من لاحسب قبل النسب معدن الخال

لاحسب , معدن , من , الحال , النصب , قبل

من لاحسب قبل النسب معدن الخال

قصيدة كل بيت فيها يساوي قصيدة لحالها ،،،


من لاحسب قبل النسب معدن الخال
لا ينشـد المولـود مـن ويـن عيبـه

ومن لادفع في مو قف الربـع مثقـال
لا ينتظـر تعطيـه ربـعـه زبيـبـه

ومن لاطلب للمشكلـه نـاس عقـال
يجيـه مـن عميـان اﻻريـا كتيبـه

ومن لاحفظ سَمْعه عن القيل والقـال
تلقـى ورم مخـه نميمـه وغيـبـه

ومن داس عرض الناس لوكان بالمال
من عرضه المصيون دفع الضريبـه

ومن لاحسبها صح في عمر الاقبـال
ماهـو بحاسبهـا ليـا صار شيـبـه

سمعـت ما قالـوه قبلـي بالامـثـال
من لا كسـب كلمـة نِعـم وش تبيبـه

جنب عـن الرديـان وكبـار الأزوال
وتلقى من اهل الخير من تعتزي بـه

هذي نصيحه كان ما اعطيتهـا بـال
اتضيـع بيـن المخطيـه والمصيبـه

مااروع تلك الكلمات المحمله بنصح في كل بيت

أجمل قصيده طرحت معانيها بين ايدينا وتكتمل جمالها بحس ذوق اختيارك

صح لسانك وسلم الهاجس وذوق

صح الساانك اخوي هيثم,,
ابيات في غايه الروعه والجماال ,,ابياات تحكي عن الواقع,,
لاهنت يالغالي,,

هيثم اجمل قصيده في النصح وهذه ماتجي الا من رجال عريق النسب ونعم فيك

بيض الله وجهك عز الله ان كل بيت بقصيده
كل ما نريده مسطر هنا في هذه الابيات

صح لسان قائلها وسلمت انامل ناقلها

دمت متميزاً


تحياتي

قصيده اكثرمن رائعه يعطيك العافيه

وصح الله لسان الشاعروتسلم علاالنقل

صراحه قصيده اكثر من رااااااااائعه
كلها نصايح ومفيده جدا
تسلم على الانتقا
تحياتي لك