تعَبت أشيل الهَم عنّك وأداريك

لسحم , الهَم , تعصبت , عنّك , وأداريك

تعَبت أشيل الهَم عنّك وأداريك

تعَبت أشيل الهَم عنّك وأداريك
وإنتَ همومي ثقلَهَا ما يهمِّك !

لا يا ( حبيبي) .. الزمن لا يخليك
تقسى على قلبي وتسقيه سِمِّك !

[ دِ نْ يَ ا كْ ] هذي , لا تغيِّر مباديك
مهما إستطعت الظلم إعدل بحكمك !

ما هي غريبه من يذمِّك يماشيك
لكن غريبه يمدحك من يذمِّك !!

ما كل واحد غاب معناه ناسيك
بعض البشر ينساك لو كان يمِّك !

أدري تعزني .. الله يعز غاليك
وإن كان لي عندك معزَّه بضمك !

في خاطري كم كلمةٍ : عن تجافيك
وإن شفت دمعاتي إنزَلَت .. حط كمِّك !

إسمك حبيبي ويا كثِرها أساميك
وقلبي يفز .. لا جابوا الناس إسمك !

ليتك تحس في ضيقتي يوم أحاتيك
أحرق لك أعصابي .. وما حَس دمِّك !

غايب بدون أعذار .. ربِّي يجازيك
عطني سبب مُقنع حبيبي .. وألمكّ !

همِّك , جنونك , ضحكتك , كل ما فيك
صوتك , سكوتك , وأرجع أقول :
( ه مِّ كْ ) !

[لبيه ] منِّك غير .. لمَّا أناديك
كل الكلام العَذب ... مرساه فمِّك !

مهما غلوك قلوب ناسٍ حواليك
أغليك أكثر منِّهُم بس .. لعلمك !

أبوك , خالك , إختك , أخوك , ماضيك
ربعك ، جميع الناس, وعيال عمِّك !

شايف غلاهم لِك .. أكثر أنا أغليك
واللِّي وِصَل ( نِص الغلا ) يمكن أمّك !

[ دِ نْ يَ ا كْ ] هذي , لا تغيِّر مباديك
مهما إستطعت الظلم إعدل بحكمك !

,,,,,,,,,,,,,,,,,,,,,,,,,,,,,,,,,,,,,,,


منت سهل يافتى .. رومنسي منسي ,, على الشعار في المسابقه ان يحسبووو حساب
لشاعر جهبذ قادم وبقوه لخطف اللقب ..
فالك البيرق ..

الله اكبر عليه .... واللي وصل نص الغلا يمكن امك .. احوووه عليه

ذوووووووق ياصاحب الذوووووق ,, انت لذوووووق ذووووووق

تسلم وعساك عالقوووووه


تحياتي لك

أختيار في قمة الروعة ، فعلا كلك ذوووق


تحياتي ،،

فتي مارب سلمت
راقي في اختيارك

في خاطري كم كلمةٍ : عن تجافيك
وإن شفت دمعاتي إنزَلَت .. حط كمِّك !



الله الله رووووعه

ماغير هي لك ولا سرقتها ياوليد

رووووعه يافتى

لا هنت عالنقل الجميل

تحيتي

إقتباس من مشاركة طاش ماطاش

[ دِ نْ يَ ا كْ ] هذي , لا تغيِّر مباديك
مهما إستطعت الظلم إعدل بحكمك !

,,,,,,,,,,,,,,,,,,,,,,,,,,,,,,,,,,,,,,,


منت سهل يافتى .. رومنسي منسي ,, على الشعار في المسابقه ان يحسبووو حساب
لشاعر جهبذ قادم وبقوه لخطف اللقب ..
فالك البيرق ..

صح لسان قايلها ههههه اماانا موب حولي
سلمت على المرور لاهنت

الله الله , صحح لسسان قايلها وتسلم يميين ناقلها ..

كل الشكر ع الطرح الجمييل ..

لاهنتو يعطيكم العافيه
كل الشكر والتقدير على مروركم