04-02-2013, 05:49 AM
| #61 | |
 |  [ALIGN=CENTER][TABLETEXT="width:70%;background-image:url('http://www.hreeb-bihan.com/vb/backgrounds/14.gif');border:10px groove deeppink;"][CELL="filter:;"][ALIGN=center]الشبيه خله بكيفه ياخذ اللي يشتهيه  خله تراه الغالي ابن الغاليه خله عشان اعلمّك وش صار فيه يوم تركته امه بدنيا خاليه واعلّمك منهي مسميته عليه واعلمك باحلامها المتواليه واعلّمك كيف اقفت تزيل الوجيه حتى تكون الأوله والتاليه اللي بيومٍ عزّ به حتى الجني،ه كانت سواة الغيمه المتعاليه اقفت وخلّت ثوب الاحزان ارتديه من بعدها الريضان رمضا صاليه لو الفرح شعب وجلا ما قلت ليه لعيونها : ولترحل آخر جاليه ما عاد به شيٍ بدنياي ارتجيه ولا به جروحٍ بعدها متشاليه الى متى الولهان في الذكرى يتيه لا واهنّي اهل القلوب الساليه وان همّ بالخفاق نزاّلٍ يبيه قلّه : غدا مفتاح قصر الواليه ما كني اذكر كل ما شفت الشبيه الا ملذات القطوف العاليه ما كني استعرض وانا استعرض يديه الا الكفوف الناعمات الحاليه يوم القدر ميّل علي ما اقدر عليه ودعتها محيي العظام الباليه [/ALIGN][/CELL][/TABLETEXT][/ALIGN]
| |
| |
|
04-02-2013, 05:50 AM
| #62 | |
| [ALIGN=CENTER][TABLETEXT="width:70%;background-image:url('http://www.hreeb-bihan.com/vb/backgrounds/14.gif');border:10px groove deeppink;"][CELL="filter:;"][ALIGN=center]تناهيد العيد وين انت غايب ما لقيتك بها العيد يا للي بقربك جملة ايامي اعياد العيد يوم يطل ما فيه تجديد الا غلاك اللي مع الوقت يزداد والله لو تدري وش عروقي تريد ما تترك يدينك عن يديني بعاد ما قلت بشفاهك عسى عيدك سعيد واحس باقي فرحة العيد تنعاد الله كم كان اهتمامك به يزيد وتسّوي من العيد للعمر ميلاد ياما صنعنا من يدينا تقاليد وياما تبادلنا الهدايا والاسعاد واليوم خليّت التهاني تناهيد شحّيت بالحلوى على مر الاكباد دقات قلبي رتبّت لك مواعيد ولبست لك من شوقي ثيابٍ جداد دورّت لك بين الغنا والزغاريد ولمحت طيفك بين الأعين والاجساد قطفت له من تحت صدري عناقيد عيديةٍ تغني عن الشرب والزاد غنيّت بغيابك من الوجد اناشيد حتى الاماني ملّت من التوجّاد لإسمك بصدري صرخةٍ تقطع البيد كتمتها من خوف شامت وحسّاد يا اجمل عطر له في زواياي تغريد يا اعذب غلا شاعر عن رضاك نشّاد قبل الأمل تظهر عليه التجاعيد ميّل وانا بافرش لك الروح سجّاد تبي الصراحة ما تهنيّت في العيد عيدٍ بدونك يا هوى البال لا عاد [/ALIGN][/CELL][/TABLETEXT][/ALIGN]
| |
| |
|
04-02-2013, 05:52 AM
| #63 | |
| [ALIGN=CENTER][TABLETEXT="width:70%;background-image:url('http://www.hreeb-bihan.com/vb/backgrounds/14.gif');border:9px groove deeppink;"][CELL="filter:;"][ALIGN=center]معشر الجن العمر زل وما استرحت من الأهوال صدمه ورا صدمه ودنيا فتونه وان كثرت الصدمات فيها الف حلال لوما نفع فيها امتصاص ومرونه بعض القصص تبلى مثل حبة الخال وبعض الهبايب تعتريها رعونه وبعض الحديث اشبه بتمزيق الأوصال يسرد على الطرف المحزّن حزونه في الحنجره غصه وبيديني