اجمل اللحظات لحظات الجنون !!!

01-15-2014, 03:13 PM

أجمل اللحظات لحظات الجنون
الدموع تسيل معها ضحكتي

أدري أصحابي بحالي يجهلون
مثل مايجهل حبيبي بفكرتي

في طريقي بالخطاوي يتعبون
يوم أردد أه ما أسهل خطوتي

دمعتي..لاتخاف بعيوني تمون
دامني مجنون.. هانت دمعتي

كنت احسب الناس تحتاج لحنون
كل ضايق شلت همه لغرفتي

كنت أنا ارسم والعواذل يرسمون
وابتسم واقول تشبه رسمتي

كنت وافي والحبايب يطعنون
وأخفي الاهات وأنسى طعنتي

إن تكلمت بحقيقه..يزعلون
وإن سكت..تطيح مني صورتي

ومن سأل وشفيك.؟.غمضت العيون
والإجابه عن سؤاله عبرتي

ياخساره كان ساكن بالجفون
كان اصدق حلم صار بنظرتي

كنت ألمه يوم يبكي بالمتون
كان يمسح كل دموعه بغترتي

واليوم أقفى والمشاعر يطلبون
أي حل يحل فيني ازمتي

وين ودع..؟ وين ودع..؟يسألون
وإحرموني اليوم حتى فرحتي

الله أكبر يادروبي لو يجون
مابقابي غير ضيقه بوحدتي

ليت يرجع يقسم إنه مايخون
قبل يموت القلب سبة غلطتي

وصلوله هالرساله لايهون
في مماتي ليت يحضر دفنتي

في مماتي ليت يحضر دفنتي...

وسلامتكم ,, مما راق لي