قصيده غزليه بدويه روعه

01-10-2013, 02:29 AM

حبيبي هذه صفاته
ابوسامي رماني جادل اعصم
رشيق اهيف رمى قلبي وصابه
رماني صابني زاكي مرقم
وسافر والكبد عنده مصابه
تكلم قل لنا كم قيمتك كم
وقل لااهلك مطالبهم مجابه
ولا بد اخذك والناس تعلم
طمع والا شراء والا سلابه
سئلته قلت له من وين يااحوم
اجب ياغصن مبروم الكعابه
صمت لحضه وفكر قبل ينهم
بنغمه كنها نغمة ربابه
وقال احنا سوا عاشق ومغرم
درسنا الحب واعضاء في نقابه
فقلت اسمك في ابواكي مرقم
رباعي الحروف اعمل حسابه
كتبت اسمك وعادك ذي تعلم
في ابواك القرايه والكتابه
وقال انته كتبت اسمي على الوم
اوصادفته صدف والا ايش جابه
مكانك ذي تخيل لك وتحلم
وانا تحت الحراسه والرقابه
رشاء اخفى عني الخد الموشم
ولااخفاه الذهب ذي فوق نابه
حبيبي شرقي القامه محضرم
وغربي في غيابه واغترابه
شمالي لاضحك والا تبسم
جنوبي عندما تسمع جوابه
رداعي لا لبس واقبل محزم
وصنعاني متى غير ثيابه
ملاحي عندما يقبل ملثم
وحجاجي متى نظم خضابه
رياشي فاالدلع والطعم والشم
وعرشي عندما يكتب كتابه
زيادي لانطق والا تكلم
وعباسي قصي في كل اصابه
ريامي لانطقت اسمه ترنم
وقال انه من احفاد الصحابه
حبيبي قيري في خفت الدم
وفي صيغة سؤاله والاجابه
وسلالي حقيقي لاتنظم
من احسن ناس حلو فاالخرابه
حسيني انتسب للخال والعم
ومنصوري متى عد القرابه
عيونه وهبيه يرمي بها السهم
وخصره مجنحي فااحسن شبابه
عواضي المقل سوادي الفم
وهياشي من الصعب اقترابه
سلامه ملجمي لاجاء وسلم
وجوفي لاقد احد دق بابه
سعيدي لابدع قوله وختم
وضبياني بعشقه والصبابه
خدوده عامريه لاتقدم
يخذ غزلان بكلى لاحسابه
مرادي فاالكرم لاحب يكرم
وسرحاني وخلق الله تهابه
رعى عيقان وامسى راس هروم
وثاني يوم حلى في حبابه
سكن بين المباني والمخيم
وشكل له من اصحابه عصابه
اذا المسلم كفر والكافر اسلم
فخلي حل عن وجهه حجابه
لو اكباد الضبى ترثا وترحم
رثيت لااهل الاكباد المصابه
لنا فاالحب عالم وانت عالم
ولي فاالعشق غابه وانت غابه
وصلوا كل ماصلى وسلم
على طه واله والصحابه