 |
 |
| |
آخر 10 مشاركات
|
 الإهداءات | |
 |
| | LinkBack | خيارات الموضوع |
10-01-2011, 03:41 AM
| #1 | |
 |  اشعار وقصائد الشيخ محمد بن راشد آل مكتوم .. يـا سحابهْ قْدرَها فوقْ السحاب لا يـصيبك باسْ يا بحر الندى تـحت غيثك كل أنواع الشراب الـحيا لاهلك وموت لمن عدى عـذبه لـجارك وللعادي عذاب كـم سقيت المعتدي طعم الرّدى يـا يـد فيها الشجاعه ما تهاب كـل غـالي لاجـلها يعله فدى تـحملين الضرّ عنا والصعاب وتـدفعين الضيم لين آخرْ مدى في سطور المجد خطّيتي كتاب كـل حـرفٍ فـيه بالعز ابتدى كم مسحتي دمعةٍ تشكي مصاب وكم رحمتي من له الضرّ اهتدى مـن كـريمٍ يملك قلوب ورقاب كلّ صوت يصبح لصوته صدى تختلف لاراء على أمر الصواب بـس عـنكم تتفق حتى العدى إنـت زايد إنت الأول والمجاب وانـته الـحامي إذا خوفٍ بدى الـشعر يـرفع لذي مالهْ جناب والـشعر يـخفض عزيزٍ سيّدا بس مع زايد تغيرّ في الحساب لأن بـاسمه الشعر عزّ ولهْ شدا لـك تغني لى يزينها الخضاب ويـعلك السالم ْعلى طول المدى
hauhv ,rwhz] hgado lpl] fk vha] Ng l;j,l >> | |
 |
|
10-01-2011, 03:42 AM
| #2 | |
| مـهما الـلّيالي تـدور حبّك ترى في الصّدور إنـتِ يـا بـدر البدور لـك كـلّ حُبّ وشُعور يـا أمّـنا يـا الـحبيبه يـا الـغاليه يا القريبه إسـمِك بـقلبي وجيبه فـي غيبتك والحضور أنْـتِ يـا نَـبع الحنان بـيت الـدّفا والأمـان لـو بـارْ بـيّ الزّمان مـا ظـن حـبِّك يبور دايـم بـطيفِك أهَـلّي عـايش معي مثل ظلّي لـى شـوفته مـا يملّي إن مَـرّ طِـيفِك يزور أحـسّ بـك في فؤادي في صحوتي وفي رقادي حـبك ما هو شيّ عادي دايـم ومـا لـه فُـتور
| |
| |
|
10-01-2011, 03:43 AM
| #3 | |
| أمـنياتي يـا مـجيب الأمنياتي أن تـوحّدنا على الراي الخطوب نـحن كـنا أمّـة ٍصارتْ شتاتي وحقنا من ضعفنا اليوم امغصوب نـحن شـعبٍ واحدٍ رغم العداتي كـيف اصبحنا من الفرقهْ شعوب صـار ماضينا المشرّف ذكرياتي عن بطولات وزعامات وحروب كـيف حـلّت بالعروبهْ النايباتي وكـيف تتفرّق بنا اليوم الدروب آه يـا مـجد العصور الزاهياتي صرت حسره في قلوبٍ لك تذوب لا تـقولواعزّنا والـمجدْ فـاتي وان شـمس العز مالت للغروب فـي تـوحّدنا تكون المعجزاتي يـوم عن خلفٍ وعن فرقهْ نتوب الـتسامحْ والـعفو فـينا صفاتي في هدى القرآن م الدين امحسوب يا أخونا في الكويت وفي الفراتِ يا عربنا في الشمال وفي الجنوب كـان زايـدْ لى دعانا في ثباتي دعـوة ٍمـن عزمها تحيا القلوب اسـمعوا زايـدْ وخـلّوه السّباتي هـو دعـانا عـن تفرقنا نثوب مـن تـبعْ زايدْ فيبشر بالنجاتي تـبعْ زايـد واجبٍ كلّ الوجوب
| |
| |
|
10-01-2011, 03:45 AM
| #4 | |
| اذهلتني من روائع الشيخ محمد بن راشد آل مكتوم اذهلتني يـوم صوبـي مقبلـه شفت موتي بين غدران و ظلال لو بلّف الكـون كلّـه بأكملـه البسيطه متن و سهول وجبال ما رأت عيني جمـالٍ يخجله من جماله يختجي الكون الجمال التدلّـل مـن دلالــه دلّـلـه فيه مدلـول الجمـال بـلا دلال جل من صور جمالـه و كمّلـه كامـلٍ حسنـه و للّـه الكمـال حدر داجٍ فـوق متنـه ينشلـه ناثر القصّه على قوس الهـلال واللواحـظ كالسيـوف مسّللـه كنّ يلعب بالهدب موج الشـلال قلت له دمي لكـم مـن حلّلـه والتزم بالصمت ما ردّ السـؤال وش حيلتي و الرمـاح مظلّلـه لا حول عندي و لا عنها محال الضمير بنـار كبـرى تشعلـه بإنّدفاع الحب و ردود الخيـال من غلاه الروح طـوع مذلّلـه في الخوافي لا يحول و لا يحال له طروق الشعر فكري مذهلـه منّهله و أرويه من غـزرٍ زلال أنسج المعنى حـروف مرتّلـه من طرايف شرّد بوحي و الخيال و أشكي آلام الجروح المدملـه نالها قلبي و هو صعب المنـال
