فيها : نطق همس الشعور و حكاني

الشعور , حكاني , فيها , همس , نطق

فيها : نطق همس الشعور و حكاني

[poem=font="simplified arabic,5,black,bold,italic" bkcolor="transparent" bkimage="backgrounds/18.gif" border="inset,4,orangered" type=1 line=0 align=center use=ex num="0,black""]


غيم الوله ، غطّا سما قفر الإحساس=و أمّطر : على فياض الضمير المعاني
سقياهـ نبض ، و نفحة أنسامه أنفاس=و عشبه شرايين ، و غصونه محاني
لا هزّها ، من يمة [ الوجد ] نسناس=فجّر ، ينابيع [ الحنين ] ، و ملاني !
عليك : يا ماخذ عيوني ، من الناس !=في حاضري و اللي مضى من زماني
للصبح شمس ، و للدجى ضيّ نبراس=و أنت [ الأمل ] في دنيتي ، والأماني
أذكرك ، و [ شفاه المواعيد ] يبّاس !=و أضمى وصالك ، لو جفاك إرتواني
على : أمل لقياك في [ مهجر الياس ]=عمت [ البحور ] اللي ، بليا مواني !
صمتي صداه أجراس وأصوات الأجراس=[ تصدع بما تؤمر ] هنا ، في كياني !
أغضّ عنها الطرف ، و أقول لا باس=و أسمع [ صداها ] في زوايا مكاني !
لو للحطب حيله ، على سطوة الفاس =ما شفتني من [ جور الأقدار ] أعاني
بسماتي : أشبه بـإبتسامات الأعراس=يقرا [ رضاها ] فيّ ، مَن لا قراني !
و العبره اللي مرّها الدمع ، عسّاس=قطفت : يانع طلعها ، من .. لساني
دمعة حبر ، طاحت على خد قرطاس=فيها : نطق همس الشعور و حكاني
عطني كفن حبك ، قبل يلفظ أنفاس !=و أنا : عليّ ، أطويه : بين المحاني
[/poem]


راقت لي كثيرآ

أمير الكلمة

وراقت لنا بعد ..

صمتي صداه أجراس وأصوات الأجراس

[ تصدع بما تؤمر ] هنا ، في كيانـي !

أغضّ عنها الطرف ، و أقول لا بـاس

و أسمع [ صداها ] في زوايا مكانـي

تسلم امير ... (:

الله يسلمك قلب شبوة

شكرآ ع المرور والمشاركة