جواب الشاعر الكبير يحيى المقرحي على ابوريان احرف الهجاء القصيده الغزليه

المقرحي , الشاعر , الغزليه , الهيال , القصيده , الكبير , ابوريان , احرف , جديد , جواب , على

جواب الشاعر الكبير يحيى المقرحي على ابوريان احرف الهجاء القصيده الغزليه

في البدايه هذه ابيات البدع من اخوكم المهاجر الذي

اراد ان يخرج المكنون الغزلي للشاعر الكبير يحيى محسن المقرحي

ويليه الجواب من الشاعر يحيى محسن المقرحي



ياالمقرحي ياأعز منا عرفته %% ياخير من ينسب ليا جات لنساب

أزكى سلامي والتحايا هديته%% ماسبل الجاهم على رؤس لشعاب

(الالف) الفت القصيد ونظمته%% قصه من ألماضي لها 1000 وكتاب

ريم ألبوادي يابن محسن هويته %% ايام ماكنا في البدو حُطاب

وأليوم لاشفته ولاعاد ريته %% من يوم فارقني وانا اعيش لتعاب

( والباء) بجود الله وربي رجيته %% يكتب لنا الُقيأ بعد طول لغياب

(والتاء) تحملت العنأ ماشكيته %% وألحب له قانون صارم وغلاب

(والثاء) ثلتعشر سنه ما لفيته%% سابح على دربه وأنا في ألتغراب

(والجاء) جماله ذاع فنه وصيته %% معدوم في وصفه ولانا بكذاب

(وألحاء) حنيني آه حبي نسيته %% والدمع من عقبك على الخد سكاب

(والخاء) خياله في ضميري بنيته %% وأصبح ملازمني وباالنوم ماغاب

(والدال) دلوني دروبه وبيته %% وغامرت في رحله ليا دأر لحباب

الله حسيبك ليش هجرك نويته %%وجأزيتني باألصد من دون لسباب

(والذال ) ذليت المحب مارقيته %%وأرخصت حبه يوم وقف على الباب

(والراء) رعاك الله حبك رعيته %% ولا زلت ساحرني وللعقل نهاب

(والزاي) زرته لا مكانه وجيته %% وقام يكثر باأبتهاجه وترحاب

(والسين) سهمك لا قليبي رميته%% وأصبحت انا المجروح وأصبحت منصاب

(والشين) شرعك في الهواء ماوفيته%% ماهي عوايدكم بتهميش لصحاب

(والصاد) صابر وألفراق أرتضيته %% وأشفيت فيني كل واشي وذناب

(والضاء) ضميت الحب ذي نا سقيته%% بدموع عيني بين لحظات وعتاب

(والطاء) طلبتك ياأريش العين وأنته %%باألجود تلبي كل من جاك طلاب

أرفق بحبٍ بين لاحشاء زرعته %% من قبل لايقرو علي وسط محرأب

(والعاء) عيونك باالنظر ماقويته %% ترسل سهومك مثل زينات لسلاب

(والغاء) غرامك من وجودك جنيته%% محروم من قربك وغيري بكم طاب

(والفاء) فراقك يأالغضي ماهقيته %% والقلب مدمي من فراقك ومنذاب

(والقاف) قلبي باالغرام ابتليته %% وأنا على الفطره من يوم لنجاب

واليوم هاوي والهواء قد نصيته %% واصبحت شاجع في المحبه ولاهاب

وياليت ماخضته ولانا دنيته %% له عنف,, له قوه كما حرب لارهاب

(والكاف) كلمني وحزني طويته%% وأرتاح بالي عقب ماكان مرتاب

(والام) لاموني بدربٍ مشيته %% والحد محمي باالحراسه ولشناب

قلت الهواء والقلب مهما نهيته%% يمضي على كيفه وله درب غصاب

(والميم) مد الكف يمي فديته%% أيضاً وعاهدني باآيات لكتاب

