قصيده واحد حضر عرس حبيبته وجاب العييييد

العييييد , حبيبته , حضر , عرش , نادي , نجاة , قصيده

قصيده واحد حضر عرس حبيبته وجاب العييييد

شوفو هذا الشاعر جا وحضر زواج حبيبته وجاب العيد
طبعا هو يخاطب بهذي القصيدة زوج حبيبته شوفو وش قال :



أبد .. ما جيت ابارك ولكن جيـت باوصّيـك
على اللي ناوي ٍ تدخل بهـا الليلـه .. مُعذّبْتـي


ترى لولا الظروف اللي عطتْك وحدّت محاكيك
قسم بالله ما تدخل عليهـا لـو علـى رْقبْتـي


ولكنّ النصيب اقوى ولا ادري ويش اسوّي فيك
نعم .. صارت معزّبتك .. ولا صارت معزّبْتي


كذا شاءت بنا الأقدار تحرمني لجـل تعطيـك
كذا لازم عشان تفوز إنت .. أخسر بتجربْتـي


تراها غاليه جـداً .. وتكفـى .. والله يخليـك
تـدللها .. تدلعهـا .. تنسّيـهـا مصاحبْـتـي


أنا من كثر ما اغليها أحس اني بديـت اغليـك
ولا تسـأل بأيّـة حـق ولا ّ وش مناسبْـتـي


لإنك لو بتسألني بتسمع شـيء مـا يرضيـك
لذا ياخـوي لا تسـأل ولا تسمـع لأجوبْتـي


أبيك تحطها في داخل عيونـك وبيـن ايديـك
وهي دلوعه اعتـادت علـى كثـرة مداعبْتـي


فداعبها شوي شـوي حتـى تشتهـي طاريـك
وشاغبها إلين تقـول لـك: بطّـل مشاغبْتـي


واذا هي مالها خلقك..ولا تضحك ولا تسلّيـك
تحمّلها وإسألهـا: يـا عمـري ليـه عصّبْتـي


وبالك اسمع انّك يوم تضربها وهـي تشكيـك
ما يحتاج اورّي لك بفـن الضـرب موهبْتـي


صحيح انك بتملكها ومعـك الصـك بالتمليـك
وانا عارف حدود الله ومـن حقـك معاقبْتـي


ولكن قلّها المجنـون وصّانـي وهـو يعنيـك
يقول انّـه بينتظـرك ولـو شيّـب وشيّبْتـي


وانا مجنونها اللي ما نساها وانت مـا يمديـك
تغطّي ذكرياتي في هواها.. وربْـع تجربْتـي


أحس اني تماديت بكلامي.. والغضب حاديـك
ولو انّك في مكاني ما تفكّـر فـي محاسبْتـي


كفاك اني تركت الليله اشغالي عشـان اجيـك
دخلت القاعه برجلي ولا ادري ويش عاقبْتـي


وانا ما جيت اخرّب عرسك الليلـه ولا أذّيـك
أنا جيتك عشان اخاطبـك واسمـع مخاطبْتـي


توصّى..وانتبه..واحرص عليهـا والله يهنّيـك
ترى كل الكلام اللي طلَع من ضيقـيَ وكبْتـي


ولكن ما قدرت انّي أقوله وانـت مـا يخفيـك
أخاف انّـي إذا قلتـه تقـوم وتقطـع رْقبْتـي





أعجبتني ونقلتها لكم
اتمنى تعجبكم

وانا ما جيت اخرّب عرسك الليلـه ولا أذّيـك
أنا جيتك عشان اخاطبـك واسمـع مخاطبْتـي


لامسيكين ماجاء يخرب بس خربها حيل وش عاد بقاء مكشوف الجلال لوهو احمر عين مارحت لغيره ولاكن الضاهر انه دلي وراحت عليه

ومشكور اخي كثير الاسفار ياخطير وين تغزي خلنا نغزي معك هههههههههه

كفاك اني تركت الليله اشغالي عشـان اجيـك
دخلت القاعه برجلي ولا ادري ويش عاقبْتـي
مشكوووووور والله يعطيك الف عافيه

امير يعافيك ربي


لامسيكين ماجاء يخرب بس خربها حيل وش عاد بقاء مكشوف الجلال لوهو احمر عين مارحت لغيره ولاكن الضاهر انه دلي وراحت عليه

ومشكور اخي كثير الاسفار ياخطير وين تغزي خلنا نغزي معك هههههههههه

لاشكر على واجب وهذا قليل مما عند الاساتذه وانت طبعا ابو الاساتذه
قال خطير والله الا مسيكين هههههههههههههههههه

منوى الله يعافيك

كفاك اني تركت الليله اشغالي عشـان اجيـك
دخلت القاعه برجلي ولا ادري ويش عاقبْتـي
مشكوووووور والله يعطيك الف عافيه


انا الذي اشكرك على مرورك الكريم

هوبرى منها لاعاديوصي راحت علية افتلك لك في واحدة ثانية هذة طارت

هوبرى منها لاعاديوصي راحت علية افتلك لك في واحدة ثانية هذة طارت

بارق يعافيك ربي

تاتي الرياح بما لاتشتهي السفن
بس الرجال يبغا يوصيه وينصحه
ههههههههههههههههههههههههههههه
اما يفتلك في غيرها ما ظنيت الرجال
على الببلاطه