـه الـف كـيـه ،،،، ،،،، اكتـوا قلبـي عروقـه مكـويـات لجـل مقتـل خـوه بايقتـل خويـه ،،،، ،،،، او قتل خالـه وهـو مالـه سمـات خال ماله ذنب فـي حاجـه دنيـه ،،،، ،،،، خال وافي ماسعى فـى المخزيـات دور القتـال هـو مـولا العنـيـه ،،،، ،،،، خذ قصاصك منه من قبـل المبـات مـن قتـل متعمـداً قـتـلاً بنـيـه ،،،، ،،،، ينقتـل بـه او تراضـي بالديـات لن رب العرش يـوم ارسـل نبيـه ،،،، ،،،، ما امـر قتـل النفـوس المؤمنـات لوتـروح الكعبـه الــي مبتنـيـه ،،،، ،،،، عادها اهون مـن زهـاق الحيـات
| |
|
|
04-12-2014, 12:47 AM
| #24 | |
| رد : ديوان الشاعر محمد سالم الأحمدي العولقي حبـــال الشــــك من قطع حبل الهوى من حل ذبحي في بروده ،،،، ،،،، ،،،، تدعي قتلك وانا المقتول وعيونك شهود يستمع قلبك لعذالي وعذالي حسوده ،،،، ،،،، ،،،، ريت قلبك ماسمع فيه لعاذل او حسود يشهد الرحمن سر الحب في قلبي حدوده ،،،، ،،،، ،،،، وان خرج من خافقي كانت ضلوعي له سدود انما العاذل بفن المكر والنفس الحقوده ،،،، ،،،، ،،،، قد لقي عينك مع اذنك وقلبك له جنود عينك الي دلته عالسر لما اشتد عوده ،،،، ،،،، ،،،، وابتداء يغزل حكاياته بحقده في برود واذنك اصغت له وقلبك صدقه واعلن صدوده ،،،، ،،،، ،،،، واكتوى قلبي بنار الهجر منك والصدود آه كم ليله قضاها القلب تتطارد نهوده ،،،، ،،،، ،،،، فوق جمر الشوق يتقلب وخلق الله رقود مرقدي نيران فيها الجسم تتوقد وقوده ،،،، ،،،، ،،،، والحنايا بينهن حسره لعبراتي وقود في فوادي هم جيشه غم هجرانك جنوده ،،،، ،،،، ،،،، بيت بتالم ودمعي دم يجري عالخدود مابقى لي سم جسمي رم ذبلانه وروده ،،،، ،،،، ،،،، صرت ما بهتم مهما شم من عطر الورود وانت متهني يبات الليل قلبك في سعوده ،،،، ،،،، ،،،، ما ذكر عهد الهوى والحب فرط بالعهود والوفاء ساس الهوى والصدق ياخلي عموده ،،،، ،،،، ،،،، وانت في لحظه نسفت الساس كله والعمود كنت لك روحك و روحي كنت والخافق تسوده ،،،، ،،،، ،،،، ماعرف قلبي سوى سمعاً وطاعه لك ردود كنت له نبضه وحس انك سبب حتى وجوده ،،،، ،،،، ،،،، حي لجلك بس وانته كل ما له في الوجود لو طلبت البدر جاب البدر لعيونك يقوده ،،،، ،،،، ،،،، وان طلبت الشمس جاب الشمس في لحظه يقود وان تمنيت الثرياء ماشكا قلبي صعوده ،،،، ،،،، ،،،، حطها في خيط مشكوكه على صدرك عقود ماعرفتك يوم متنكر ولا نفسك جحوده ،،،، ،،،، ،،،، وش بلاك اليوم تسقيني بكاساتك جحود افترض زلت علي كلمه وفكري في شروده ،،،، ،،،، ،،،، افترض...اما انا ما زل لو لحظة شرود باتقومها على قلبي وباتسلخ جلوده ،،،، ،،،، ،،،، باتزلزلني كاني جبت ما جابت ثمود والحقيقه وهم في راسك وافكارك عنوده ،،،، ،،،، ،،،، لامتى واهم وقلبك لامتى قاسي عنود العن الشيطان لا يعزف على قلبك بعوده ،،،، ،،،، ،،،، لحن يترنم به العاذل على طبله وعود العنه واقطع حبال الشك اقطعها بعوده ،،،، ،،،، ،،،، قل لخلي عدت والحاسد لعينه الف عود