اغلال وبخافقي جرحٍ تزايد طعونه والصدر تحته فوح اباريق ودلال والعقل احس اني مسافر بدونه والرجل لو توقف على سود الأطلال ارحم من اللي مرته من مهونه والحمل وابوياه من حمل الأثقال ما عادت متون الشقاوي متونه وان كانها يا معشر الجن تنقال قلت : آه واللي ضم جرحه يصونه لي صاحبٍ من دونه احكمت الأقفال وانا احسب ان الجن ما يا صلونه خليته وما كان يخطر على البال يا خبث مدري يا خبايث تجونه يا معشر الجن ارحموا سيد الأزوال الغالي اللي ليتكم تتركونه يا معشر الجن ارحموا دمع الأطفال اللي شكوا فرقا اليدين الحنونه يا معشر الجن انكسر قلب رجّال عزيز قومٍ ذل ما ترحمونه يا معشر الجن الله يبدل الحال واللي بلانا ليتكم تبتلونه لا عاد ليلٍ جا لكم فيه مدخال المسلم المسكين وش تطلبونه ردوا على قلبي طموحه والآمال و ردوا على الغالي سروره ولونه ما يكفي ان حتى الجسد صار تمثال جاه اليباس وفارقته الليونه والسدر حولي والقرايه على جال واللي ورا الجدران تبكي عيونه واصب ماء زمزم مع الليل لا طال واملا المكان من البخور و دخونه وان ضمّد المبلي مشعوذ ودجّال ضمدت جرحي من كريم المعونه عندي لكم يوسف ويونس والأنفال اصدع بها وانفث وربي وعونه ما قلت : غمه .. قلت : غمه وتنزال ومن ذاق عسر الوقت يبشر بهونه الود ذمه والليالي لها اعمال واللي يخون الذمه الله يخونه [/ALIGN][/CELL][/TABLETEXT][/ALIGN]
| |
| |
|
04-02-2013, 05:59 AM
| #64 | |
| [ALIGN=CENTER][TABLETEXT="width:70%;background-image:url('http://www.hreeb-bihan.com/vb/backgrounds/14.gif');border:10px groove deeppink;"][CELL="filter:;"][ALIGN=center]شاعر الشارع يا وطن سلّم على المصدر الرسمي عادتك تنصف وتحتج وتشارع يا وطن لا اهديتني شارعٍ بإسمي دايم المبدع لتكريمه تسارع لو من صغار الشوارع يجي قسمي أوعدك ما تشوف مثله ولا شارع لا عتبر ماطاه مغسول بالوسمي أو جديلة جادلٍ طولها فارع وارتبط به مثل وشمٍ على جسمي وانقلب حارس وبناّي ومزارع وابتكر له شكل من ذوقي ورسمي خلطة الفناّن والصايغ البارع وان مشيته قلت يا روحي انقسمي يستحق اللي له يثور ويصارع لو تخلّي جملة العالمين اسمي وما تناديني سوى"شاعر الشارع" [/ALIGN][/CELL][/TABLETEXT][/ALIGN]
| |
| |
|
04-02-2013, 06:06 AM
| #65 | |
| [ALIGN=CENTER][TABLETEXT="width:70%;background-image:url('http://www.hreeb-bihan.com/vb/backgrounds/14.gif');border:10px groove deeppink;"][CELL="filter:;"][ALIGN=center] مناجاة ربي وانا اخترتك على من دعاني تباً بدون رضاك لأشهى الملذات حرام ما استكثر بقربك ثواني وانا اللي اضّيع بدنياي ساعات اعوذ بك ممن طردته وجاني واشغلني من الفاتحه للتحيات وألوذ بك من كل همٍ غشاني واقبل علي بالحزن عقب المسرات لا ضقت احس اني وحيد بمكاني وإلى ذكرتك تنفرج كل الازمات رضاك صبحٍ به ضحوك وتهاني وغضبك ليلٍ به تعازي وونات اخشاك لين احس دمعي كساني واشعر بلحظه غيرعن كل الاوقات ياما دعوني فاتنات الغواني وزيّن لي المال الحرام الطموحات احمدك ياللي عن فتنهم هداني وادعوك لهداية عبيد الجنيهات يا رب عبدك بعد