جـور الزمـان وغـدر الصـديق

الزمـان , الصـديق , جـور , وغـدر

جـور الزمـان وغـدر الصـديق

يا الله يافاهم بظاهر ومستور"
تعلم بخافي السر لكتمت جهره!

ماخافيه تخفاك في بر وبحور"
الكون بيدك وانت متولي امره!

مشكيت للمخلوق من قل وقصور"
ولو اشكيت له يسبق كلامي بعذره!

اشكي على الخالق وراجيه ماجور"
ذي لا ابتلا المخلوق يكتب له اجره!

سبحان من لاجاته الناس طابور"
على صعيدآ واحدآ جوه نفره!

كل واحدن له حاجتن جاه مجبور"
يبي قضاها داخلن به وحجره!

لو عطا لكلن مطلبه مابه قصور"
مانقصو من بحر خزنته قطره!

سبحانه المعطي هل الفضل مشكور"
ذي رحمته بدت على الكون بأسره!

أعطا لعبده وعد في الذكر منشور"
أن اليسر ياتي بعد كل عسره!

بشرى لمن فلت حجاجه من الجور"
ومعنوية كل من طال صبره !

مايختلف وعده وقدرته دستور"
يعمي البصيره لين يتنفذ امره!

ماينفع المحذور من كل مقدور"
ولي كتب في اللوح مامنه فره!

ابوسعد ياهاجسي منت معذور"
الليله الليله ابا وانت سمره !

بطرح لك الموضوع بأقواس محصور"
عليه لستفهام طابع ونشره !

أفصله تفصيل كلمات وسطور"
مبني على ضمه وشده وكسره!

بشكي لك اشجاني كماأشكي لدكتور"
لجل الدوا يقضي على الداء وقهره!

والا اكتب معانات حالي بطبشور"
تبقى على سبورة الوقت فتره!

لسان حال شجونها مثل الدور"
والفلم شخصياته اعطوه شهره!

ذاتي البطل...وعصابت البهت والزور"
خاضو المسلسل بين كره وفره!

والكيمره تنقل حدثهم على الفور"
حسب التردد ماتقيد بشفره !

خدعت فيهم كني انسان مسحور"
اثر الوجيه وجيه من تحت ستره!

بانت حقايقهم على رق منشور"
والأقنعه طاحت...على القوم حسره!

ورديت سيفي في غماده وانا دور"
بين الصفوف ألقي على القوم نضره!

حد يوم لديت النظر فيه مبهور"
باحت عيونه في ثواني بخبره !

واحدن قريت بعينه اهوال وشرور"
والله برج لي قبل ماقع بشره!

واحدن عيونه ضاحكه كان مسرور"
ثعلب مكر والله حبط به ومكره !

واحد(ان)دنق خجلان بالحيل مذعور"
مثل النعامه دس راسه بحفره !

اما البقيه مثلهم مثل ما الثور "
واللي يبرر موقفه قال عثره !

والحق حصحص وإنحنا الكيد مدحور"
ببشع هزيمه وسمها فوق صدره !

هذه رفاقي واصدقا سنين وشهور"
اللي بنو لي عرش قيصر وكسره !

حفو على عرش الرفاقه كما السور"
ياكثرهم وقت الطرب حول قصره !

وفي النايبه مثل الخفافيش و النور "
مسرع تهوي طايحه فوق صبره !

من يوم شافو القصرخاوي ومهجور"
خلو محياء الوجه للزاد سفره !

ان جيت قاصد واحدن صرت منكور"
لي كان يضرب لي التحيه وشكره !

عزيزهم جيته ابي شي ميسور "
في ظرف قاسي مانسيته ومره !

ورديت والخاطر مكدر ومكسور "
وحفرت بيدي تحت لقدام حفره !

قبرت جثمانه بلا غسل وطهور "
ولا صلاه ولا دعا فوق قبره !

ولابكت عيني على شخص مغرور "
دامه نسي المعروف والمال غره !

لكن صحيح الناس مش كلها عور"
لكن عليك ان تعطي الشخص قدره !

وماكل طير يطير في الجو عصفور"
اشكالها والوانها صعب حصره!

منها.رخم. وحدا. وغربان.ونسور"
ياكم وكم بحسب لك أشياء بكثره !

والصقر طيرن لكن فصيلت صقور"
البوم تكسر حومها دون وكره !

ورجال تلقى حفرها راس لظفور"
اليا حضر وان غاب ماهوب ظفره!

ورجال تلقى حيلها يجبد بحور "
من جار حمله قام به فوق ظهره!

حد مثل طشات المطر غيث وبذور"
تنبت وتحيي الارض نبته وزهره !

وحدن برد يجدب ليا طاح في البور"
تبطي محيله لا نزلها وقفره !

ولا تطف الكيل ويظل مخسور"
ولا تجازي كل قاصر بقصره !

واللاش دمه عند لجواد مهدور "
والكفو يفرض هيبته كبر قدره !

هذا ولي في ساحه الفكر جمهور"
المتقي يحظى من الله بنصره !

سبحان من لاجاته الناس طابور"
على صعيدآ واحدآ جوه نفره!

كل واحدن له حاجتن جاه مجبور"
يبي قضاها داخلن به وحجره!


تسلم ابو نايف على النقل الرائع والجميل

صح الله لسانك ع طرحك المميز

روووعه صح الله لسان الشاعر وتسلم علالنقل

تحياتي لك ابونايف لاعدمناك

انشهد انه جاب الحقيقه ,, صح لسان الشاعر

وسلمت اناملك اخوي ابو نايف


تحياتي

اخي نادر وجودي
اختي اليمامه
اخي شامخ منيف
اخي سهير الطرف
تـسلمون جميعاً واشكركم على مروركم الرائع شرفتم متصفحي ربي يحفظكم والقصيده لا اعلم من قائلها ولكنها اعجبتني لحيث وهي تحكي واقعاً موجوداً فحبيت ان انقلها لكم
اكرر شكري لكم ولكم خالص تحياتي