| |
|
|
04-12-2014, 01:12 AM
| #25 | |
| رد : ديوان الشاعر محمد سالم الأحمدي العولقي ثوبي مطرز بمرجان والنوم يتسلطن على روس لجفان=والليل يبسط عالقرى هيلمانه فزيت من نومي لجوال رنان=يعلن قدوم امكالمه في بيانه رديت..من؟جاوب عوض جيت ضميان=والنفس في الغربه لشعرك ضمانه قد لي ثلاث اسنين شوقي للوطان=شوق الشجر للغيث يحيي غصانه ليلي قضيته في همومي ولحزان=دمعي على خدي وعيني ملانه رديت لاتشكي ترى طبع لزمان=متقلبه ماشي لبوها امانه اصبر على وقتك وسانه بميزان=من قبل ما وقتك يسانيك سانه وابشر بصوتي مغترب جيت عطشان=وانا حلفت اسقيه واملا دنانه سمع نشيدي يوم جريت له دان=من صوت شبواني ترنم بدانه الشاهد الله قلت عالخط سكران=لما بدا يطلق لشهجه عنانه وقال حان الوقت يابوك قد حان=توصل قصيدك كل مجلس وحانه واكتب بلهجة نجد او لغو عجمان=عندالعرب يصبح لشعرك مكانه رديت له غلطان غلطان غلطان=انا يماني عزته في كيانه ما نابشي تركي ولانسل عجمان=يصعب على بعض العرب ترجمانه انا لساني يعربي افصح السان=والاصل انا ساسه وقابض ركانه شعب اليمن شعبي للمجاد عنوان=شفت اليمن فوق الثرياء مكانه واهله رجال الموت للحق فرسان=والجود كفه والعلا في بنانه شاعر انا وعزف من الشعر الحان=والكل من حوله يغني لحانه تترنم الورقاء بلحنه على البان=والروض يتراقص وتورق جنانه والكل يتمنى من الانس والجان=يسمع قصايد ساحره من لسانه باتسمعه تونس ومسقط وعمان=والشام كله بعد ارض الكنانه يهديك ربي ذا عسل نوب جردان=يشفي قلوب الناس مغلا ثمانه هذا انا بعد الدجى صبح بيبان=نوره وباتعلم بقدره وشانه في لهجتي بايصبح الكل هيمان= حتى العجم باينطقوها رصانه هويتي في لهجتي خير عنوان=لا ما عرفت الادمي شف بيانه شف من نسي اصله قضاء العمر ندمان=ومن خلس ثوبه رضي بلمهانه ثوبه عليه اسمه مطرز بمرجان=وثوب غيره مايفيده جمانه من باع ثوبه كان من كان لاكان=عزي لحاله يوم يلقى هوانه الله معك ما ناح في ليل عشقان=او ماسجع قمري على غصن بانه باودعك واعوي كما ذيب سرحان=واقول قولك كان اكبر اهانه
| |
آخر تعديل بواسطة روح السراب ، 04-12-2014 الساعة 01:16 AM |
|
04-12-2014, 01:23 AM
| #26 | |
| رد : ديوان الشاعر محمد سالم الأحمدي العولقي انا وشوقي والهاجس صميل في الموروث ضربه هدني=صميل كسر كبتي و وراكي ناديت عالهاجس:بنورك مدني=شف نور فانوصي غشاه العاكي يابوك شف ذا بحر عالي شدني=ذا بحر شوقي وش تجيب اشباكي شوقي أمير الشعر منه حدني=الخز ثوبه يوم ثوبي كاكي جوب عليه هاجسي:قد هنتني=تشك في بحري وفي أفلاكي بسبح غبب وامواج ماحد ردني=والبحر بحري والجبل مدماكي مولى الفصيحه كان شوقي دندني=يالعاميه لحمدي مولاكي شل القلم حيشا عليه منحني=شوقي معه بوكه ونا ببواكي رديت يابن الجنيه جننتني=ماشك بك كهربتني بسلاكي ملا أمير الشعر ذكره هزني=ذي كان يكتب من ربا كنتاكي متكاه في قصر الملك به معتني=وانا مع بوسيف ليلي تاكي مره علي يطري ومره ذمني=واحيان من بعض اللوايح شاكي