| |
| |
|
10-01-2011, 03:46 AM
| #5 | |
| سرى ساري بسيره سـروا سارييـن الليـل مسير السرى واسرى مـع السامـر السـاري سحابة سحب سحب السحاب وسحب دهم إمخيل يسـح السحايـب سحهـا يـسـح مــدرار سقاهـا وأسقـت سواقـي السقايـات إمحيـل يسوقـه مسـاق السواقـي بسـوق سمـاري ووسم وسمة الوسمي بوسايم وسـم نوسهيـل سما والسما مـن نـو وسمـه بـه إتمـاري تسلسل مسيلـة يسيـل وسيـل سيـل سيـل وسلـك مسالـك سالـك بسـلـك تـيـاري وسعى ساعي يسعى وسعى سعيـه بتحصيـل مساعيه تسعى بسعـي مـن سعيـه اليـاري وسطى ساطيه ساطي وفي سطوتـه تطويـل وساطي سواطـي سطوتـه سوطـه النـاري وسلب سلبه السالـب سلـب سالبـات الحيـل سـلاب السلايـب سلبهـا سالـب إجبـاري وساعـد سعـودة بيسعـد لابسـات الشيـل بسعد السعـود اللـي سعـد سعدهـا جـاري وسكن لو سكن ساكن سكـن سكنتـه تحويـل مساكـن سكنهـا ساكـن السكـن والـداري سرقني سـروق القلـوب السـارق بتكحيـل سرق سرقتـه سـارق ولـه وجـه قمـاري وساعة سعفني المساعف واسعـف بتوصيـل سعاف السعايف يساعف ع السعف ضـاري وسبكت السبايك وسبكـي م الذهـب تفصيـل وأسبك سبايـك وأسكـب مسكـر أشعـاري سهـرت وسهـر ساهـر للسهـر قنـديـل يسفر سفـر مسفـر بوجهـه سفـر سـاري وسحر سحرتـه بسحـري وأسحـر بتهويـل وسحرة لسحري بيسحـر ساحـر أسحـاري وسرة سترتـه بستـري واستـره فـي ليـل وسـر السرايـر وسـره ساتـر أسـراري وسـر السـراب ابفسرهـا ناسـب التعجيـل مسـاه المسـا يمسـي وممسـاة ف أخطـار ومسا مسـاه بخامـس الخمـس تـم الجيـل عكسته وسلـب الأسمـا السوالـب للأفكـار وسبـق بألـف ولام سابـق سبـق وينـيـل سوابـق تسابـق سبـق الأسمـا بمتـواري رسم رسمه الراسـم ورسـم رسمـه بتمثيـل مراسيـل يرسـم رسمهـا برسـم الإشهـار وسألت المسايـل رسايـل سردهـا تسجيـل وسويـت لأهـل الشعـر سـنـه ومـقـدار وسلامـي سـلام المسلـم سـلـم بتبجـيـل ويسلم جميـع اللـي سـأل يسمـع أخبـاري
| |
| |
|
10-01-2011, 03:47 AM
| #6 | |
| تضحك ومن هجرك فوادي مكدر وتداري احزاني بضحكه كذوبه وجدي تفجر في ضميري ودمر احصون صبري وما ليه عنك توبه حاولت نسيانك ولكن تعذر علي نسيانك بنفس امغلوبه ما انته الوحيد اللي بحسنك امصور مثل البدر حسن ودلال وعذوبه لكن قلبي بك لوحدك تاثر وروحي على حبك اراها امغصوبه اورد عليك وبالظما عنك اصدر ظامي وما عندك لودك مثوبه تلعب باحساسي ياليت اتذكر اني بشر واحساس مايلعبوا به صدقت فيه عاذل ساعي ابشر ما حس قلبك ان خلك سعوا به؟ وصديت عني عامد واتعذر ما اتخاف يا ظالم تصيبك عقوبه؟ واللي دهاني منك ما حد يقدر على علاجه منه روحي امعطوبه بي شي بالانفاس يحيا ويكبر ويموت بالانفاس يا ذي عجوبه؟
| |
| |
|
10-01-2011, 03:48 AM
| #7 | |