اِنه على وعده وعهدي عطيته %% اني معه باالحب لايوم لحساب

(والنون) نادم والندم قد قريته %% مرسوم بااعيانه على اطراف لهدأب

(والواو) وأدعني وليلي سريته %% والروح والخاطر يهلي بالاعجاب

(والهاء) هويته باألمحبه شريته %% وأرخصت من شأنه قريبي ولجناب

(والياء) يمين الله مثني ثنتيته %% ما أنساك لو قدني على لحد وتراب



كلمات الشاعر يحيى محسن
المقرحي جواب على زعيم
منتديات حريب بيحان ابو ريان
بالحروف الابجديه

الالف الف كل مانا احتويته @
سويت للمنشور تعليق واعجاب@

والباء بابو ريان ياحي صيته@
رحبت به ذا الليل واكثرت رحاب@

والتاء تحديت الزمان وقضيته @
مع كحيل العين مصفوف لهداب@

والثاء ثلاث سنين معاد جيته@
الله بلاني بالسفر والتغراب@

والجيم جدد عهد لي مانسيته @
اللي فراقه قطب الكبد قطاب@

والبارحه نومي سرا ما هنيته@
يا مابحالي يوم شفت القمر غاب@

والحاء حرام الجري ذينا جريته@
جريت في غابات من دونها ذياب@

والخاء خرج يوم الخميس ولقيته@
حب الشرف ما يغلبه كل غلاب@

والدال داو القلب ياذي كويته@
تكفون يا ابو طرف ناعس وجذاب@

والذال ذقت المر ذي ما بغيته@
من يدك اِتناولت كاسات واكواب@

والراء رنين الهاتف اللي شريته@
مخصص النغمات للشخص ذي حاب @

والزاي زلزلت الحشاء وابتليته@
ولا قنع ذا القلب منك ولا تاب @

والسين سامر فوق عالي رقيته@
لما بدت لشراق والضاوي لي طاب@

والشين شامخ مرتفع ما تليته@
وانا الذي عديت في كل مرقاب@

والصاد صاحب قدسه ما عصيته@
وهكذا بهذل حياتي ونا شاب@

والضاد ضوء البدر يوم احتريته@
باهي ولا غطى على النوره سحاب@

والطاء طلوع الطايرة ما نويته@
بس السفر غصاب والوعد غصاب@

والظاء ظهر سري ونا قد خفيته@
ماحد يقع يصبر على بعض لصواب@

والعين عادي من جفاني جفيته@
والكبرياء ما حبها والتقلاب@

والغين غاية والكلوزر حديته@
مريت به في العصر وديان وهضاب@

والفاء فنا باشرب كرع من قليته@
ومدرجاته كلها نهار وعشاب@

والقاف قد غير مكانه وبيته@
عبر المكاتب يحجز ذهاب واياب@

والكاف كي نبدا بما انته بديته@
ولجيب لك سبعين شاعر وكتاب@

واللام لك مني سلامي هديته@
وترافقه مني بلاغات واداب@

والميم من مكتوب جاني قريته@
من عند ابو ريان جاء عبر وتساب@

والنون نفسي تعشقه ما شنيته@
رغم الشواني ذي تحسَد وتغتاب@

والواو وافقنا ملفي طويته@
أالفت علينا عاده حساب وعقاب@

والهاء هلا بالهاجس اللي دعيته@
بل والقوافي عاد فيها تنداب @

والياء يؤكد كل مانا قريته@
لاعند ابو ريان بانرفع خطاب @

وتحياتي

صح الله لسانك ولسان الشاعر المقرحي

ولا تحرمنا من جديدكما

لك تحياتي

إقتباس من مشاركة زعيم قديم

صح الله لسانك ولسان الشاعر المقرحي

ولا تحرمنا من جديدكما

لك تحياتي

وصح بدنك اخي زعيم قديم

شاكر مرورك ياغالي