| |
|
|
04-12-2014, 01:26 AM
| #27 | |
| رد : ديوان الشاعر محمد سالم الأحمدي العولقي السيد الوزير على الشاشه لمحته محتبي لعلع بالحانه=ثياب الزهد يلبس والنزاهه حطها عنوانويشرح في براعه فكر في كلمات رنانه=يفلسف نظرته عن كيف تبنا بالتقوى الاوطان ويستشهد بهدي المصطفى عن صدق تبيانه=وعن تحريم ضلم الناس يستشهد من القران حسبته شيخ من خير السلف..رددت..سبحانه=مغير كل شي لو قال لشي كن بلحظه كان اله الكون من ذا يعترض للحق في شانه=عظيم الشان ربي كلكم قولو معي سبحان ولكن الوزير المتقي صرح لاعوانه=كلام الليل والشاشات يمحاه الضياء لابان وصبح مكتبه مخلوق ثاني يعوج السانه=وافعاله تناقض كل كلمه قالها بلسان نهب من ذا وخذا من ذا ووزعها لخلانه=يوزعها جواهر من خزينتنا على الخلان وغير فلته اصل المره من صدق ضبحانه=بلاط الفله الاولى غثاء جابت لها الالوان وسفر بنت خالة زوجته باريس طفشانه=غدرها الزوج طلقها وهي تشبه غصين البان وبدل جيب لبنه مامسك غيره بسكانه=وبنته كامري حسب الطلب جابه من اليابان يوزع حقنا يالعنبو يسراه ويمانه=كانه ورث ابوه الي قضا عمره وهو جربان كان الشعب من جملة خدم جده وغلمانه=وجده ماعرف غير الشقى والقهر والحرمان ولي الامر لا تولي علينا قوم فسدانه=على اناتنا من قوتنا بيشيدو بنيان ولحنا ساس بنيان الوطن سقفه وعمدانه=بساعات الوغا ما باتلاقي مثلنا فرسان لبيع ارواحنا لجل الوطن والنفس رغبانه=واصحاب المعالي كل واحد منهم هربان على بابك تركنا انة الشاكي وحرمانه=املنا كل انه عندكم تلقى لها اذان
| |
|
|
04-12-2014, 01:30 AM
| #28 | |
| رد : ديوان الشاعر محمد سالم الأحمدي العولقي صرختها وصمم الخليفه شـكـت انــت بـكـت ونــت ونــادت ياكـبـيـر الـقــوم=تـنـادي عالخلـيـفـه والخلـيـفـه غـــط فـــي نـومــهلـهـا ستـيـن حـجـه طرفـهـا مــا ذاق طـعـم الـنــوم=ولاذاقــت هـنـاء مـــن كـــل لـــذه دوب مـحـرومـه تنـادي معتـصـم والمعتـصـم عـنـد الـعـدو مـعـزوم=نسـي ثــاره ويـفـرح لــو دعــاه الخـصـم لعـزومـه كـان العيـش لـه منـه سنـه مـن شوفـتـه مـحـروم=وهــوْ مايـوكـل الا كــل زيـنــه مـــن كـبــد قـومــه تـنـادي فــك قـيـدي يــوم قـيـدي عالـقـدم مـحـكـوم=عـلـيــم الله حــتــى نـهـدتــي بـالـقـيــد مـحـكـومــه دموع العين تجري جمر من فـوق الخـدود اعتـوم=عـلـيــك الله اذنــــك لامــتــى بـالـطـيـن مـخـتـومـه ونـهــدي وقـــف كـنــه بالـلـبـن لعيـالـهـم مـلــزوم=ولـلـفـاقـه عـيـالــي وقــــف بــالانــات