سر ياقلم

11-18-2013, 11:23 PM

↓‏‏‏‏‏‏‏‏‏‏‏‏‏‏‏‏.↓‏‏‏‏‏‏‏‏‏‏‏‏‏‏

›.↓.‹

‏‏ســر ياقلم مالي على الصبر طـــاقه
صبري تعدى الحــد ما عاد ينــطـــاق
أكتب لمثلي قصته واشتيـــــــــاقـــه
في خطك الواضح على بيـض الاوراق
قصة حزينٍ صـافـي الحــر ذاقـــــــه
اليا تذكر ماجــرى خاطــره ضـــــاق
باقوا به الاصـحـاب والوقت باقـــــه
وصار الضحية بين بايق وبـــــــــواق
يمشي وهو ماحـس في كسـر سـاقه
اصبح على ساقين وأمسى على ساق
أحــدٍ يعيــش بخــير وأحــدٍ بأعــاقه
وأحــدٍ يعــوق أيـــام وأيــام ينعاق
و أحدٍ معه حكمه ، وصبر ، ولباقـــه
سبحان ربٍ للمخـــاليق خــــــــلاق
لكن ياللي معك صبر ورواقــــــــه
أنصحك كان إنك للأمثال تشتــــاق
صــادق رجالـن يعرفون الصــداقه
يقفون صفـــك يوم يبسات الأريـاق
من يرغب فراقك فعجل فراقـــــه
جاز الذي يجزيك إفراق بــــفـــراق
وتعلم التعشـــيق قبل الســــــواقـه
لا تحسب انك بالدركسون ســــواق
يقوله اللي جاير الوقت عـــــاقــه
ولا زال في غيبوبة الهم مـــافــاق

11-18-2013, 11:51 PM

جاز الذي يجزيك إفراق بــــفـــراق
وتعلم التعشـــيق قبل الســــــواقـه
لا تحسب انك بالدركسون ســــواق
يقوله اللي جاير الوقت عـــــاقــه
ولا زال في غيبوبة الهم مـــافــاق

صح الله لسانك ابن معيلي

قصيده في قمه الروعه