قصيدة الشاعر الصقر الحر للمرحله الاولى

قصيدة الشاعر الصقر الحر للمرحله الاولى

على الله وبسم الله ابوفارس اتكل =وفي كل شي دايم على الله الاتكال
وسالك تجنبنا من الغو والزلل =وتجعل لنا في جنتك ياصمد حلال
وصلنا على الموعد ولاظن حد وصل =سواء اثنين والباقين شعار في الظلال
مساء الخير يااهل الدار والصرح والمحل = ولاجيت ابا ترحيب في لحظة الوصال
وصلت اخطف البيرق ومضمون انا البطل =ولاعاد حاجه للتنافس وللجدال
وبثبت لكم قولي على الرجز والزجل =ولقول نثبتها لكم ساعة النزال
وذلحين يا الهاجوس حيى على العمل = ولب النداء في ساع لاقلت لك تعال
وخرج قوافي لول من شافها انذهل = قوافي جزيلة نص لاتقرب الهزال
وترجم شعور الحزن اوخيبة الامل = على حال وادينا قفا الثار والقتال
حريب الشرف غبنه على الشيخ ذي رتحل =دويح التقى والدين من خيرة الرجال
ورحمة عظامه قال كلمه ولاتزل = حقيقه نعايشها وقد قالها انذهال
وريتك ترى بالعين ياشيخ وش حصل = حريبي يهرب ذاك ذي قلت بالشوال
قفا ما الحريبي كان يضرب به المثل =تحول شبابه للمصايب وللعطال
وحوثي وتفجيري لهم بيننا محل =وغرو شباب اليوم يا الشيخ بالريال
وبعض المشايخ يدعمو العيب والخمل =فلعنه على الداعم مدى الدهر لاتزال
وعادة قضايا الثار ذي مات واندمل =قبايل منحي السوق في قتل واغتيال
دماء ابريا والجيد والشيخ من قتل =ومن هاب جرم القتل في عقله اختلال
تحزب وحزبيات في السهل والجبل =واحقاد بين الناس ذي تطحن الجبال
ولوبوصف الاحوال ماتوفي الجمل =ولا بوصف الاحوال ياالشيخ في مقال
وصلو على المختار ماماطره همل = وثوّر على لشعاب من ماطره وسال

صح لسان الشاعر الصقر الحر

قصيده جزله ومستكملة الشروط يجاز وينتقل الى المرحله الثانيه

الصقر الحر قصيدتك جزلة وموضوعها قيم ورحم الله علامة حريب الشيخ عبدالله دويح
فحريب اليوم تعاني خلل كبير في علاقاتها الاجتماعية ونسأل الله العافية
القصيدة جميلة الا انها تفتقد للتصوير البلاغي من مجاز ومتطابقات وكناية مما يكسب القصيدة قوة ويضفي عليها جمال وتألق
نجيز القصيدة وينتقل الشاعر معنا الى المرحلة الثانية


المسلماني

يكفيه مناجاة شيخنا الجليل رحمه الله . ينتقل معنا للمرحله الثانيه