| إنتِ مثل ما انتِ على كثر ما مَرّْ أغلى البشر ما حَدّ يسواك عندي غلاك ما أخفيه واقولها جَهرْ يا حلمي الأوّل وقَبلي وبَعدي حروف اسمك في فؤادي لها سِرّْ اسمك عن وصف الملاحه يسدّي يا دهن عودٍ إن ترَتَّبْ تبعْثَرْ والأوّل الثالث ترى العود هندي لك فوق حَدّْ العُمْرْ عُمْرٍ ولي عُمْرْ عندك وإنتِ ما بقى العُمْر خَلدي يا صافيه كالبدر يا عَمَّةْ البَدرْ يا نور يا منثور فلٍ ووَردي إذا ظهرتِ ساعةٍ شفتها دَهرْ وطالع الباب أنتظر أن تَردّي كَرّْ الّليالي والّليالي لها كَرّْ ما غيَّرَتني وانتِ أيَّام سَعْدي يا سِيْدَةٍ ع البِيض والحُمْرْ والسُّمْرْ يا شوق ما أحْصِيهْ جَزْرٍ ومَدّي كلّ الّليالي شفتها ليلة القَدْرْ من يوم شفتك يا غرامي ووجدي
| |
| |
|
10-01-2011, 03:50 AM
| #8 | |
| عـليهم صـابر والصبر طول عـسى أنال في صبري شفاعه سـبب خـلٍ عليه القلب يهمل هـميل الـعين ما كف اندفاعه عـليه الـقلب مـن وكره تملل يـشوف الصيد في عالي رفاعه حـسين الـلون باوصافه تكمل تـينع مـثل ورد فـي زراعه عـليه من الدجى كالليل يجهل اذا هــدّت مـياديله اربـاعه وعـينه مثل عين الحر الأكحل وخـد يـاضي الـبارج شعاعه وميهوف الحشا والخصر لأعزل عـلى جـسم تـحليه لـقطاعه عـليه انـوح دام الدوب واسأل وقـلبي م الـعنا زاد الـتياعه وحـبه فـي الحشا باطن تخلل تـسلل فـي شـراييني جماعه غـزاني حـبكم والـحب يقتل وقـلبي في هواه أو في ضياعه احـبك دون كل الناس..وأسال واطيع الامر واصغي لاستماعه الا يـا صـاح من مثلي تغربل غـزاه الـعشق قـوه واندفاعه طـويل الـهم في المهجة ترفل صـدير اورودها فرد أو فياعه
| |
| |
|
10-01-2011, 03:51 AM
| #9 | |
| شوف تأثيرك من الجرح الوثيج احـتباس الدّمّ في وسط العروق وانـحدار الـدّمع كالسّيل الدفيج مـن شوامخ سحبها رعد وبروق فـي قتام الوقت ضيّعت الطّريج مـا ظهر في ليلي المعتم شروق مـوجكم طامي وانا بلجّه غريج فـي بحورٍ موجها غزر العموق مـن بشاكي بك وانا منّك عويج لا ظلم قاضيك ضاعت لي حقوق مـا يـعاتب قلب لمحبّ الشفيج غير من لا ذاق طعم الحب ذوق يـا رفيج الخير قل لي يا رفيج كـن مـعايه دايمٍ صافي صدوق شوفكم يشعل وسط جوفي حريج ومن يطيق النّار واشعال الحروق لو جبال (عسير) حملي ما تطيج أصـبحت بركان مطحونه دقوق تـحيي الأشـواق نفحات الأريج نـابض الذكرى يجدّد لي طروق صـوبكم قـلبي بـدقّاته خـفيج مع هوى النّسمات مشطون خفوق مـن قبض لخطام بالكفّ العويج مـثل من يمّن لامانات السّروق لـو ظـمّيه حـدّها حرّ الوهيج تـوّها ع مـورد الـمسقى دنوق بـسكرات الـموت حيّه ما تفيج لـدّها الـمنهاج لو كانت سبوق حـرّ شـامي ما ينال الاّ الخفيج شاف ربد الصّيد والشّارد عتوق
| |
| |
|
10-01-2011, 03:52 AM
| #10 | |
| أشكي إلى خِلّي المجروح من نفسي جَرَحْت قلبه بغلطه غير مقصوده أقولها لك على الولهان لا تقسي ترفّقي به ترى ما غَيّر اعهوده يا كل عمري ويا بدري ويا شمسي ما اقدر أزعّل أنا لى ترفه اخدوده خِلّين عَ العهد كنّا نصبح ونمسي والناس دايم على الاخلاص محسوده إن كانه الحب راسخ ثابت الغرسي ما تروم غلطه وحيده تنسف اسدوده عندك أماني وحبّي الصادق وحسّي وقلبي يلاقي يا عمري قربك اوجوده | |
| |
|
| Bookmarks |
| Currently Active Users Viewing This Thread: 1 (0 members and 1 guests) | |
| |
