حمير الحداد يرثي خاله محمد سعيد منيف

07-21-2013, 12:50 AM

أحمد , منيف , الدجاج , حمير , حاله , يربح , سعيد

قصيده رثاء من الأخ حمير ناجي عبدالله الحداد بعد موته خاله الشيخ محمد سعيد منيف....
كم عين ذي تدمع وكم قلب مفطور
كم نفس تكويها من افرانها النار
واكباد تتقطع ووجدان محرور
واحساس ينزف دم وافكارتحتار
معذور لونومي من العين مهجور
معذور دمع العين لوهل مدرار
معذورلوقلت انطفاءفجئه النور
واتحولت كل ابتساماتي اكدار
لوقلت شفت الكون ظيق ومحصور
اوقلت ثارت به براكين واعصار
لوقلت جرحي مايداويه دكتور
معذور لو جسمي من الحزن ينهار
معذور انا لاشك معذور معذور
مأساة قلبي حدها فوق الاعذار
حزني كبير الشاهد الله ومفدور
ياكبر فدري شافته كل الانظار
حزني على شامخ منيف ومعصور
ذراه ماتلحق مراميه الابصار
نهر الوفاءوالجود والخيرموفور
جزل العطاءللخيرساعي وامار
كف النداء سم العداءصلب صمرور
حامي حماء طب وعما ناروامطار
مخلوق غيض وفيض بالطيب مشهور
له في قلوب الناس منصوب تذكار
حزني على خالي حقيقي ومنظور
سبب كوارث داخل القلب واضرار
غبني على الشيخ البطل مات مغدور
الله واكبر ياتصاريف الاقدار
مرحوم يامن صار في الطين مقبور
في ذمه الله مسكنك بين الابرار
تستقبلك في داخل الجنه الحور
فوقك ضلال وتحتك انهار وانهار