قصيدتي للمرحله الثانيه (الشعر)

04-03-2014, 01:47 PM

بسم الله الرحمن الرحيم

ياهاجسي حضر ورص القوافي
طاب السمر عاد المراحل طويله
وانا اعرفك يا هاجسي انك سنافي
وﻻ دعيتك ماتجيب الهزيله
وافي وباتبقى مدى الدهر وافي.
ماتشرب اﻻعذب من سلسبيله
والشعر له سنه علينا وقافي
اما كذا وﻻ بلاها الحليله
فﻻ القوافي مثل صيد الفيافي..
وﻻ الخيول الصافنات اﻻصيله...
ارمي بتفكيري واهني مشافي..
واتندب اﻻ كل كلمه جميله..
واقلط افكار الهواجس مضافي
واحوج القهوه من الزنجبيله
والشعر فن وذوق واحساس دافي
طب المشاعر والقلوب العليله
شعر(ن) يشد اهل القلوب الرهافي
واسبابه امات العيون الكحيله
يبيح اسرار القلوب الخوافي
من عهد ايوليلى وعهد الجليله
وشعر(ن) على احساس المخاليق ضافي
اما يفرق او يجمع قبيله
يعد مفتاح اﻵخاء والتصافي..
لاهل المبادي والعقول الثقيله
ماهو بمفتاح القصيد الخرافي..
الي يطول مشكله مستطيله..
في الشعر وزن القاف ما هو بكافي
يعني الهدف من رساله نبيله
يطول فيه الوصف لكن عوافي
وﻻ هجوسي تصنع المستحيله