الله حسيبك

الله , حسيبك

الله حسيبك

بسم الله الرحمن الرحيم

ابدا اول مشاركة لي :
قاسياً الله حسيبك ويش تكسب من عذابي
روف بي يازين كافي الخفوق اللي سطابه

ماتعل اني بدونك صرت فاقد للصوابي
لاصديق..ولا رفيق .. ولا جليس إلا الكئابه

جيت لك لآجيك وانته يالغلا ترجو ذهابي?!
ويش اسوي ياقليبي لا المحب قد صك بابه

لاتصلت يرد غيره واقول خافه ما درى بي
ثم تعاود واتصل به (يقول رقمي منين مابه)

ماتعل اني صدفتك يوم حظي قد أتى بي
حين غاب القرص لصرف وارتدى لسود ثيابه

جيتكم صدفه ولكن ماحسبت لها حسـابي
لين ماطحت بهواكم ويل قلبي ويا عذابه

وساعة اني قد لمحتك بين تلعات الرقابي
كل عرقاً محتويني ثار واعلن انقـلابه

ورددت كامل حواسي غيرها بالحيل مابي
والهواجس في صميمي تعتصم تبغى وثابه

كنت اصدق من يقول ان الهوى مثل السرابي
واكتشفت ان الهـوى درب فكري قد سرا به

والتغلي يابنيه مايســاعد في انجذابي
بدعةً ماهيب سنه في الهوى ولا كتابه

يابنيه كان ودك تكسبي مني ثوابي
لا تردي لتصلت وعزي قلبي في مصابه

والسريقه ذي خذيتي من ضلوعي الحدابي
بروزيها واحفظيها بين حبرك والكتابه

حاجةً ماهيب ليّه ماتشد لها ركابي
والخفوق الله حسيبه عالمصاب اللي سطابه


.
.
وسلامتكم
نظراً لعدم توفر جهاز اللاب لا استطيع ترتيب الابيات بالنمط المطلوب ,,

جيت لك لآجيك وانته يالغلا ترجو ذهابي?!
ويش اسوي ياقليبي لا المحب قد صك بابه

لاتصلت يرد غيره واقول خافه ما درى بي
ثم تعاود واتصل به (يقول رقمي منين مابه)



حب من طرف واحد سراب في سراب ووقعه مهببه
ولكنها حب المراهقين

صح لسانك ابيات جميلة
كل الشكر والتقدير على الطرح

ماتعل اني بدونك صرت فاقد للصوابي
لاصديق..ولا رفيق .. ولا جليس إلا الكئابه

جيت لك لآجيك وانته يالغلا ترجو ذهابي?!
ويش اسوي ياقليبي لا المحب قد صك بابه


صح الله لسانك واعلاشانك شاعرناالقدير المتميز

ابيات اكثر من رئعه من هامه من هامات الشعر

فانت اصل الشعر ومنبعه ملكت الحرف والكلمه

تعجز الكلمات ان توفييك حقك

تحياتي لك

أبيات في منتهى الروووووعة
صح لسانك سهير الطرف
وأعلى الله شأنك

اخ كثير الاسفار,, اسعدني تواجدك ,, لاهنت

اختي جوهرة قطر.. صح بدنك ,, اسعدني تواجدك هنا الف شكر

اخي شامخ منيف ,, صح الله بدنك ,, ولا عليك زود ,, ان كان هناك ماهو اروع من الرائع فهو حضورك استاذي شامخ منيف,, منك نقتبس , فاتك الله تحياتي لسموك الشامخ

اخوي ابو علي حضورك من اضفئ رونق الروعه على ماكتبه,, اسعدني مرورك يالغالي

والتغلي يابنيه مايســاعد في انجذابي
بدعةً ماهيب سنه في الهوى ولا كتابه


صح الله لسانك ويعطيك العافيه
قصيده رايعه
تحياتي وتقديري لك