ياوجودي وجد ربعٍ لهم عشرين يوم

أهم , اوجودي , حول , ربعٍ , عشرين , نجد

ياوجودي وجد ربعٍ لهم عشرين يوم

ياوجودي وجد ربعٍ لهم عشرين يوم*,
في محل ماتجيه الصقور الحايمات*,
راحوا قنوصٍ على صنع فنسان الخشوم
وانقلب موترهم الجيب والسواق مات*,
وغربت شمس العصروأختفت بيض النجوم
والهبايب قامت تهب من كل الجهات
والردي يصيح من كثر الهموم
وكل ماسمع الهوى قال جأت القوم جأت
والثنين اللي ورأى من وراى حزم زموم
انكسر واحد واحد عليه الركب فات
طايح في مبرك الموت ما يقدر يقوم
مختلط دمه بدمع مثل نهر الفرات
دمه من الجرح والدمع من قل العزوم
يوم مرت في خياااله جميع الذكريات*,
بين عود ينتظر جيتة *,وأم رحوم*,
وبين ورع توه مغلق خمس سنوات
ماتت امه بعد ما جابت اله أخوين تؤم*,
والحقوها التوم والباقيات الصالحات
ولا بقى الا هو مع عمتن قشرى ظلوم
*,من قساوتها معه جفن عينه ما يبات
وأن تقصيت الحقايق ودققت العلوم
بانت علوم وراء أخوان شما حافيات
يذكر انه كان معهم امن الأرزاق كوم
واصبحت من بعد ما حول الموتر أشتات*,
انتهى الماء وانتهى الزاد في وقت اللزوم
وانتهت موية لاديتر نسأل الله الثبات
اشربوها كلها بألشوايب والسموم
غير ما يقطع ضماهم ثلاثة وايتات
والمصيبة يوم هبت من القبلة سموم*,
وادفنت منهم ثلاثه هبوب الذاريات
وانكفى الرابع بعد ما ماتوا اصحابه عموم
وقام يزحف في فجوج الخلاء بالكيلوات*,
وارزقه ربي بناس قحاطين قروم
من رجال في الخطر يسبقون الطايرات
واركبوه وحولوا به مع ذيك الحزوم
صواب دار خابرين بها مستشفيات
ويوم شافوا النور مثل القمر بين الغيوم
وأعلقوا خطآ تخالف عليه الشاحنات
واعترض في دربهم ناقة سوداء رزوم
واصدموها صدمة ما وراها الا الممات
وماتوا اثنين على طول واثنين سلوم
والجريح ازداد جرحه حزن واستمات
وده انه مات وانه من الشوف محروم
وان اعيال العود سلموا اصدوف النايبات
عزتيلة يوم هو بين شوم وبين لوم*,
هو ماتوا اصحابه ولا له اعيال ولا بنات
والحقيقة ذي العرب كلهم من روس قوم
فعلهم تشهد عليه السنين الماضيات
لكن أمر الله نفذ بين ليل وبين يوم
وأمر ربي لا نفذ ما عليه مساومات
والسعاده والحظوظ السعيدة ما تدوم*,
مخبل اللي منبلي بالليالي المقبلات
يحسب ان العمر رحلة ذهاب بلا قدوم
مادرى انه بين غماض عين والتفات
لو عطوها اللي تعرف العوايد والسلوم
مثل ما يعطى اسود الوجه سبع مجليات
خاتمتة الموت والقبر والنار اللهوب
كان ماله في رصيده جمايل واحسنات
اللبنادم ماتساوي حياتة فص ثوم
وآخر علومه آليا قالوا فلان مات