ياذيب كانك تسمع الصوت ياذيب

الصوت , تسمع , ياذيب , كانك

ياذيب كانك تسمع الصوت ياذيب

يا ذيب كانك تسمع الصوت يا ذيب
جاوب ترى لك عند مثلي .. مهايه*

حظك ليا ذبيت روس المراقيب
عواك يبري منك .. كل التهابه

شابت بي الدنيا قبل ياتي الشيب
لو قالوا ان ذا في بداية شبابه

ادور لخوة هل العزم والطيب
وانحاش من وجه الردي والزلابه

وش لي برفيق فالرخا ماهو يغيب
والى حداني الوقت قفت ركابه
*
الوقت قدهو وقت صفر العراقيب
وين انت ياللي لا اعتزي يندرى به

دام الظنون تصيب فالناس وتخيب
تكفين يا يمناي .. دسي لاصابه

تجملي بي .. في عيون الاجانيب
ولا تصافحين .. الا كفوف السحابه

لا وقفت كل الطرق والاساليب*
ماني بنآصي غير .. * ربي وبابه

كم من سنافي واقف عنده الطيب
حتى لو انه اسم .. من دون لابه

وكم قصرعود قافيته الدواليب
وكم مجلس عامر لو انه خرابه

الوقت عد *والخلايق مشاريب
احد حلو واحد هماج شرابه

ان راح عمرك ما قضيت المطاليب
تالي العمر يا صاح وش ينبغى به

حزن اليمامه ما هو مرجع كليب
ودرب الامل ما يخذل اللي سعى به

الحظ طيرٍ *له جناح ومخاليب
اما نتف بالصيد .. ولا غدابه*

من جاء يحسب انك قريب محاضيب
قله : ترى ما في رقبتي طلابه

العيب ماهي ضيقتك لكن العيب
شكوآك .. للي ما يعزك جنابه

صدّ من يمينك .. واجزل الصيد يا *ذيب
ترى التليه .. ما تعشي .. الذيابه

شابت بي الدنيا قبل ياتي الشيب
لو قالوا ان ذا في بداية شبابه

لاهنت اخي هيثم تسلم على النقل
الجميل لك مني الف
تحيه

ابيات شعريه رايعه تسلم على النقل المتميز

الوقت قدهو وقت صفر العراقيب
وين انت ياللي لا اعتزي يندرى به

كم من سنافي واقف عنده الطيب
حتى لو انه اسم .. من دون لابه

ان راح عمرك ما قضيت المطاليب
تالي العمر يا صاح وش ينبغى به


العيب ماهي ضيقتك لكن العيب
شكوآك .. للي ما يعزك جنابه

يعطيك العافيه اخوي هيثم على النقل الرايع

الله الله ابيات حلوه سلمت يا اخ هيثم

ادور لخوة هل العزم والطيب
وانحاش من وجه الردي والزلابه

وش لي برفيق فالرخا ماهو يغيب
والى حداني الوقت قفت ركابه