سمّ اللقا صدفه.. وأسمّيه ميعاد!!

ميعاد!! , اللقا , سمّ , صدفه.. , وأسمّيه

سمّ اللقا صدفه.. وأسمّيه ميعاد!!

الشوق ماله عمر, يفنى وينعاد..
له في الضلوع إن عاد وإن غاب رجفه!!
.
مع كل فرقى, له ورا الجفن ميلاد..
وإن ماتت الفرقى لقى الشوق حتفه!!
.
جيت أقتل الفرقى من بلاد لـ بلاد..
ملّ الطريق يشيلني فوق كتفه!!

.
وأنا بعد ملّيت من كثر ما أرتاد..
هالشارع اللي كان لك فيه شرفه!!
.
تظمآ عيوني شوفك, وتشبع سهاد..
عيّا الزمن يقطع ظماها بـ رشفه!!
.
لا وجهك أسقاها, ولا ذاقت رقاد..
ما غير طيفك, طيفك اللي أعرفه!!
.
كنّه ظبي, وعيوني ظلال صيّاد..
يجفل قبل يرتدّ للجفن طرفه!!
.
مشكلته أنه كل ما أشتقت يزداد..
حتى ملآ جدران وقتي وسقفه!!
.
وأصبحت أشوفه فـ أول الغين لا جاد..
وفـ أقصى الشفق لا طاحت الشمس خلفه!!
.
وفي الأرض لا نامت عقب صوت رعّاد..
وفي كل شباكٍ صحت منه درفه!!
.
أتعبت طيفك لوم, واللوم ما فاد..
ويوم الأمل في شوفتك مات نصفه!!
.
نويت أسافر عنك بجروحٍ جداد..
وعمرٍ من أوراق الزمن حان قطفه!!
.
نويت, لكن جابني الشوق منقاد..
وجابك حنينك, والزمن سال عطفه!!
.
شفتك تبسّم لي خجل مدري عناد..
وفي نظرتك شوقٍ من الظلم وصفه!!
.
حسّيت كني طفل, وعيونك أعياد..
يا عيدي اللي له ورا الصدر رجفه!!
.
سمّ اللقاء صدفة, وأسمّيه ميعاد..
أنا أنتظرتك, وأنت مرّيت صدفه!!

انتقا مميز كما عهدنا
كل الشكر والتقدير عمو على الطرح

كما عهدناك دوم رائع في لاختيارات


اخترت وابدعت

شفتك تبسّم لي خجل مدري عناد..
وفي نظرتك شوقٍ من الظلم وصفه!!
.
حسّيت كني طفل, وعيونك أعياد..
يا عيدي اللي له ورا الصدر رجفه!!


رووووعة ما نقلت لنا ألف شكر أخي كثير الأسفار

إقتباس من مشاركة جوهرة قطر

انتقا مميز كما عهدنا
كل الشكر والتقدير عمو على الطرح

يعافيك ربي شاكر مرورك الرائع

إقتباس من مشاركة اليمامه

كما عهدناك دوم رائع في لاختيارات


اخترت وابدعت

يعافيك ربي شاكر مرورك الغالي

إقتباس من مشاركة أبو علي

شفتك تبسّم لي خجل مدري عناد..
وفي نظرتك شوقٍ من الظلم وصفه!!
.
حسّيت كني طفل, وعيونك أعياد..
يا عيدي اللي له ورا الصدر رجفه!!


رووووعة ما نقلت لنا ألف شكر أخي كثير الأسفار

يعافيك ربي شاكر مرورك الغالي
الروعه في تشجيعك لاعدمناك

رووووعه لا عدمناك يالنشمي

إقتباس من مشاركة ابعاد

رووووعه لا عدمناك يالنشمي

يعافيك ربي شاكر مرورك الرائع

الشوق ماله عمر, يفنى وينعاد..
له في الضلوع إن عاد وإن غاب رجفه!!
.
مع كل فرقى, له ورا الجفن ميلاد..
وإن ماتت الفرقى لقى الشوق حتفه!!


ابيات في قمة الروعة سعدت بقرأتها والاستمتاع بما تحمله من صور بلاغية
وأحاسيس راقية ،،


تحياتي ،،