 |
 |
| |
آخر 10 مشاركات
|
 الإهداءات | |
| ||||||
 |
| | LinkBack | خيارات الموضوع |
07-12-2013, 11:06 AM
| #1 | |
 |  حذراك من بعض المخاليق حذراك من زمرة الطاغوت حذراك حذراك لا تبتلي بجروح يصعب دواها وإلى مشيت اعرف دروبك وممشاك احرص على نفسك وخالف هواها أمّارةٍ بالسوء ما هي بتنهاك اقبض عليها لين يجلى صداها اقطع نواياها بدينك وتقواك هلّل وعند الله سريعٍ شفاها والعين لا تنظر بها من تعدّاك المحصنه لو تلتفت لك وراها اصبر على همّك وغمّك وبلواك عف وتعفف لا يغرّك حلاها واترك حرام القوت ما هو بيملاك كل البطون الجايعه ما ملاها رشفة حلال اتسد جوعك ومضماك تسوى مشاريب الحرام وغثاها النار في جوفك وتصلى حناياك نار الجحيم تزيد للي وطاها واحفظ لسانك لا يجرك ويبلاك اخذ الثمينه لو غلى مشتراها الهرج ميزانك ويكشف خفاياك كلمة تعيبك لا تبيّن نباها صون الكلام وصون نفسك ومبداك للنفس حشمة لا تفصّم عراها اصمت مدامك عارفٍ سير مجراك لا تنقل النّمة وتبحث خفاها يزول قدرك عند أقرب دناياك لو هو ولدعمّك حياتك جفاها واحلم تراه الحلم يرفع مزاياك هو سيّد الأخلاق هومبتداها وصّى به المبعوث ما هو بيخفاك شفعينا يوم الملاقاة طه خل الجهل لاتجعل الغيظ ياطاك ترى الجهل سم القلوب وعماها وإلى ابتليت ارفع إلى الله شكواك لا بدّها الأيام تكشف غطاها اصبر يزين الحظ ويزين مرماك الله يفرجهاويدفع بلاها لا تمنع المحروم لا من تنصّاك الناس لأجل الناس وأحسن عطاها ابذل لوجه الله والله يجزاك مثل الغروس اتطيب للي سقاها لا ضاع معروفك ولا ضاع حسناك إن كانها لله تلقى جزاها جارك ولو هو جار تسقيه من ماك عليه لا ترفع يدينك عصاها أحسن جوار الجار لو كان يشناك ترى العرب تحشم كلاب اقصراها بكره يشد ويكتب الله فرقاك عساه يذكر جيرتك مانساها الظلم شين ويجعل النار مثواك راع الظليمه عيشته ما هناها فوقك إله العرش عالم نواياك ينظر قلوب الناس وش محتواها يسمع بما تجهر وعارف خفاياك بأمره شروق الشمس ترسل ضياها هو عالمٍ غيبك وركّب خلاياك هو خالق ٍفيك العروق ورواها والضيف له حقٍ إلى حل بحماك قلّط ضيوف الله وأكرم لحاها لا تحقر الضيفان واتشح بغذاك من ما عطاك الله قلّط عشاها وعليك باللي حزة الضيق يفداك لا شانت الدنيا ودارت رحاها لا من زهمته لو على الموت لبّاك عيني لجل عينك وروحي فداها ترى الخوي نبراس روحك وملْجاك لا كلّحت بقعا وزادت غثاها حذراك من بعض المخاليق حذراك بعض العرب ما تفرقه من نساها تايه وضايع بين ذولا .. وذولاك فيه الجهالة واصلٍ منتهاها
p`vh; lk fuq hglohgdr | |
 |
|
07-12-2013, 01:12 PM
| #2 | |
| رد : حذراك من بعض المخاليق حذراك أحسن جوار الجار لو كان يشناك ترى العرب تحشم كلاب اقصراها الله الله صح لسسسانة كلمات تحمل بين طياتها الكثثير من الحكممه معتز بديني تسسلم يمينك ويسسلم اختيارك الموفق تحـيــــــــــــــاتي
| |
| |
|
07-12-2013, 01:19 PM
| #3 | |
| رد : حذراك من بعض المخاليق حذراك وعليك باللي ساعة الضيق يفداك لاشانت الدنيا ودارت رحاها صح لسانك ولسان الشاعر اهنيك انتقاىك الراىع قصيده جمعت الكثير من الحكم والنصاىح لك ودي واحترامي وكل عام وانت بخير
| |
| |
|
07-12-2013, 01:34 PM
| #4 | ||
| رد : حذراك من بعض المخاليق حذراك إقتباس:
كل عام وأنت بخير وفي خير وساعي إلى خير.....
| ||
| |
|
07-12-2013, 01:46 PM
| #5 | ||
| رد : حذراك من بعض المخاليق حذراك إقتباس:
لاهنت مرور جميل من شخص طيب ...لك مني أجمل تحيه ....تحمل بين جوانحها ...خالص الودوالتقديروالوفاء....وعهدالمحبه في الله والإحترام والإخاء....مني لسموك الكريم
| ||
| |
|
| Bookmarks |
| الكلمات الدلالية (Tags) |
| من , المخاليق , بعض , حذراك |
| Currently Active Users Viewing This Thread: 1 (0 members and 1 guests) | |
| خيارات الموضوع | |
| |