كم يوم فاني عليه هون سكرة الموت لا مات انا بوجهك لا اندفنت تحماني والقى حبيبي في الجنان الفسيحات عزمي قوا بك واعتلى منك شاني ياما من الدنيا تحملت صكات حللت بأمرك عقدةٍ من لساني حتى علا صوتي مع خيار الاصوات واسرجت في درب النشامى حصاني ولا رفعت لنية السو رايات اصبح واسوق العزم واغنم زماني وامسي وارتّل بآخر انفاسي آيات واشفق لفعل الخير واغلى المعاني لا صار كلٍ له وسايل وغايات انا ادري ان كل الخلايق تعاني رغم اختلاف احوالهم في المعاناة بس احتياجي ما يرد امتناني وان كان لي حاجه فللناس حاجات يا رب ما باقي لي من الأماني الا امنيه مابي سواها إلى جات أبني لك بدنياي اعز المباني وتبني لي بجنتك خير البنايات [/ALIGN][/CELL][/TABLETEXT][/ALIGN]
| |
| |
|
04-02-2013, 06:09 AM
| #66 | |
| [ALIGN=CENTER][TABLETEXT="width:70%;background-image:url('http://www.hreeb-bihan.com/vb/backgrounds/14.gif');border:10px groove deeppink;"][CELL="filter:;"][ALIGN=center] الموف احب الموف والموف عندي لون فارق قبل لا تكبر السالفه بيني وبينك ايلين موادعك واشهد انه كان شارق وفي عيني غرب بعد ما خذك بيدينك عرفت ان الولع والجفا والبعد حارق ولكني عجزت اعرف اللي في كنينك الا يالسارق اللي ماهوب ايات سارق شف المسروق جمّر وهو قدام عينك دموعي سابقت زفرتي عند المفارق مثل ما سابقت ضحتك غمازتينك ورحت اجمع شتاتي عساه يلوح بارق ولا غابت عن البال تلويحة يمينك اطوف الأرض بين المغارب والمشارق ولا يوم اصبح الا على طلعة جبينك كرهت الموف واللي بحب الموف غارق عسى ما يصدفه مثل ما صادف ضنينك لأجل يبقى بعينه جمال الموف فارق مثل ما كان ذيك السنه بيني وبينك [/ALIGN][/CELL][/TABLETEXT][/ALIGN]
| |
| |
|
04-02-2013, 06:11 AM
| #67 | |
| [ALIGN=CENTER][TABLETEXT="width:70%;background-image:url('http://www.hreeb-bihan.com/vb/backgrounds/14.gif');border:10px groove deeppink;"][CELL="filter:;"][ALIGN=center] ساق الفرس عزّاه يوم انكسر يا قلب ساق الفرس يا ليتني حولها يوم انكسر ساقها وين الحرس لازم أول من يجازى الحرس كلش ولا اخت الكحيلة تفقد اخلاقها ما كني الا اسمع من هناك صوت الجرس وتفز روحي لنجدتها ولعناقها فراقها اشبه بوحشٍ يا كثر ما افترس والكسر هذا مصيره يجلب فراقها وان غابت الله يعين الخاطراللي انترس من ضيقةٍ طول عمره ما بعد ضاقها يا ما كثر ما الغلا بين الضلوع انغرس على رسنها توجّد سيد عشاقها الى انتشت خلت الثرثار مثل الخرس بالذات لا صارت النشوه من اعماقها تلقّن الدرس للي في الهوى ما درس وتهيم لا اقفت هبوب الريح بأشواقها مجنونها اللي يداريها كثر ما احترس ما بان له حاجةٍ في وسط خفاقها والخاطر المنكسر من عقب فرقا الفرس الكسر فيه اهون من الكسر في ساقها [/ALIGN][/CELL][/TABLETEXT][/ALIGN]
| |
| |
|
04-02-2013, 06:13 AM
| #68 | |
