ياليتني من دبي ولا من العين ....... وابوي جمعه ومسميني خليفه .. قصيدة سعودي

.. , ....... , من , العين , خليفه , جمعه , ياليتني , دبي , سعودي , ولا , ومسميني , وابني , قصيدة

ياليتني من دبي ولا من العين ....... وابوي جمعه ومسميني خليفه .. قصيدة سعودي

ياليتني من دبي ولا من العين ...
وابوي جمعه ومسميني خليفه ..

ماشفتني ياسعود ميت من الدين ..
لاحافز يجيني ولا لي وظيفه ..

ماشفت من داري الا كل شين ..
خيرنا واجد وحالتنا كسيفه ..

من الفقر نتسوق من بو ريالين ..
والبطن ادمن على فول ورغيفه ..

ومن الفقر ماعاد جبنا وراعين ..
مالهم مستقبل وحياتن مخيفه ..

مافي وظايف ولابه راتبن زين ..
وعقولنا من همنا صارت خفيفه ..

حتى حفايظ وحليب البزارين ..
رفعها التاجر علينا بكيفه ..

وعيوننا تناظر يسار ويمين ..
نشوف خليجنا احوالهم مريفه ..

كل يوم زياده وعلاوه وتامين ..
وعيشن رغد وقصورن منيفه ..

والله لوحنا حمير وبعارين ..
يمكن عشنا عيشه شريفه ..

يادار ماهو حقن عليك تجازين ..
عيالك اللي نيتهم لك عفيفه ..

نحمي ترابك من جميع المعادين ..
من دونك الموت لوعافنا مانعيفه ..

وان كان يادار للعلم توحين ..
ترى صرنا لغيرنا نكته سخيفه .

الله يحفظ حكام واهل الامارات من العين هههه ...


نقول صح لسانه ذا السعودي .. والله يصلح الحال في كل مكان .. عالاقل هم احسن من غيرهم

صح لسان الشاعر وتسم يدك على النقل

والله لوحنا حمير وبعارين ..
يمكن عشنا عيشه شريفه ..


اشهد انه صادق وصح الله لسانه
تسلم اخوي جيتري على النقل

قول. الحمدلله. اانك. سعودي

غيرك. يتمنا. انه. سعودي.

يعطيك. العافيه. ع نقل

القدير
{الجيتري الهلالي}
صحت يدك على النقل اللميز

صـــــــــــــح لســـــــــــــــــــان الشاعر
وسلمت يد الناقل