قصيدتي ,, المرحله الأولى في المسابقه

المرحله , المسابقه , الأولى , في , قصيدتي

قصيدتي ,, المرحله الأولى في المسابقه

شــــد الوتر يا ناظــم اللحــــن شده
وانظــــــم على نبض المحـــبين إيقاع


خل المساء ينثر على المتن جــــعده
وظبي الفلا يمسي على اللحن هزاع


ذاك الوليف اللي ســبى الورد خــده
لأجله على بحـــــر الغزل جيت منصاع


ماقد دخلت البحــــــر من غــير عـــده
هاجس معي ينصب على الغُبه شراع


وانا سليل الشـــــعر خــــاله وجــــده
في ساحة الشـعار شـــــاعر ولي باع


وانا العنيد اللي شكى العشق صده
ما احــــتل قلبي غــــــير مزيون لطباع


ما شــــفت بين الغـــــيد للتــرف نــده
كأن الحــــلى والزيـــــن لسـموه اتباع


من يوم صادفته من شـــــــهور عـــده
وكنه وباء في داخل الجــــوف قد شاع


جـــــاني وحـــــياني ولــــي مــد يده
ومــــديت لــه قلب ومعاليق واضــــلاع


رد الصــــــــدى ,, بالله يازيـــــــن رده
صـــــوتك يلملم لي شــــتاتي ولمـزاع


لا ينثني حــــــبل المواصـــــيل مـــده
ولي فيك احـــــــلام وامـــاني واطماع


قلبي عصـاني فيك ما قـــــدرت ارده
ارحــــــــم معنى هــــدته كــــثر لوجاع


روف بـ متيم قـــد بلغ فـــيك حــــــــده
وناضت لك مــــــزونه قــوافـي وإبداع


ترى جــــــفاء الاحــباب يالغض شده
ارخي لنا من فيض احــساسك اذراع


غنيت لعـيونـك طــــــــروق المـــوده
اطـــرب بهمسك خافقي هو ولسماع

كالعاااااده .. شاعر ومبدع المهجوس .


صح لسااانك وبالتوفيق ..

صح لسانك وبالتوفيق

صح الله أبدانكم , لكم جزيل الشكر

المهجوس ياسليل الشعار
شوفك تتحدى نتمنى لك التوفيق
وصح لسانك

صح لسااااانك وعلى شانك
قصيده روووووعه جدا جد جد

صح لساانك المهجوس فااالك التوفيق


دمت وداااااااااام عزك يالغااالي,,

صح لسانك
اخوي المهجوس
شاعر مبدع
وله باع طويل في الشعر
من خلال هذه المقطوعه الرائعه
فكم تشرفنا بحضورك
وزاد المكان نورا نورك
لك فائق تقديري

المهجووس صح لسانك قصيدة رائعه فالك النتوفيق ..

صصحح لسسآنك يالمهجوووس وفآلك التوووفييق ..