02-14-2014, 08:04 PM | #21 |
| رد : ديوان الشاعرالقدير سهير الطرف بسم الله الرحمن الرحيم . هذا بدع الشاعر شامخ منيف موجه لشاعر سهير الطرف يقول : سلام يانجمنا الضاهر يانجم لامع يشوفونه ياضاوذي يبهج الناضر ضويت والناس يدرونه ونته معي دوم ياحاضر انته سلاحي وياالمونه دلينا طرفك السااهر جريت بالصوت ولحونه وقلت مايعذرك عاذر واجب لكم ماتخلونه كابرلكم من ورى كابر من بعدلجداد ترثونه ملكت قدرات يالشاعر عرفت مغزاه وفنونه خذيت قسمك من الوافر تجيب ابيات موزوونه علمت كم ناس يالشاطر مناهل الشعريردونه ختامها اهدي لك العاطر والوردباقات مضمونه وهذا الجواب على ما وصلني من اخي وصديقي الغالي على قلبي شامخ منيف اقول : اعداد ماهملل الماطر و عداد مالبدو يرعونه رحب بك القلب والخاطر ترحيب حاشا يحسبونه ياسيف صارم على الجاير ياحيد شامخ على ركونه قليل من نوعك و نادر شخصيتك فوق مصيونه تلميذكم منكم ضافر حاز الشرف يوم تطرونه قدهو بكم صار متفاخر ممنون والنفس ممنونه واهدي سلامي عطر زاهر يضفي لشامخ على متونه وختامها اهدي لك العاطر و الورد باقات مضمونه
|
|
02-14-2014, 08:06 PM | #22 |
| رد : ديوان الشاعرالقدير سهير الطرف بسم الله الرحمن الرحيم . . . الهـاني الهاجس وانا كنت مشغول وسجلت لك ابيات من كيف كيفه يامن عليك القلب قافل ومقفول لا تتعبوا من هو توقد بحيفه بحر الهوى طفناه والعلم منقول وعشنا فصول الحب شتاه وصيفه وحال الزمن مابين قاتل ومقتول واكثر ضحايا الحب من غدر سيفه وحالي انا يا صاح جيـّد و مقبول ماكان يجزع يوم من دون طيفه والعفو الا يا صاح مانيب مهبول جاني الهوى ظيفي وانا اليوم ظيفه هو اللي يطرّش لي من الحب مرسول و هيض به اشواق القلوب الرهفيه لاحول من دمعـة لجـاويد لا حول دمعـة وليفـاً لا تذكـر ولـيفه اللي ملكني ملك بالعـرض والطول ماهمـه اصحاب النفوس الضعيفه والحب يبقى درب ومصير مجهول وحبي له اكـبر من مقاله سخيفه معقول لكن فالهوى غير معقول وجرح الهـوى ماشي يوقف نزيفه
|
|
02-14-2014, 08:09 PM | #23 |
| رد : ديوان الشاعرالقدير سهير الطرف بسم الله الرحمن الرحيم . . . ياشوق عذبت المحب المتيم يكفي كفى كافيك يكفيك ياشوق قد حالتي ما تسر كافر ومسلم وانت السبب ياشوق في كل مخلوق عذبتني ياشوق ما كان ترحم والقلب من بين المعاليق مسروق لا وآ هني ياللي من الشوق محرم عايش سلي البال ماهوب مرهوق ماهوب مثلي لا قعد قام يزهم مثل الغريق اللي غدت حالته عوق في بحر كن امواجه اللي تلطم كافر لقى مسلم في خبت مشنوق لاهو رحم حاله ولاهو تألم اضرم نياره في جسد شخص مخنوق والشوق يالعشاق ظالم ومجرم كمن فتى منه شكى قلب محروق هذا وانا في الشوق قلبي متيم لنه مقدر لـي ولانـي بمعتـوق
|
|
02-14-2014, 08:11 PM | #24 |
| رد : ديوان الشاعرالقدير سهير الطرف يا هبوب الشعر هاتي للمحبين القصايد وترجمي احساس شاعر في سطور احلى قصيده وعلمي ذاك المعنق حبه بقلبي تزايد يسري بشريان قلبي ويتخبط في وريده وكل حلمً في منامي يزورني سيد الفرايد ولا رقدت في ليل ثاني ارجع لحلمي واعيده هذه سيرة حياتي والعلوم اللي وكايد الشعر يامعذبّني اعشقه واعرف اجيده .