| [ALIGN=CENTER][TABLETEXT="width:70%;background-image:url('http://www.hreeb-bihan.com/vb/backgrounds/14.gif');border:10px groove deeppink;"][CELL="filter:;"][ALIGN=center] سلام السعوديين سلامي على بحرينكم يا هل البحرين على شوفة الاحباب ما فيه تأخيره سلامي على اللي حط منزالكم في العين وحث الخطى للمجد من حسن تفكيره حمد جارنا اللي طلته في القسا واللين تساوت بوجهٍ ما عرف يوم تكشيره رسالة غلا مختومه بنخله وسيفين حملها السلام اللي دريتوا باساريره سلام السعوديه .. سلام السعوديين هل الطيب والنخوه والاخلاص والغيره يسلم عليكم شيخنا خادم البيتين ابو متعب حزام السعد طيب السيره الى مد يد العون ما احدٍ وراه يعين يحط الصعاب بكبرها حبة شعيره وابلغكم جزال التحيات يالغالين من السيف الاجرب سيف الاجداد ما غيره خذا في ضيافتكم سنينٍ وراها سنين ولا حصّل من بلادكم غير تقديره ترى الجسر وحده ما ربط بين اهلنا بين علاقاتنا شي من الصعب تفسيره ونبقى عليها دام حنا من الحيين ما دام الدول ما بين جرفٍ ودحديره الى صد الاسطول وتخاذل عدو الدين نقول احتزم يا جار حنا هل الجيره نوقّف ونصطف ونجي مثل سور الصين ونعمل عليه ان حس بالضيق دويّره على الدوله تقّدر حقوق المواطن زين وعلى الفرد ما يعشق ورا ديرته ديره وانا خابر البحرين توجد بها الثنتين كبيرة مقام وشان .. لو قالوا صغيره الا يا اهل البحرين لا ننقسم نصّين عسى كل بيت يزيد بالحب تعميره وعسى كل بيتٍ فيه نلقى عمر وحسين والايام تجمعكم على الخير والخيره [/ALIGN][/CELL][/TABLETEXT][/ALIGN]
| |
| |
|
04-02-2013, 06:14 AM
| #69 | |
| [ALIGN=CENTER][TABLETEXT="width:70%;background-image:url('http://www.hreeb-bihan.com/vb/backgrounds/14.gif');border:10px groove deeppink;"][CELL="filter:;"][ALIGN=center] المبادي إلى ضاقت علي ميلتّها لأهل الرمك والجيش وأخذت من الأصايل مهرةٍ يختال راعيها الى جت كن أبوها من سلايل خيل صقر قريش والى اقفت كن ابن شالح بسوط الموت حاديها أغني في ظهرها لا غدا للذاكره تنبيش هجينيات ابوي اللي ورا (صبحا) يغنيها وامرّ من العذارا غادةٍ لا ضقت قالت ليش تتل الداء وتصرف له دواء لعيون غاليها نفوس الذل تسقط والنفوس الساميات تعيش وراعي الكلمه اللي يستحي منها يبديها احسب ان المبادي عملة ماتقبل التغشيش سقا الله يوم قلت : اي والله أن أموت شاريها أردّدها .. صغيّر سن توّي مانبت لي ريش أثرها عيّدت بأهل الكراسي في كراسيها عساني ما صغرت من احترامي نقطة التفتيش وعساني ما كبرت من المنصّات وتهانيها الى زل ّ السفيه استصغره حتى من التهويش والى استفزع بربعه قلت : ما احلى فرك اذانيها والى ضاقوا عليّ حتيش وأن طاشوا بعد حتيش والى وصلت مداها جبت عاليها لواطيها عطاني مانع الفتنه مناعه من هل التشويش ونجّاني من عيال الحرام ومن بلاويها من اعراض العرب لاطفالها تقتات لقمة العيش ياويح أهل الكبود الناشفه من كف واليها الا يا ماكثر الضوضاء والا يا ما حلا التطنيش والا يا ما أطول الدعوى والا يا وين قاضيها عسى الله ما يحد القرم للعيشه ورى البخشيش وش الأشناب لا قام الدهر ينفض مخابيها تعفرت كم ثعل لين أعتبرني صاحبي درويش وانا لي كلمة رخص الكلام وعشت مغليها على فرقا جلاليب الضماير في مزاد الطيش تنومسني مزونٍ ما خضع ماها لباغيها بلا سجّاد .. لا نذرٍ عليّ الا افتراش الخيش أعزّ لهامةٍ كني على الغيمه موصيها وانا لو ما احترفت الرمي لين اسرفت بالتحويش ظهرت من الميادين وعطيت القوس باريها الا يالله طلبتك سمعة ما تقبل التهميش ولو متّ افقر الناس وهلي فقرانه..يديها عسى ماهو صحيح ان المبادي ما توكّل عيش اذا هو صدق .. أجل عز الله اني رايح فيها [/ALIGN][/CELL][/TABLETEXT][/ALIGN]
