ياداعج العينين وش فيك صديت

العينين , يادعاج , سيدة , فيك , وش

ياداعج العينين وش فيك صديت

بسم الله الرحمن الرحيم

(( لقدار حدتني وناماتعنيت ))


ياالله يامن فوق عرشك تعليت – واحد احد ماغيرك اللي دعيته
ياحي ياقيـوم ياحـامي البيـت – وكـل مسلـم يلتجـي لك حميــته
الحمد لك والشكر في ماانته اعطيت –انت الكريم ولرتضي ما عطيته
انا سالك اغفرلي ذنوبي فلا اخطيت – واللطف بنا يامن بحالي شكيته
واستر عيوبي حي واستر علي ميت – ماغيرك اترجاه ولا ارتجيته
ابورامي البارح من القلب ونيت – ونت مفارق من حبيبه وبيته
ونه تشق العظم من صدري القيت – يسمع صداها كل مبعد عنيته
لي لاذكرته فز قلبي وفزيت – عايش معي في داخلي ما نسيته
لاواعذابي كم من البعد عانيت – وحلقي انحرم من كل حالي اشتهيته
عامين ما ليله بزادي تهنيت – والعين تشكي نومها وين سيته
ياداعج العينين وش فيك صديت – الصد منك ياالغلا ماهقيته
هوذا زعل ولاعلينا تغليت – قلي ترا الدنياء قليله وفيته
ماتدري انك داخل القلب حليت – ارجاك لاتهدم علي مابنيته
ماكان بيدي عادني مااستقريت – غصبأ علي وذنب غيري جنيته
لقدار حدتني ونا ماتعنيت – والغيب عند اللي خلق ما قريته
لما سمعت الصوت نادا ولبيت – واجب سمعت الصوت نادا وجيته
ماعاد هميت العواقب وسريت – والراس في درب المخاطر حديته
ابحث على درب الرجاله وعديت – وكل عالي في طريقي اعتليته
والله ماعمري على حد تعديت – لاكن بلاني من غوي وابتليته
لي غير احوالي ومنه تئذيت – جرحي عميق وعادني ماشفيته
كم ليل فيه اسعا وكم ليل عسيت – وكم ليل في خط المنايا احتريته
وكم ليل في خافه على الباب دقيت – وكم ليل عيني له على باب بيته
وكم يوم واقف منتضر واستعديت – والصدر باين في العراء ماحميته
وان كان حدتني ضروفي ورديت – لابد من ساعه تجي واتليته
وصلاة ربي كل مااصبحت وامسيت – على النبي ياسعد من زار بيته

تحياتي-- محمد الشريف

صح لساااانك

ابيات فيها الكثير من احساس المفارق

وحكم القدر ع شي مو بااليد


تسلم ع طرح ابيات ونزف مشاعر

تترجم مايخبي خلف ستار كل مشتاق

الله الله الله ابيات رووووعه
صح لسااااااااانك ي بوحسين
وربي اني تمتعت بقرائتها
ومن جمالها ارجع واقرائها
مره ثانيه بالله لعاد تبخل
علينا اتحفنا بما تستطيع
تقديمه فكل قصائدك
جميله ورائعه

الله يعطيك العافيه

تحياتي لك

إقتباس من مشاركة اليمامه

صح لساااانك

ابيات فيها الكثير من احساس المفارق

وحكم القدر ع شي مو بااليد


تسلم ع طرح ابيات ونزف مشاعر

تترجم مايخبي خلف ستار كل مشتاق

صح الله بندك اختي اليمامه
ومشكوره على مرورك العذب
ولك مني اجمل تحيه وتقدير

إقتباس من مشاركة بحر الاخلاق

الله الله الله ابيات رووووعه
صح لسااااااااانك ي بوحسين
وربي اني تمتعت بقرائتها
ومن جمالها ارجع واقرائها
مره ثانيه بالله لعاد تبخل
علينا اتحفنا بما تستطيع
تقديمه فكل قصائدك
جميله ورائعه

الله يعطيك العافيه

تحياتي لك

الروعه مرورك اخوي بحر الاخلاق
وصح الله بدنك
ولك مني كل التقدير

صح الله لسانك شاعرنا المميز على هذه القصيده المميزه
كبيره من كبير

صراحه انك شوقتني بشووووقك وحلاوة منطوقك

فالك الابداااااع والتألق

تقبل ودي وتقديري

صح الله لسانك والله ابيات حساسه وحلوه لاعدمناك

صح الله لسانك واعلى شانك اخي العزيز ابو حسين

إقتباس من مشاركة أمير الشعراء

صح الله لسانك شاعرنا المميز على هذه القصيده المميزه
كبيره من كبير

صراحه انك شوقتني بشووووقك وحلاوة منطوقك

فالك الابداااااع والتألق

تقبل ودي وتقديري

صح الله بدنك اخوي امير الشعراء
اسعدني مرورك ياغالي
ولك مني اجمل تحيه

إقتباس من مشاركة شامخ منيف

صح الله لسانك والله ابيات حساسه وحلوه لاعدمناك

صح الله بدنك اخوي شامخ
مشكور ويعطيك العافيه
تحياتي لك