|
|
02-14-2014, 08:13 PM | #25 |
| رد : ديوان الشاعرالقدير سهير الطرف بسم الله الرحمن الرحيم . . . ابدأ بواحد ,, مخلد وخالد,, على الخلق شاهد الانس والجان غافر ذنوبي ,, وساتر عيوبي ,, ويانفس توبي قبل لبس لكفان اول بدوعي ,, لزين الطبوعي,, لشخصً قنوعي بهديه للحان هاجس هجوسي ,, حروفه دروسي ,, دواء للنفوسي ودكتور نفسان بدع في مقاله ,, و عنا الرساله ,, بختم الوكاله بدقه واتقان لذكرى وليفي ,, جعلته حليفي ,, جميلاً لطيفي ابو طرف نعسان جميل الثنايا ,, سكن في حشايا ,, فريد المزايا بشوشاً وخجلان سهرت الليالي ,, واشغلت بالي ,, وعفت الحلالي يا ترف لبدان لكن حسوفه ,, علي ما نشوفة,, تغير وصوفه تبدل بهجران جرحت المحاني ,, وصرت شخص ثاني ,, وانا اللي اعاني واصبحت خسران فلو كنت مجبور ,, بحكمً ودستور,,فـ يازين معذور مسامح و منصان
|
|
02-14-2014, 08:18 PM | #26 |
| رد : ديوان الشاعرالقدير سهير الطرف بسم الله الرحمن الرحيم . . كتبت هذه القصيده عن حال يتيم الأم لما رأيته في محجر شخص جاءه خبر وفاة امه الله يرحمها واسأل من الله ان يحفظ امهاتنا. ولا يرينا فيهن مكروه وان يرحم كل ام تلحفها التراب وان يجعل مثوى امهاتنا الجنه يا رب . . يمه انا فاقد حنان من عاد لي في دنيتي رحتي وانا باقي وراش والهم صاير لي خليل ضو الفجر ماعاد بان والليل يكسو وحدتي عفت الكلا عفت الشراب صاير بهالدنيا عليل وين الامن ضاع الامان ضاعت ملامح ضحكتي من يوم طالت غيبتش فرحي غدى بعدش قتيل وينش بطيتي من زمان ماحد يكفكف دمعتي من غاب كفش يالغلا والدمع سياله يسيل والحال يمه شان شان دايم بحلقي عبرتي يمه فديتش عوّدي و بددي ليلي الطويل يمه كفايه كان كان يمه تحرّي جيـّتي باجيب اشواقي معاي اللي شكت يوم الرحيل واطلب من الله بمتنان يغفر ذنوبش وزلتي ونجتمـع في جنتـه من حيث كوثر سلسبيل
|
|
02-14-2014, 08:21 PM | #27 |
| رد : ديوان الشاعرالقدير سهير الطرف بسم الله الرحمن الرحيم . . . . . . انا مانيب معصوماً عن الزله انا انسان يصيب ومرةً يخطي وكُن يالله في عونه تجاوز عن زلـل نفسي وبـدّل سيّـتي بحسان فـلا غيرك إلـه الكون نجـيه بنفس مسهونه يقـول اللي بـدع قولـه وطرفـه من الكرى سهران بحـور الشعـر من مدّي تفيـض وتقتبس لونه حشا مانيب مغـروراً ولكـن للبحـر ربان يطـوع موجه الهـايج لجل عشـاق يقـرونه وانا لـي تسجـد حروف القصايد طوع لي واذعان هجـوسي رب للقيـفان هجـوسي منبع فنونه انا مانيب متعجرف ولا فيكم قصـوراً بان لا غير القاف يعشـقني ونفسـي فيه مرهونه وقصـيدي كان ما ناله من الاذهـان لستحسان يمـين الله لا غـادر بحـور الشـعر ولحـونه فلا ظنـي احـد معصـوم عن الزلـه وهو إنسان دون اللـي اصطفـاه الله ختـام القـول تقرونه
|
|
02-14-2014, 08:24 PM | #28 |
| رد : ديوان الشاعرالقدير سهير الطرف بسم الله الرحمن الرحيم . . . . في ليلة ظلماء حالكة السوادِ والناس كلاً بمخدعه هاني الرقادِ اتت اليَ ليتها كانت بعيداً اتت تراود مقلتيَّ بلا منادِ جمعت جيوشٌ كي تجدد حربها وجروحها من فوق خدي بلا ضمادِ غزت خفوقي ويل ويلي منها حكمت على اهداب عيني بالسهادِ يا ظالمه خفي عذابك انني قد طالني ما لم يطل كل العبادِ الذنب ليس الذنب ذنبي طالما العيش في وطني شبيهٌ بالحدادِ رحلت عنه باحثً عن لقمتي في وقت قاسً والليالي عنادِ هل ترحمي قلبٌ تفطر حسرةً في غربةً ذاق الاسى منها فؤادي يا عبرةً في الحلق عشش وكرها في محجرالعينين جاءت بالعتادِ تشكي خدودي حر دمعي مالكِ لا ترأفي بحال طرفً به سهادِ يا غصةً تأتي بليلاً حالكـاً ياليتكِ عني بعيدا بألف وادِ
