مساجله دارت رحها بيني انا والشاعر القدير فهد بن لعوج الكازمي الخليفي بتاريخ

مساجله , معنى , الخليفي , القدير , الكازمي , انا , بتاريخ , تدني , بن , جارة , ردها , فهد , والشاعر

مساجله دارت رحها بيني انا والشاعر القدير فهد بن لعوج الكازمي الخليفي بتاريخ

اليوم قال الخليفي عزمت برقه وقابس
=من حيث قلبي تولع بحب سيد الغواني
غزال ماحدن شبيهه ولا لحسنه منافس
=ذي شل عقلي بزينه بأعيان سودا رماني
ياشوق قلبي لأرضاً بوزيد فيها ويونس
=وفيها الزناتي خليفه صيته بأرض اليماني
ارضاً غزوها النشامى بيوم جدي تقاعس
=لكن قلبي تنوى من اجل مخلوق عاني
كبرت لله وحده من لحظ بوطرف ناعس
=وقلت بالله لفته وصفك عجز في لساني
بو خد احمر مورد يسحر عيون المجالس
=والقدر مرسوم مره والصدر فيه المجاني
الصدر للعين بارز ماحلاه تحت الملابس
=والخشم حده مسنن تقول خنجر عُماني
والهرج راقي مثقف بأسلوب فني ودارس=
لارد لي او تحدث ينطق باحلى المعاني
يا ليتني اليوم قربه وامسي مناوب وحارس=
يآمر وحكمه منفذ لاهو بعشقه سقاني
با ألقيه في نون عيني واهنى بقربه وآنس=
ليله معه خير عندي تسوى ليالي زماني
ذا فصل اول والاخر مرسول لاعند فارس=
من لابتي خير لابه هم عزوتي هم كناني
ملفاك لاعند شاعر عنده حليله وهاجس=
بوحارث الجيد خابر خاض الهوى بالتفاني
ورش ثوبه وشاله بعود من أرض لاوس=
سلام مخصوص يبلغ شوقي لرده دعاني
يرسل لنا الحل يومه انسان هاوي ممارس=
من قبل ما خوه يهلك بعشق ريم الدماني
بوحارث القلب هاوي لكن حظي معاكس
=وحلان في امر قلبي ماطاع يقنع بلاني
سهران بالليل كله وزادت علينا الوساوس
=لي منعكم هات ردك في يوم والا ثماني
ختمتها لك تحيه من قلب صادق وحاسس
=بالود والجبر باقي عساك في خير هاني
وختامها ذكر طه حارب جيوش الدسايس=
من اجل الاسلام يبلغ لكل قاصي وداني

الرد من ابوحااااارث

ياواسـع الجـود عفـوك لابصـرت بقعـا طلامـس
فــي يــوم مافـيـه صـاحـب ولا مـولـع وضـانـي
مـن علتـه فــي فــؤاده هــذا كـمـا غـصـن يـابـس
لاهـــز نــــود الـمـحـبـه مــابــا يــقــاوم ثــوانــي
وبـعـد ذا بانـرحـب بـأبــن الـرجــال الاشـــاوس
مـازاع صـرف المقلـم مـن ضاربـات المسـانـي
حضرت لاكن حضوري خلفه هجـوس وابالـس
فـــي رد يـحـيـي مـشـاعـر متشـبـثـه بـالامـانــي
حنيـت مـالاح بـرقـه فــي جرهـمـة لـيـل دامــس
وامسـت شخوبـه سخيـه والارض قالـت كفـانـي
يافهد كملي وانا اشكي من حب عا الصدر كابس
لاهــــو تــعــدل مــســـاره ولا تــبـــدل بـثــانــي
خـذنـي مـعـك يامـهـاجـر باسعـفـكـم لاصـفـاقـس
باكـحـل العـيـن فيـهـا حـيــث الـغـيـود الحـسـانـي
كنت احسب اني معذب فـي الحـب مالـي منافـس
لاكنـهـا فــي الحقيـقـه بــه نــاس غـيـري تعـانـي
كمـن مـولـع يقـاسـي فــي حــب عــذرا وعـانـس
تمطـر سحابـة عيونـه مـن رعــد بـيـن الحـوانـي
مابـا تفيـد الامـانـي مــع حــظ مــزري ونـاحـس
ماغيـر ربــي وكيـلـي فــي مــن بـصـده كـوانـي
الـشـرع يافـهـد لـعـوج مافـيـه خـامـس وســادس
لنتـه تبـا البحـر عنـوه عـاد السفـن فــي المـوانـي
مـــاذي وصـفـتـه بـقـولـك فـتــان بـوقــد مـايــس
اللـيـل فـصـل لبـاسـه مـــن جـعــده الارجـوانــي
سهـل ورتـب امـورك واقصـد لصـيـد الفـرايـس
وامــا النصـايـح تطـمـن باوجـهـك مــن مـكـانـي
مـاحـب كـسـر الخـواطـر والغلـفـتـه والتـعـامـس
وان قـد طلبـت الاغاثـه باجيـك راكـب حصانـي
ياراكـب البنـز هـون تـراك فـي السـيـر عـاكـس
خلـك علـى الـدرب لـول وامتـح مسافـات سـانـي
باتلـحـقـه فـــي مـسـيـرك بـبـريـل ولا بـمــارس
وانـــا بـــدرب الـتـعـدد بـاسـيـر لا الله عـطـانــي
ختمتـهـا لــك تحـيـه مــن راس قـاسـي وفـاجـس
ماقـد خظـع فـي حيـاتـه ولا يـجـي فــي الهـوانـي
سعـفـي وعـونـي حليـلـه تـأتـي بجمـلـة هـواجـس
مبـعـد خيـالـي خذلـنـي والـقـاف مـاقـد عـصـانـي