مـلــزومــه نهـودي يعصروهـا والوجـن قدهـا جمـاع اقـسـوم=وحـتـى جبهـتـي مــن حقـدهـم نصفـيـن مقـسـومـه و ســوو بــي هـوايــل واجـــده يالـومـكـم بـالـلـوم=ويمنعـي حيـاء مـن ذكــر بـعـض افـعـال مشـؤمـه حيـاء منـه تساقـط لحـم وجهـي والحشـاء معـدوم=وذرات الـحـيـاء عـنــد الخلـيـفـه شـبــه مـعـدومـه نصيبك قال وارضي فيه من رب السمـاء مقسـوم=وكـلـن لا قـسـم رب السـمـاء يـرضــا بمقـسـومـه وقـلـت الله مـاقـال اصـبــري هـــذا قـــدر مـحـتـوم=ونــا مـسـرى نبـيـه وصطفـانـي مـهـبـط اعـلـومـه علـى صـدري سريـه امهـم اطـهـر نـبـي معـصـوم=كـواكـب انبـيـاء مــن خـيـر خـلـق الله معـصـومـه وتالـي جـا عمـر حـيـا بشـوفـه منـصـف المظـلـوم=كـسـر قـيـدي بـايــده مـاسـمـع لـقــوال مـهـزومـه ولا بـعــده صـــلاح الـديــن ردد قـولــك الـمـهـزوم=ركـب جفـن الـردا برمـاح فـوقـه ينـقـش اختـومـه على مـر الزمـن كانـت عـرب حـول الحمـا بتحـوم=تجيب الشمس من بطن السماء في حبل مخطومه سـرايــا مـاتـلاقـي فـعــل واحـــد مـنـهـم مــذمــوم=وشـفـت افـعـال ابـوكـم كلـهـا مـاالـيـوم مـذمـومـه تخاذلـتـو وهــم غـــارو لـحـرمـه خـدهــا مـلـطـوم=ونــا قــد عـورتـي حـتـى بـرمـح الكـفـر مخـزومـه ولاغـرتـوا ولاجيـتـوا جلسـتـوا تحسـبـون انـجـوم=مـتـى ينـجـح عنبـكـم لعنبـوهـا اغـصـان بكـرومـه تعـب حتـى المنجـم بالـودع يضـرب وهـوْ مرغـوم=ذبـح قلـب الـودع يخلـق حجـج وعــذار موهـومـه وماكفـاكـم وزتــوا جـيـش مثـلـه يخـلـق المـعـدوم=على الشاشات مـن قلـب الـودع لعلـع بمرسومـه وبعتـونـي بـكـذبـة سـلــم اكـــذب مـنـكـم مـزعــوم=زعمتـو لـي وهــوْ سـلـم الكـراسـي لعنـبـو قـومـه خليفتكـم حسـب عرشـه علـى مـر الـزمـن بـيـدوم=ولـــو دامـــت لـغـيـره كـــان مـاتـوصـل لدلـقـومـه عليـم الله ضاعـت نخوتـه مــن ضرعـهـا مفـطـوم=ومـن دم الـعـرب شفـنـا عــروق الجـيـد مفطـومـه امـن تـاك الجحافـل ضنهـا طــول الـزمـن بتـصـوم=نسـى ان الصـوم بعـده فطـر فـي لحظـات معلومـه عـلـيــم الله قــدهــا واصــلــه لـشـعــب للـحـلـقـوم=ولفـطـر تمـرتـه عــرش الخلـيـفـه هـــوْ حلـقـومـه بطـول اللـيـل يقـلـم كــل شــي فــي دفـتـره مقـلـوم=وبيجـي صبـح يكـشـف كــل حـاجـه فـيـه مقلـومـه هـنــا قاطعـتـهـا قـلــت الخلـيـفـه دايـمــاًً مـضـلـوم=غمـض جفنـك وجفنـه لجـل جفنـك قـد جفـا نـومـه ولا سـافــر يـــدور للـعـزايـم او يــحــب اخــشــوم=سـرى مدريـد شـوفـي نخـرتـه مسكـيـن مزكـومـه وقـيـدك مانـسـيـه يـذكــره حـتــى وهـــوْ مـحـمـوم=بـارض الاندلـس كـم معركـه بيـخـوض محمـومـه يقامـر كـل ليـلـه كــم بـطـل فــي ساحـتـه مـرجـوم=وكمـن فارسـه مـن طعنـت الصمصـوم مرجـومـه على صدره تذوق الويـل يمسـي