|
|
02-14-2014, 08:27 PM | #29 |
| رد : ديوان الشاعرالقدير سهير الطرف نظرت السماء بعيني فلم ارى البدر في موقعه حاضرا تعجبت!! لكن لم اكتفي سألت الذي كان لي حاضرا اين المُضاء الذي بالسماء اغاب ولم يعد لي ناظرا تبسم في موقفٍ محزنٍ امجنون انتَ وماذا جرى اتعلم انه في مرحله يغيب الى الفجر ثم يظهرا فمالك وماله ياصاحبي فكلاً بفلكً كما لو ترى سكت.. ولكن نطقت وقلت فذاك الذي ساهراً في الكرى فأني إذا مانظرت اليه تذكرت حباً بدمي سرى حبا عفيفاً نقياً تقي طهوراً من الماء او اطهرا تعلق قلبي بتلبابه فماظن لقلبي به من برا جمالاً وديناً وحسنٌ وخلق يغارن منه بنات القرى وبنات المدائن والرافدين وقبرص والهند مع انقرا فلو كان لي في حياتي مُنى تمنيت اني لوجهه ارى واطفي ظمأ عاشقٍ كادحٍ رأى في المحبة مالا يُرى .
|
|
02-14-2014, 08:29 PM | #30 |
| رد : ديوان الشاعرالقدير سهير الطرف بسم الله الرحمن الرحيم . . . ابـدا بـذكرك يا إلـه البرايـا ياعالمـاً جهــري ومـافي الخفايا واثنـي صـلاتي عالنـبي المطهر مالاح بـراق السحاب بسمــايا وياهـاجسي هات الحـروف الجزيله ترسـل لخو صالح مع ازكى التحايا وقلبي خـذه مع عود اخضر هديه من عـادة لجـواد تقبـل هـدايا وان كان في قلبك عليـّه خطيه ابشـر بعزك وهاك منـي وصايا الاولـه لا تحمـل الحقد حــذرك على خويك لو جفـاك بحكـايا والثانيه خل التفــاكير والهـم على الولي الحـي جــزل العطايا والثالثـه لا تساير انسان عاثر من ساير الجـربا حصاده بلايـا والرابعـه لاتسمع هروج حاقد مادام حبـك ساكناً في حشـايا يامحسن ان القلب تشعـل نياره ودقـات قلبي ترجمـه للشكـايا من هول ماشفته في بعض المخوه يحفـر تحت خوتـه وهـرجه وشايا وين المخـوه دام فيـها خـيانه ياشيب راسـي عالمخـوه وعمايا حـرام ماقـامت لكـم اي هيبه دامك اخي تطعن وطعنك ورايا تبدي لي البسـمات لاصرت عندك وليـا غديت ابعـيد تعض الشفايا واحقاد شفنـاها تهد الرواسي وابليس يتفرح خبيث النوايا ياهيه من يوحي ويوعي ويفطن راحت قوافلكـم نهب و سبايا نصيحتي خلـوا هـروج الحقودي مافـاد يومـاً ناشـرين الدعـايا اهل النمـيمه فاقـدين الضمـاير حسـيبهم ربـي مجيـب النـدايا والخـتم صل الله على خير منذر الهاشمي حبـه سكن في الخـلايا اللي بـذكر يرتـوي كل ضـامي وآنا بـذكـره زاح عـني ضمـايا |
|
Bookmarks |
الكلمات الدلالية (Tags) |
المتمكن , الشاعر , الشاعرالقدير , الطرف , ديوان , زهير |
Currently Active Users Viewing This Thread: 1 (0 members and 1 guests) | |
| |
مواضيع مشابهة | ||||
الموضوع | الكاتب | المنتدى | المشاركات | آخر مشاركة |
روح السعادة والوله قصيدة الشاعر سهير الطرف و إخراجي | روح السراب | قناة حريب بيحان " يوتيوب " | 29 | 01-12-2015 12:50 AM |
جوابي علاالشاعرالقدير سهير الطرف | شامخ منيف | حريب بيحان الشعر والموروث الشعبي | 6 | 02-28-2014 12:47 AM |
سهير الطرف | أبو سامي | حريب بيحان الترفيه | 12 | 02-05-2014 11:52 AM |