| |
| |
|
04-02-2013, 06:16 AM
| #70 | |
| [ALIGN=CENTER][TABLETEXT="width:70%;background-image:url('http://www.hreeb-bihan.com/vb/backgrounds/14.gif');border:10px groove deeppink;"][CELL="filter:;"][ALIGN=center] قنوت يارب عفوك يالكريم الواحد الفرد الصمد يارب جودك يا عظيم المد علام السدود الطف بنا يارافع السبع الطباق بلا عمد واغفر لنا يالدايم اللي ما عليك امرٍ يكود يارب لاضاقت علينا السبت هونّها الاحد يارب لا مالت تعّدلها ولا شحّت تجود يا رب لا كثروا عصابات البلد تحمى البلد واحفظ ولاة امر الحدود اللي يحرسون الحدود واصلح بطانتهم و زدنا في العتاد وفي العدد واجعل لنا بعيون الاعداء هيبه وشان وصمود يارب لا تجعل لعدوان النبي صيب وتلد واحفظ خرايطنا من اطماع النصارى واليهود يارب تطمس من عربنا سالفة "فرق تسد" واعصم بعضنا من قوانين الذيابه والاسود وافطن لنا لا غربوا دينك خباث المعتقد وافزع لمسجدنا واهلنا اللي على حد القرود واعدل عوج عبد الودود اللي تبع عبد الصمد واهده بعد عبد الصمد ما غرّر بعبد الودود يارب علمٍ نافع ورزقٍ يقّربنا الرغد يارب فعلٍ صالح وذكرٍ على الدنيا يسود والا العيون الحاسده يارب يامال الرمد والا اليدين العابثه يارب يا مال القيود والا النفوس الخاينه يارب يامال اللحد والا القلوب الحاقده يارب يامال الوقود يارب تحيينا على عزّ إلى متنا خلد يارب ترزقنا القناعه في البنون وفي النقود يارب لا صاحت لك العاقر تسوق لها ولد وان يبست كبود الارامل يالله تبل الكبود واغدق علينامن تباشيرالسكينه والسعد واعمر جميع بيوتنا بأخت الودود أخت الولود واكشف مصيبة عانسٍ طاحت بحبلٍ من مسد واعتق مصيرٍ ما يبالي فيه طماعٍ جحود واقسم لها من زود فضلك ما يزول به النكد واجعل جميع ايامها بيضٍ عقب ماهيب سود واسند يدين الغاده اللي تنتظر ظل وسند واسعد عيون العازب اللي ما دخل بيته عنود واردع هوانا لااشتهينا قرب غضات النهد واخذ بيدينا لا دعتنا المايسات من القدود واشدد من أزر اللي تغيب عنه خله وابتعد واستعذب الغربه بعين المغترب حتى يعود وافرش على ارض المسلمين المرزمات من الرعد واسق الخيام الضاميات اللي تشّفق للعدود يارب تجعل خاتمتنا خير لا قل الجهد واعبر بنا دار الزوال ودلنا دار الخلود واسبغ على الحيين منا نعمة تجلي الكمد واكتب لموتاناعلى حوض النبي الهادي ورود وارفق بهم واغسلهم من الثلج والماء والبرد واستر عليهم من عذاب القبر في ضيق اللحود [/ALIGN][/CELL][/TABLETEXT][/ALIGN] | |
| |
 |
| Bookmarks |
| الكلمات الدلالية (Tags) |
| الشاعر , القحطاني , ديوان , ناصر |
| Currently Active Users Viewing This Thread: 1 (0 members and 1 guests) | |
| |