صدرهـا مهشـوم=بـطـل يـثـار لبنـتـك ذي بـفـوس الكـفـر مهـشـومـه حوانيـت المـعـارك شـاهـده للـفـارس الصمـصـوم=وبــارات القنـانـي تـرتـعـد مـــن لـحـظـة اقـدومــه كنـوز الطهـر لاتستغربـي لـو صـرت مـش مفهـوم=علـى ثـغـري تـتـوه المـفـرده والنـفـس مكضـومـه دروبـي ليـل ليلـي ويـل صــدري بالبـكـاء مـزحـوم=وهـمـي سـيـل هــد الحـيـل والبـسـمـات ملـغـومـه كفايه تصرخي والصمت يصرخ والوجـوم اوجـوم=كفـايـه تنفخـيـن اسنـيـن قـربــة وهـــم مـخـرومـه عيـون القـدس لمـي دمعتـك فـي صـدرك المكلـوم=علـيـم الله شـفـت الغـيـث فـوقـك لاحــت اكـمـومـه ولا القـايـم عـلـى بـابـك خــذل مــا يـخـذل الـقـيـوم=يمـد ارجـال حولـك بالهـمـم واسـيـوف مسمـومـه ولمسى مختفي صدر السمـاء عـن جبهتـك بغيـوم=سـيـوف الشـمـس بـكـره باتـقـد الغـيـم واهمـومـه انـا جيـت اعـتـذر عــن خـيـر امــه بيتـهـا مـهـدوم=بقـت جــدران والعـمـدان مـثـل السـقـف مهـدومـه ورب العرش ماء يملا فمـي يالقـدس بـه مكضـوم=ولـقـدر زيــد كلـمـه والكـلـم بـالـصـدر مكـضـومـه
| |
|
|
04-12-2014, 01:30 AM
| #29 |
 | رد : ديوان الشاعر محمد سالم الأحمدي العولقي |
| |
|
04-12-2014, 01:33 AM
| #30 | |
| رد : ديوان الشاعر محمد سالم الأحمدي العولقي حبـــل فضـــــه خافقـي مـن علتـه لاقــا دواه=والكبد والروح قـد لاقـت دواهـا ياهنـا سمعـي وقلبـي ياهـنـاه=حين ما جاني على الهاتف نداهـا صوتها غرد الووووه القلـب تـاه=وابتداء نبض العـروق ومنتهاهـا تهت كلي بيـن الفـه هـيْ وهـاه=صرت مدري وين ارضي من سماها صفقت لضلاع مـن روعـة غنـاه=والحشاء والروح تتراقص معاهـا يـاحـلاه ويـاحـلاه ويـاحـلاه=والشفـاه المرسلـه لـه ياحلاهـا عطر في مشكاة نور ارسل شـذاه=يشغل الدنياء بسحره عـن عناهـا سحـر مالاقيـت بالدنيـا كـمـاه=ضاع ياهاروت سحرك في غناهـا حلقهـا مـده ولـو يبغـا طـواه=حبل فضـه بيدهـا ماهـو بفاهـا صوت والي بالمحاسن قـد كسـاه=لو همس في غنج لدنيـاء غواهـا والقمر لـو يختفـي ليلـه ضيـاه=السماء من ثغرها توخـذ ضياهـا ثغر ربي قد خلـط سحـره بمـاه=والعروق اليابسـه نـوره سقاهـا صوت...يالله مخرجك كيف الشفـاه=والجداول حولها وش طعـم ماهـا ليت مـا تمنـاه قلبـي قـد لقـاه=كنـت بتمنـى ولـو ليلـه لقاهـا يطفي الخافق من المبسـم ضمـاه=والكبد تطفي لضى جمرة ضماهـا قال لـي قلبـي بهـا ربـي بـلاه=قلت ريـت ان البـلا كلـه بلاهـا قـال لكـن قلبهـا زايـد قسـاه=مارحم نبضي وقـد هـده هواهـا قلت له من كان له ذيـك الشفـاه=حق له يقسى فدت روحي شفاهـا | |
|
 |
| Bookmarks |
| الكلمات الدلالية (Tags) |
| أحمد , الأحمدي , الشاعر , العولقي , ديوان , سالم |
| Currently Active Users Viewing This Thread: 1 (0 members and 1 guests) | |
| |
