حـــــــق العــــــوده

10-04-2013, 03:10 AM

[poem=font="arabic transparent,6,black,normal,normal" bkcolor="transparent" bkimage="http://www.hreeb-bihan.com/vb/mwaextraedit2/backgrounds/49.gif" border="none,4," type=0 line=0 align=center use=ex num="0,black""] ياملاكي والليالي ماهي بمردوده=والزمن يرحل بمعسوله ومر اقداره
نفسي اللي كانت بهاك الزمن موجوده=شعري اللي كان يمطر دفتري مدراره
يوم كنتي طابع ايامي كرمز الجوده=يستثار الشعر لامن طيف منك زاره
وقتي اللي راح ببروقه وهدر رعوده=كنتي اقناف السحب هتانها وامطاره
كنت انا موعود وانتي كنتي الموعوده=نصتدم بالواقع اللي صب فينا اجواره
بعد ماناجيت وإن ابوابكم موصوده=والحمام ينوح لايوجد بداخل داره
درت ظهري بعدما ماشفت الطرق مسدوده=والألم عوده يغازل داخلي القيثاره
فترة العاشق ولو هي تعتبر محدوده=كان ماحقق مناه الله يعين اشعاره
كم قصيده فيك انا سويتها وانشوده=لين مل المجتمع شعري ومل افكاره
ما الوم لمن يلوم الشاعر بمقصوده=واجد اللي في الهوى ماشب لحظه ناره
وواجد اللي يكتم احساس العنا ويكوده=مايحب ان يظهر بشعره خفي اسراره
آتسائل لامتى واشعاري المسنوده=فيك كني في قصيدي ناوي استثماره
وآتسائل ليش طيفك للقصيد يزوده=كلما اتخيلتك اعلن هاجسي استنفاره
والله ان اخلاقنا بين العرب مشهوده=لاتشوبي جونا الصافي بعكر غباره
ارحلي من شان اعيش ايامي المجروده=دونما طاري الغزل او نية استحضاره
واتركي للقلب بعد ان ضاع حق العوده=واتركي له بعد طيشه لذة استغفاره
[/poem]