طيحة الشاطر . . تجي دايم سريعه !

الشاطر , بيد , داخل , سريعه , طيحة

طيحة الشاطر . . تجي دايم سريعه !

لاتقول فــ [ رميتك ] ماكنت رامي !



أشهد إنك . . .
راميٍ أحسن صنيعه ~

من عشقتك وإنت في جرحي عصامي !

ومن عرفتك . . .
وإنت لك [ ذمّه وسيعه ]

شايف وساكت ومتراكم ملامي

في حياتي شفت شغلاتٍ فضيعه


علمتني دنيتي { أكتِم } - غــرآمــي

وإن لقيت - إنسان بايعني , أبيعه !

وعلمتني كيف . . أحوّل / إنهزامي

لأنتصاري . . . وآتحايل عـ الخديعه !


مهما أعطي للـ زَهَر كل إهتمامي

ما يفتِّح , غير . . . في موسم ربيعه


علمتني كيف " تتساقط " أسامي ,

وعلمتني كيف أبقى بــ .. الطليعه


علمتني أمشي و آطالع . . . أمامي ،

طيحة الشاطر . . تجي دايم سريعه !


علمتني كيف أفرِض إحترامي ,

ولي كرامه , يهمّني تبقى رفيعه


ليه أشيلك ذنب دام القلب سامي ؟

وليه أحمّل نفسي . . . ما لا أستطيعه !


ليه أتمتم وإنت ما تسمع كلامي ؟

ولو يحرضني لساني ليه أطيعه ؟

صمت عنّك . . .
لا تجي وتجرح صيامي

عندي الفرقى , ترى صارت [ طبيعه ] !

[align=center]ابيات رائعة جدآ

مشكور أخي ابن الباديه[/align]

تسلم اخي الطارق
ويعطيك العافيه على مرورك الطيب