بين الريال وبين شيمات الرجال

الرجال , بين , سجلات , وبدو

بين الريال وبين شيمات الرجال

بين الريال وبين شيمات الرجال
نايف بن مسرع الدوسري.

بيـن الريـال وبـيـن شيـمـات الـرجـال
حرب(ن) ضروس(ن) قلّ من يفطن لها
نـار(ن) لهـا بيـن المعالـيـق اشتـعـال
وماتـحـرق إلا مـــن بـجـوفـه شـلّـهـا
أحـدن رقـى للعـز فـي روس الـعـلال
وأحــدن عـلـى عــزه دمـوعـه هـلّـهـا
واليـا خـضـع للـمـال (عـبّـاد الـريـال)
خـزمـت نفـسـي لــو تـمـوت بغـلّـهـا
واللقمـة اللـي تلبـس الـرجـال شــال
لانـيــب راجـيـهـا ولا مــشــفٍ لّــهــا
أشــوم عنـهـا عــلّ تالـيـهـا الـــزوال
بتـمـوت نـفـس الـعــز قـبــل أذلّـهــا
يالله وانـــا طـالـبـك يـاجــلّ الـجــلال
نفـسـي عـلـى دروب المـكـارم دلّـهـا
واعـوذبـك يــارب مـــن ذل الـســؤال
ومـن وقفـة الاقـدام عـنـد أعــداً لّـهـا
بلهون ياوقت(ن) على أهل الطيب مال
بوجيهـنـا لـيــش الـسـيـوف تسـلّـهـا!
دامك عطيت الفال... فاكرم (م)العقال
يكفـي... وخـل اهـل الحمـول تشلّهـا
ياصـاحـبـي لاعـــاد تـكـثـر فـالـجـدال
مـعـادلـة صـعـبـة ولا اقـــدر حـلّـهــا
ولــو تتهـمـنـي بالـتـزمـت والـهـبـال
النـفـس هــذي هــي وهــذا اجبـلّـهـا
لو مت ضامي و الفخر لـي راس مـال
كـنـي شـربـت أنـهــار دجـلــة كـلـهـا
يامـا علـى صـدر السـمـا نـشّـا خـيـال
وتـمــوت الارض ومــاطــره مـابـلّـهـا
وكم دوحة(ن) فالقيض وارفـة الظـلال
لاجـيـت أبـيـهـا قـــام يـقـصـر ظـلـهـا
وكمن هـلال(ن) لاح مـن بعـده هـلال
وأنــــا اتـصـبــر وانـتـظــر لـعـلـهــا
الـحـظ نــوّ(ن) فالـسـمـا وبـلــه زلال
دار(ن) تــعـــداهـــا ودار(ن) عـــلّـــهـــا
أسقـى ديـار(ن) ماتشـد إلهـا الرحـال
وارض الـكـرم والـجـود وبـلــه زلّـهــا
الـمـال خــلاّ فـآخـر الـوقـت اخـتــلال
كـم روس قـوم(ن) تشتكـي مـن حلّهـا
يــوم إنّ (شـيـخ الـمـال) لله الكـمـال
فتـخـه وبـشـت وسبـحـة(ن) يستلّـهـا
مهيـب (شيخـة يـوم ضربـات السـلال)
كـثــر الــريــال وجـابـهــا مشـتـلّـهـا...

يالله وانـــا طـالـبـك يـاجــلّ الـجــلال
نفـسـي عـلـى دروب المـكـارم دلّـهـا
واعـوذبـك يــارب مـــن ذل الـســؤال
ومـن وقفـة الاقـدام عـنـد أعــداً لّـهـا


والنعم والله يا خير ابيات
صح لسان قايلها ويسلم ناقلها ونقولها مرحبا بالعووده

صح لسااان قايلها وسلمت يد ناقلها