آنا الصــديق

أنا , الصــديق

آنا الصــديق

اأنا الصديق اللـي لياطحـت شالـك
لضامتك دنياك والوقت بـك مـال
أنـا يمينـك شدنـي فـي شمـالـك
يمنى بلا يسرى ترى حالهـا حـال
انـا عـزاك وعزوتـك لا جرالـك
من تاعس الدنيا هواجيس واهـوال
ماني من اللي لاغتنـى مـا وفالـك
لو لك عليه من الجمايل والأفضـال
وماني صديقك كان وقتـك صفالـك
أنا صديقك لأدبرت فيـك الاحـوال
خذني عصى موسى إذا كنت هالـك
لمسحلك بحور القهر قول وافعـال
فالك عسى الله يسعـد اليـوم فالـك
فالك عقب صوم الدهر عيد شـوال
وبالك يجي في خاطرك يـوم بالـك
انك تغيـب ولاتجيلـي علـى بـال
لا .. لا تفكر انت فـي مثـل ذلـك
إني اتخلى عنك لـو الزمـن طـال
ما اقول انـا ياعـم مالـي ومالـك
ماترخص العشره ولا تغني امـوال
اسمع جوابي قبل ما اسمـع سؤالـك
خارج حدود التغطيه وارسل ارسال
على محيـط السالفـه حـط دالـك
أجيك رجلي كان ما جيـت خيـال
انـا لياشـح الزمـن فـي وصالـك
تمدني النخوه على وصلـك حبـال
انـا عمـى عيـن العـدو لا نوالـك
انول روحه قبل ما روحـك تنـال
بينك وبين الشمس شجـرة ضلالـك
ماللشجر قيمـه إذا مالـه ضـلال
والليـل لـو الليـل مظلـم وحالـك
ترسمني الظلمى على صدره هـلال
ماني ولد عمـك ولا اغلـى عيالـك
خطوى الخوي يسوى بني عم وعيال

الله الله الله

الصراحه قصيده وافيه في الصديق الحقيقي

ماني من اللي لاغتنـى مـا وفالـك
لو لك عليه من الجمايل والأفضـال
وماني صديقك كان وقتـك صفالـك
أنا صديقك لأدبرت فيـك الاحـوال


سلمت عجبتني حيل

الله يسلمك گلگ ذووووووووووق