قل للسماء لا عـاد تمطـر حبايـب

للسماء , ما , تمطـر , حبايـب , عـاد , قل

قل للسماء لا عـاد تمطـر حبايـب

قل للسماء لا عـاد تمطـر حبايـب
أنا أمتلا ظهري من طعون الأحبـاب

جردٍ رعاها بـ/ أول العمر غايـب
ما عاد يغريها (الوسم) تنبت أعشاب

اللي كسر ظهـره جحـود القرايـب
وشلون يستأمن سكاكيـن الأجنـاب

يا أحباب مالي بالحكـي والطلايـب
وماعاد فيني قلب يستحمـل عتـاب

من كثر ما شافت عيوني مصايـب
شريت صبري قفل وأسكنته البـاب

ألد طرفي عـن بـروق السحايـب
عن كل ما يغري بي قلوب الأغراب

قم غنّ لجـروح الزمـان العطايـب
ولا عاد تسألني على كل من غـاب

وأن عنّت الذكرى وهبّـت هبايـب
سكّر درايشها ترا ( الشوق غلاّب )

اللي كسر ظهـره جحـود القرايـب
وشلون يستأمن سكاكيـن الأجنـاب*

صح لسانك ابيات رووعه
كل بيت أحلى من الثاني
شاعر ماعليك قاصر
لاتحرمنا من ابياتك الرائعه
لك مل الشكر والتقدير على الطرح

جردٍ رعاها بـ/ أول العمر غايـب
ما عاد يغريها (الوسم) تنبت أعشاب

اللي كسر ظهـره جحـود القرايـب
وشلون يستأمن سكاكيـن الأجنـاب


اخي الغالي نادر وجودي

كلمات جميلة ورائعة فيها من الصور البلاغية الكثير
فكل الشكر لك على هذا البوح الراقي والشجي
ودمت ودام هذا العطاء في تميز ورقي على الدوام...

يا أحباب مالي بالحكـي والطلايـب
وماعاد فيني قلب يستحمـل عتـاب

نادر وجودي صح لسانك واعلى شانك
صراحه ابداع
فاللك التقييم ولا تحرمنا من اشعارك
تحياتي لك

إن عنّت الذكرى وهبت هبايب
صكر درايشها ترى الشوق غلاب
.
.
صح لسانك

ابيات فيها من المعاني الكثير
جازت لي كثيرا
الله يعطيك العافيه
ولا تحرمنا من جديدك
.
.
تحياتي

موثره حيل حيل وموجعه .. هل هي من ابياتك .؟

اللي كسر ظهـره جحـود القرايـب
وشلون يستأمن سكاكيـن الأجنـاب

قويه يعطيك العافيه يارب

شكرا لك أخي على هذا الاختيار الراقي

بعض الابيات الموجعة تجعلنا نشعر بالوجع ويرتسم فينا
ولاشي اصعب من طعون الحبايب لانها تبقى مدى الحياة


تحياتي ،،

من كثر ما شافت عيوني مصايـب
شريت صبري قفل وأسكنته البـاب

ألد طرفي عـن بـروق السحايـب
عن كل ما يغري بي قلوب الأغراب

قم غنّ لجـروح الزمـان العطايـب
ولا عاد تسألني على كل من غـاب

وأن عنّت الذكرى وهبّـت هبايـب
سكّر درايشها ترا ( الشوق غلاّب )

جميل...صح لسان الشاعر
ويعطيك العافية اخي نادر على الذوق الرفيع

اخوي الغالي نادر وجودي فعلآ انك نادر الوجود وسخي الجود وطيب العود
وجعل الحسود في عينه عوووود

اخوي نادر لقد وضعت امامنا ..قصيده في معانيها فريده .. وتحمل صور شعريه جديده

الاخوان والاخوات الي مرو عليها منهم من قال عنها قصيده رااااائعه ومنهم من قال موجعه ومنهم من قال قويه وحد قال موثره

وانا اراء ان هذه القصيده حوت كل هذه الصفات المذكوره اعلاه
واعتبرها قصيده جزله حوت كل معاني الجزاله

اقول لك على هذه القصيده صح لسانك وصدق تعبيرك سوى انها لك ولا لغيرك فنظمك لايقل عن اختيارك والعكس صحيح


اخوي نااااادر دمت ودام تواجدك وابداااااعك

تحياتي لك مع خاااااالص الود والتقدير