أبيات شعر جميلة

أبيات شعر جميلة

أبيات الشعر العربي ابيات شعرية جميلة

ياللي زعلت إزعل ولاني بمرضيك
إشرب ماء من البحر إن كنت أراضيك
لا تحسبني عقب صدك بداريك
أبعزي نفسي عنك مدراك مدراك
ياما من سنين وأنا تحمل تغليك
راضي بتعذيبك لأجل قلبٍ أغلاك
خليتني واليوم والله لأخليك
وأدوس قلبي لين يقول خلاك
قبل توريني الحسايف بوريك
لين قالوا فلان هانك ووراك

(2)

تحسبني ميت عليك؟
صدقني تراك غلطان..
احبك انا قلتها صحيح!
بس ترا وش كثرها بهاالزمان..
هي كلمه زيها زي غيرها عند الناس صارت دايم تنقال..
اي نعم مني سمعتها!
بس تراني مااعتبرها الا زلة
لســـــان

(3)

طبعي الوفا في الحب..
و التضحية..و الاخلاص..

وان تخلّى عني حبيبي..
اتركه مرفوعة الراس..

ما اعاتب او احاسب..
تكفيني كلمة خلاااااااص...

مهما كنت واصل ولو كل الخلق تحتك أنا ..فوقك...!
مو قرارك اوبأمرك انا تاج فوق راسك ...!
هذي حقيقه... فيها ماتقدر تفاصل
ماني ضدك بس ابيك تعرف حدك
ماني ورده بمزهريه
ولاني غصن فحديقه
انا جذوري عريقه غصب عنك لازم احظى باحترامك

(4)

خلاص ماعاد تعنيلي ولاحاجه
رح جعل ربي يوفقك ويوفقني
عطيتك اكثر من اللي كنت تحتاجه
اسرفت بالحب لين الحب وهقنـــي
لو ادري انك مرافقني على حاجه
لعطيك حاجتك واقول فارقنـــــي

(5)

رح بذكراي وانساني
تعبت أجامل الفرقا وربي جاب حزتها
انا ماجيت لك ضحكـــــه
ولاني بدنيتك محتــــاج..كثر ماترمش عيونك
كثر مااحتاج غيبتــــها

(6)

عند الكرامه ابيعك وانت خابرني
ما عمر احد راح من كيفه وناديته
وان كان قصدك هجر روح واهجرني
اخووي و اهو اخووي لا صد عني ما ترجيته

(7)

أببتعد عن حياته وأنسحب عنه؟
وماهمني دام مايهتم من همي؟
أصلن أنا من عرقته قلت ماأهمه؟
لأنه من يومه عقله وقلبه مو يمي؟
وبعدين أنا لين خسرته ماخسرت الجنه؟
واحد بداله يجي عشررررررررررين ياعمري؟

(8)

ارحل ما همني فراقك محيتك من صفحة الماضي وقريب امحيك من صفحة الحاضر كنت لي اغلى من عيوني لاكن قلبك قسى وش اسويله ليش اتحمل قسوتك ونا عارفة انا ما وراك امل ترجع مثل الاول انسى انك في يوح حبينا صحيح انا كنا نزعل على بعض يوم او يومين لاكن نرجع مثل الاول لاكن هالمرة فراق للأبد مهما انت تغيرت,,

(9)

تحسبني في غيابك بذكرك في كل حزه وتندم واترجاك؟!واعتذر وابوس راسك؟!..للاسف كنت زقاره تنتهي في كل مره وانتهيت ماطفيت واختنق غيري وداسك,,

(10)

أنا مالك أمل فيني ...
ولو في الاصبع العاشر ..
تلاقينا .. تفارقنا ..
بدنيا لعبة الأقدار ..
انا حبيتك بقلبي ..
وهذه غلطة الشاطر ..
مشيت خطوة احساسي ..
وضعت بآخر المشوار ..


(11)

تريد تبعد في أمان الله
خذ قلبك عني وروح
باب يجيك الهوا منه
سده وابعد تستريح
بانساك يا فلان بانساك
لا تشيل هم قلبي الجريح
مدام قلبك مايبيني
خلني ابعد واستريح..

(12)

ياصغير مايكبرني لقب ومايصغرني الي انكرني صغير
كاسبين الصيت من جمع الذهب ولا نسابة شيخ او قربه وزير
ماخذينه من هل السيف الحدب الجنايز كان جاك النذير
صيتهم نجمن على راسه لهب سمعو الصكهان به واجهر ضرير..

(13)

مليون مثلك في البشر
ان غبت غيرك لي ظهر
ان كان لك وجه القمر
الزين ما يكمل حلاه
لا تفتكر قلبي يلين
و تعود في ساعه و حين
في خاطري بس كلمتين
لي ما يبانا ما نباه..

(14)

كم قلت لك كلمتك فكر و حاسبها
منهو تكون اتبعك في الحب و اعنالك
نفسي غنيه تقدم لك مطالبها
حاولت اعلمك و انت اتصد فقبالك
تخفي الحقايق و اذا ااكلمك تحجبها
راح انتلاقى على كل حال و اعنالك
و اتبين علوم سالبها و موجبها..

(15)

تقول غالي انا ما عدت لك غالي
وش فايدة هالغلا و غيري يشاركني
ان كنت ترضى انا ما ارظى على حالي
ما عدت انا املكك ولا انت عدت تملكني
خل الجروح اتعافى و خل غربالي
انا اتحمل خطاي و لا تخبرني
بعيش دونك مثل ما الوقت يحلالي
و لا راح عينك بعد هاليوم تنظرني
هذاك وقتك و روح يوم تطرالي
تذكر تقول اطلبك و اقول آمرني
خل الذي صاربك هايم و بك سالي
يكتب لك اشعار لين تقوم تنكرني
مع السلامه يا قصه مالها تالي
الله يريحك في غيري و يريحني
بس اطلبك قبل اروح شل مرسالي
ما ابي عيونك تغرغر يوم تذكرني..

(16)

لو الثمن عمري ولذة منامي
مارجع لحب(ن) غير الوقت مبداه
حب(ن) بدا ثم أنتهىفي غرامي
ماعانقه نور النهار وتغشاه..

(17)

لو أني تحت غيمة حنانه وظامي
كسير ذابحني العطش ماترجاه
لزحف ولو ماشال جسمي عظامي
عن موقفه وأدفن عن الريق مجراه..

(18)

تراني شخص متعالي على الديره ... من اوصافي الحلا و سموني احلا العشيره
و كل من شاف ذا الحلا كلته الغيره ... سبحان ذا المولى في خلق انسان غيره..

(19)

والله لخلي عزتك تحت ماطاي

تمشي وعينك ماتعدا مواطيك

ابيك درس لكل خاين ونساي

والله لهينك لين تبكي تبي رضاي

ذليل تكسر عين منهو يراعيك..

(20)

لآهمني قربك ولآهمني رضاك

والله ولاذكرى بقلبي تجيبك

الصد عندي من بقايا عطاياك

لا بوك لا بو كل طاري يجيبك

(21)

عادي معاك أبقي

وعادي اخليك

مثلك مثل غيرك

مــــــجرد صـــــداقة






منقوووووووووووووووووووووووووول

تسلم اخي العزيز ‏
على النقل الجميل
ابيات في قمه الروعه
تحيااااااااتي

إقتباس من مشاركة الطارق

تسلم اخي العزيز ‏
على النقل الجميل
ابيات في قمه الروعه
تحيااااااااتي

الله يسلمك أخي وأشكرك على تواجدك ومرورك المنور