يالله ياوالي على الناس ستار

10-25-2012, 09:54 PM

يالله ياوالي على الناس ستار ** بطلبك ياعالم بخافي السريره

يقول اخو مدرك مكاتيب واسرار ** خلتني اتحمل ليالي عسيره

حطيت للاصحاب عزه ومقدار ** ولا نحب اللي شروعه قصيره

ونحمد الله سرت في كل لقطار ** شافت عيوني بعد ماهي بصيره

جربت في الغربه صداقات لخيار ** وتبينت لي الخافيات المريره

من اولا نضرب بهم روس لصبار ** واليوم قلنا في الصداقات خيره

الوقت قاس والزمن دوب دوار ** واصبر على مر الليالي المريره

من بعد ذا يالمعتني فوق فكس ار ** توه جديد ولا بعد شد سيره

يعجب دريولها في الجو لا سار ** قاصد ديار الجد ياخير ديره

مضواك لا دار بها الربع حضار ** صقور حلوا في جنوب الجزيره

تلقى عيال العم للعز تذكار ** علي وسالم حاميين القطيره

مايعسهم عايب وطماع عبار ** لي فعلهم باين بوقع الذخيره

وبعد سلم لي على الربع لغمار ** مسعد وناصر حاميين العشيره

هم يفرحو بالضيف لا اقبل على الدار ** ويكرمونه في الليالي العسيره

وتلقى محمد بن حمد مكرم الجار ** لي له معزه وسط قلبي كبيره

بو مسفر اللي ما يعول بلخطار ** هو سنح جنبي مانبدل بغيره

مضواك لا دار بها الربع حضار ** صقور حلوا في جنوب الجزيره

واقصد لبو بورائد على ولد لنمار ** من ذري سالم موفيين الشبيره

حرا ولد حر ا له له علوم واخبار ** مايعتذر لا قام بادي قطيره

غنن لهم ياعذب مع كل مصدار ** ياراعيه بالبوش وسط الخضيره

وابلغ سلام عد هشات لمطار ** وعداد ماسالت سيوله غزيره