بالحب يستقبلون الناس الصيام....وإحنابسفك الدماء نستقبله

الجمال , الصيام....وإحنابسفك , الناس , بالحب , يستقبلون , نستقبله

بالحب يستقبلون الناس الصيام....وإحنابسفك الدماء نستقبله

بالحب يستقبلو الناس الصيـام=واحنا بسفـك الدمـا نستقبلـه
بالحب يستقبلو الناس الصيـام=واحنا غضب ربنـا نستعجلـه
بالحب يستقبلو الناس الصيـام=واحنا قلبنا المشاعـر مهزلـه
بالحب يستقبلو الناس الصيـام=واحنـا لثاراتـنـا نستعمـلـه
شهرالتسامـح قلبنـاه انتقـام=وقتل وايقـاض فتنـه مهملـه
كم عين من حزنها عيت تنـام=عيون يتمـى وثكـلا وارملـه
ارخصتو النفس يااخواني حـرام=ذا ذنب ياويـل مـن يستسهلـه
يااهل اليمن يااهل حكمه واحتكام=لا تحسبو القتل رمـز المرجلـه
ماعاد شي قبيله ونعـم حـرام=الا بقـايـا بقـايـا قبـيـلـه
ماعاد شي قبيلـه راح الكـلام=مابـاقـي الا قـبـايـل زغلله
هذا سبايب مشايخنـا العظـام=يقتل وينهـب ولا حـد يسألـه
كم استغلوك ياضعـف النظـام=وش بايرجع صميـل الديولـه
نسلى بلا البندقـه قولـو تمـام=واهل الجعب لي تجينـا مثقلـه
يعني الخطر حولنـا دايـم دوام=خطر ولا ظـن واحـد يجهلـه
اقرب مثل لا القبيلي في زحـام=اقـل شـي باتدقـك جرمـلـه
واوبه تعاطس ولو شي بك زكام=شف عطستك باتجيب الزلزلـه
بايهتـري والقبيلـي مـايـلام=اذا اهترى لي عراضـه يقتلـه
ذه عشره اعوام فوق الفين عام=يعني التقدم في احسن مرحلـه
واحنا الى الان نقبع في الظـلام=ظـلام لحقـاد يااهـل المعقلـه
القبيله مش عصابه فـي خيـام=تقتل وتنهـب وتحـدث قلقلـه
القبيله جـود طيبـه واحتـرام=وفـاء واخـلاق هـذه القبيلـه
صلو على من داعانـا للسـلام=بسنتـه او بمصحـف رتـلـه
عليـك صليـت ياسيـد الانـام=ماهل مزن السحـاب المرسلـه

صح الله لسانك
كلام جميل وموزون وفي مكانه
أما القبيله فعلى الدنيا السلام

على الحبيب المصطفى صلوات الله وسلامه عليه


صح لسان الشاعر وسلمت على النقل

كلام جميل ورائع يمقت القبيلة الحديثة
صح لسانك ...

اب اب اب صح لسانك من شاعر

اللهم. صل. على محمد.

صح لسانك